Waewoyelo

◼ Ekanda wayotosha anto Ngɔndɔ ka nɛi la ka tanu: Tshoto y’Etangelo la Réveillez-vous ! Etena kakalolanyu dia tenda anto wakɛnya nsaki, mbidja ndo wanɛ wakaye l’Eohwelo kana l’awui akina wakalɔngɔsɔla etshumanelo koko watonge l’atei w’okongamelo, nyotshe tshɛ dia mbasha dibuku Bible etshatɔ mɛtɛ? l’oyango wa ntatɛ mbeka la wɔ Bible l’ekimanyielo ka dibuku sɔ. Ngɔndɔ ka samalo: Bible etshatɔ mɛtɛ? Naka ampokami wamboshila nongola dibuku diakɔ, kete apandjudi mbeyaka mbasha dibuku tshɛ di’edjedja diele la ndjɛkɛ 192 diambotatɛ ndana kulɛrɛ kana diakatombe la ntondo ka 1995.

◼ Lo mingu yayosalema Losanganya la distrikɛ, Losanganya l’otshimbedi ndo Losanganya la lânde la lushi ɔtɔi, Wekelo wa Bible wa l’etshumanelo, Kalasa k’olimu wa teokrasi ndo Losanganya l’olimu hatosalemaka lo tshumanelo. Lam’ele akambo wayosalemaka ngasɔ, tambokeketsha anto tshɛ dia mbekaka akambo wakawahombe mbeka lo nsanganya shato shɔ l’onto ndamɛ kana l’Ɔtɛmwɛlɔ wa lo nkumbo wa la dikɔlɔ.

◼ Sawo dia lo sɛkɛ dia lânde dia lo 2010 diakalɔngɔswama dia mbishama lo nshi ya Eohwelo diayonga l’ɔtɛ a dui ɔnɛ: “Etena kakɔna kayonga wɔladi ndo lotui tshitshi la mɛtɛ?”