Waewoyelo

◼ Ekanda wayotosha anto Ngɔndɔ ka tanu: Tshoto y’Etangelo la Réveillez-vous ! Etena kakalolanyu dia tenda anto wakɛnya nsaki, mbidja ndo wanɛ wakaye lo Eohwelo kana l’awui akina wakalɔngɔsɔla etshumanelo koko watonge l’atei w’okongamelo, nyotshe tshɛ dia mbasha dibuku Bible etshatɔ mɛtɛ? l’oyango wa ntatɛ mbeka la wɔ Bible l’ekimanyielo ka dibuku sɔ. Ngɔndɔ ka samalo: Bible etshatɔ mɛtɛ? Naka ampokami wamboshila nongola dibuku diakɔ, kete apandjudi mbeyaka mbasha dibuku tshɛ di’edjedja diele la ndjɛkɛ 192 diambotatɛ ndana kulɛrɛ kana dibuku dikina tshɛ diakatombe la ntondo ka 1995.

◼ Lo Losanganya l’olimu la lomingu la Ngɔndɔ ka tanu 10, ekumanyi kɛmɔtshi ayonyomadia mukanda wa Ngɔndɔ ka dikumi l’ahende 7, 2009 wendana la lofulo la falanga lakemɛ etshumanelo dikambo dia Mbalasa ka Diolelo. Lo Losanganya l’olimu la lomingu la Ngɔndɔ ka tanu 17, ɔnɔmbɔdi w’olui wa dikumanyi ayewoya etshumanelo lofulo la falanga l’oyoyo lambowemɛ. Oma lâsɔ, nde ayotomɛ Bɛtɛlɛ kɔpi ka mukanda wɛnya lofulo l’oyoyo lɔsɔ.

◼ Lushi la samalo, Ngɔndɔ ka tanu 29, 2010 nkumbo ka Bɛtɛlɛ kayokamba olimu paka l’etei ka Bɛtɛlɛ ndo Lushi la samalo, Ngɔndɔ ka samalo 12, 2010, wayosola mvudu tshɛ ya Bɛtɛlɛ. Ɔnkɔnɛ, tambonyɔsɛngasɛnga diaha nyu nsala ekongelo ka ntshɔ tembola Bɛtɛlɛ kana ase nkumbo ka Bɛtɛlɛ lo nshi hiende shɔ.

◼ Tekɔ lo ndjalɔngɔsɔla dia ntomɛ tshumanelo tshɛ diele l’esomba wayosalema Losanganya la distrikɛ avɔlɔpɛ wele la fɔrmilɛrɛ ya lo 2011. Sekeletɛlɛ ka l’etshumanelo pombaka nsala la wolo dia mbɔsa divɔlɔpɛ sɔ.