Waewoyelo
◼ Ekanda wayotosha anto lo Ngɔndɔ ka tanu: Tshoto y’Etangelo la Réveillez-vous ! Etena kakalolanyu dia tenda anto wakɛnya nsaki, mbidja ndo wanɛ wakaye l’Eohwelo kana l’awui akina wakalɔngɔsɔla etshumanelo koko watonge l’atei w’okongamelo, nyotshe tshɛ dia mbasha dibuku Bible etshatɔ l’oyango wa ntatɛ mbeka la wɔ Bible l’ekimanyielo ka dibuku sɔ. Ngɔndɔ ka samalo: Bible etshatɔ mɛtɛ? Naka anto wamboshilaka nongola dibuku diakɔ, kete apandjudi mbeyaka mbisha anto oseka dibuku tshɛ di’edjedja diele la ndjɛkɛ 192 diambotatɛ ndana kulɛrɛ kana diakatombe la ntondo ka 1995.
◼ Olimu wa lo Bɛtɛlɛ: Bɛtɛlɛ keketshaka anangɛso l’akadiyɛso wele la lonyuma la dimɛna wele l’ɛnɔnyi 19 polo 35 wele la diewo ndo l’akoka l’akambo wayela anɛ dia vɔ mbɔtɔ lo losanganya lendana l’anto walanga ntshɔ otsha lo Bɛtɛlɛ lo Losanganya la distrikɛ ndo dia vɔ ndodia fɔrmilɛrɛ k’olimu wa lo Bɛtɛlɛ: Waa mécaniciens auto ndo wa mituka wa weke, toshufɛlɛ ta mituka a weke, waa éléctromécaniciens, waa mécaniciens-ajusteurs wele la diewo lo machines-outils (tour, fraiseuse, rectifieuse) ndo wa frigoristes.
◼ Lam’alanganyu, nyeye dia tambotondja okotsha wa Olimu aso wa Diolelo ɔnɛ wele l’awui amɔtshi w’amɛna wele lo Les Saintes Écritures — Traduction du monde nouveau ka lo Lingala. Vɔ tanemaka lo Lingala ndo lo Falase. Naka ase etshumanelo kanyu wekɔ l’ohomba w’okotsha akɔ, kete nyu mbeyaka nsala kɔmandɛ lo nkamba la fɔrmilɛrɛ S-14 lo mfunda km11 05-LI kana km11 05-F.
◼ Lofulo la falanga lakanyemɛ: Lo Losanganya l’olimu la lomingu la Ngɔndɔ ka tanu 9, ekumanyi kɛmɔtshi ayonyomadia mukanda wakafundama Ngɔndɔ ka dikumu l’ahende 7, 2009 wendana l’otshikitanyelo wa lofulo la falanga yakanyemɛ dia Mbalasa ya Diolelo. Lo Losanganya l’olimu la lomingu la Ngɔndɔ ka tanu 16, ɔnɔmbɔdi w’olui wa dikumanyi ayewoya ase etshumanelo lofulo la falanga l’oyoyo lambowemɛ. Oma lâsɔ, nde ayotomɛ Bɛtɛlɛ kɔpi ka lofulo la falanga l’oyoyo lambowemɛ.
◼ Kem’edja, tayotomɛ tshumanelo tshɛ diele l’esomba wayosalema Losanganya la distrikɛ avɔlɔpɛ wele la fɔrmilɛrɛ ya lo 2012. Sekeletɛlɛ ka l’etshumanelo pombaka nsala la wolo dia mbɔsa divɔlɔpɛ sɔ.