Ovuswelo w’awui wakateke lo kalasa k’olimu wa teokrasi
Ambola wayela anɛ wayɔkɛtshanyema lo Kalasa k’olimu wa teokrasi lomingu la Ngɔndɔ k’enanɛi 26, 2013. Adatɛ wele lo tɔkɔhi wɛnya lomingu tshɛ lakateke awui akɔ, wakadjama dia nyokimanyiya woho w’onto mbeya nsala eyangelo etena kalɔngɔsɔlande.
1. Wetshelo akɔna w’ohomba efula wakokaso nkondja oma lo woho waketawɔ nkumekanga Hɛrɔdɛ esadi eto di’anto mbɔtɛmɔla ndo mbotombola? (Etsha 12:21-23) [Ngɔndɔ k’esambele 1, w08 5/15 lɛkɛ 32 od. 7]
2. Wetshelo akɔna wakoka nkondja ɛlɔngɔlɔngɔ l’esekaseka w’Akristo lo nsɛdingola ɛnyɛlɔ kaki Timɔte ndo lo kiyela? (Etsha 16:1, 2) [Ngɔndɔ k’esambele 8, w08 5/15 lɛkɛ 32 od. 10]
3. L’ɔkɔngɔ w’Akula la Piriskila mpokamɛ woho ‘wakatɛkɛtaka Apolo la dihonga tshɛ’ lo luudu l’ɔtɛmwɛlɔ la l’Ɛfɛsɔ, ngande wakawookimanyiya la ngandji tshɛ? (Etsha 18:24-26) [Ngɔndɔ k’esambele 15, w10 6/15 lɛkɛ 11 od. 4]
4. Ɔkɔndɔ akɔna wa lo Bible washa Ɛmɛnyi wa Jehowa lotshungɔ la nɔmba ekimanyielo ka tuminadi ta laadiko ta lo wodja awɔ dia nkokɛ lotshungɔ lele la wɔ la nsambisha? (Etsha 25:10-12) [Ngɔndɔ k’esambele 22, bt-F lɛkɛ 198 od. 6]
5. Ngande wakatetemala ɔpɔstɔlɔ Pɔɔlɔ ntana waaso wa nsambisha kaanga etena kakinde lo luudu la lokanu ndo lo woho akɔna wayela ekambi wa Jehowa wa nshi nyɛ ɛnyɛlɔ kande? (Etsha 28:17, 23, 30, 31) [Ngɔndɔ k’esambele 29, bt-F lɛkɛ 215-217 od. 19-23]
6. Lande na kɔsa Bible dieyanelo dia lam’asa anto wele la tenyi dia demba diaamɛ oko dui diele Nzambi kɔnɔngɔsɔla ndo oko dui dia nsɔnyi? (Rɔmɔ 1:26, 27) [Ngɔndɔ k’enanɛi 5, g-F 1/12 lɛkɛ 28 od. 7]
7. Ngande wakoka “oshinga w’etshungwelo wakafute Kristo Yeso” l’ɔnɔnyi 33 T.D. nkomba ‘pɛkato yakasalaka anto’ lo nshi yakete? (Rɔmɔ 3:24, 25) [Ngɔndɔ k’enanɛi 5, w08 6/15 lɛkɛ 29 od. 6]
8. Yɛdikɔ yakɔna yoludi la ngandji yakɔshi Jehowa yatokimanyiya etena kadiɛnɛso l’ekakatanu wa wolo efula lo yɛdikɔ yele hatoyeya kɛnɛ kakokaso nɔmba? (Rɔmɔ 8:26, 27) [Ngɔndɔ k’enanɛi 12, w08 6/15 lɛkɛ 30 od. 10]
9. Kakɔna kalembetshiya etelo k’ɔnɛ: “Nyonge la mbekelo ka nongolaka angɛndangɛnda”? (Rɔmɔ 12:13) [Ngɔndɔ k’enanɛi 19, w09 10/15 lɛkɛ 5-6 od. 12-13]
10. Lo ndjela dako diaki ɔpɔstɔlɔ Pɔɔlɔ, ngande wakokaso ‘ndɔta Nkumadiɔndjɔ Yeso Kristo’? (Rɔmɔ 13:14) [Ngɔndɔ k’enanɛi 26, w05 1/1 lɛkɛ 23 od. 20-22]