Kakɔna kayoyosala lo nshi ya fɛtɛ?

Lam’ele anto efula tanemaka la ngelo lo nshi ya fɛtɛ y’ɛtɛmwɛlɔ kana ya lo wodja, ɔsɔ ekɔ etena ka dimɛna kahombaso ndjasha l’olimu w’esambishelo. Tshumanelo keketshamaka dia nsala ekongelo ka laande dia nsambisha lo nshi ya fɛtɛ. Naka anto efula wa l’ɛtshi kanyu ka nkɛtɛ mongaka la mbekelo ka ndjemɔka l’ɔkɔngɔ lo nshi ya fɛtɛ, kete ayonga ohomba nsala yema y’etshikinu wa wonya wayosalemaka losanganya l’otsha l’esambishelo. Nyu mbeyaka mbisha diewoyelo lo Losanganya l’olimu dia mbewoya ase etshumanelo tɛdikɔ ta laande tambɔsama tendana l’esambishelo ka lo nshi ya fɛtɛ ndo nkeketsha anto tshɛ dia tisukɛ. Lo mɛtɛ, nshi ya fɛtɛ toshaka nto diaaso dia sho momuya kana nsala awui aso hita. Kaanga mbediɔ ngasɔ, shi sho koka mbɔsa wenya ɛmɔtshi lushi lakɔ dia nsambisha? Lo nsala ngasɔ, tayoka ɔlɔ waya lo nkamba olimu w’ekila.—Mat. 11:29, 30.