Waewoyelo

◼ Ekanda wayotosha anto Ngɔndɔ ka nɛi: Tshoto y’Etangelo la Réveillez-vous ! Ngɔndɔ ka tanu ndo ka samalo: Bible etshatɔ mɛtɛ? kana traktɛ kɛmɔtshi l’atei wa traktɛ nyɛ: Akɔna alɔmbɔla andja ɔnɛ mɛtɛ?, Ele sheke y’ɔngɛnɔngɛnɔ wa lo nkumbo?, Onde mɛtɛ anto wakavu wayɔsɛna nto?, Onde asui wayokomɛ lushi lɔmɔtshi?, Onde wɛ nangaka mbeya akambo wa mɛtɛ? ndo ntatɛ mbeka l’onto Bible.

◼ Lushi la samalo, Ngɔndɔ ka tanu 31, 2014, paka elimu wendana la Bɛtɛlɛ mbayokambema. Lam’alanganyu, tanyoyake dia ndjembola Bɛtɛlɛ kana ase Bɛtɛlɛ lushi lɔsɔ.

◼ Tambolanga mbewoya tshumanelo tshɛ dia naka nyekɔ l’ohomba wa nongolaka ekanda lo Kisahidi Congo, nyu koka ndodia fɔrmilɛrɛ S-14 lo nkamba la alɛta anɛ ZS. Koko naka nyekɔ lo nɔmba ekanda wa lo Kisahidi katɛkɛtama lo ɛstɛ k’Afrikɛ, nyokambe la alɛta anɛ SW l’ɔnɔngɔ wɛnya ekanda wa l’ɔtɛkɛta walanganyu ndo tanyengengake dia nsala dui sɔ naka nyekɔ l’ohomba awɔ.

◼ Ekongelo ka nsanganya ka lomingu la la ntondo ka Losanganya la distrikɛ kana la wedja efula pombaka tshikitanyema l’oyango wa mbohola alako ndo waohwelo w’oma lo dikatshi di’okotsha dia lo Olimu aso wa Diolelo ɔnɛ ndo mukanda wa Ngɔndɔ k’enanɛi 3, 2013 wakawatomɛ tshumanelo tshɛ, wendana la tɛdikɔ tahombaso mbɔsa dia mbewɔ waale etena keso lo nsangaya y’Akristo. Ngɔndɔ ɔtɔi kana hiende l’ɔkɔngɔ wa losanganya la woke, kanyokambe l’etenyi kendana l’ehomba wa l’etshumanelo dia mvusola awui amɔtshi w’ohomba wakatama lo losanganya la woke wɛna apandjudi dia wayowakimanyiya l’esambishelo.