Nkumu y’ɛlɔlɔ y’oma l’olimu aso

Lo Ngɔndɔ ka ntondo 17, 2015, wakasapola mvudu y’eyoyo ya kalasa la Kinshasa. Ntatɛ oma laasɔ, Kalasa k’emendji w’etshimbedi la wadɛwɔ ndo Kalasa k’oyoyo k’esambisha wa Diolelo yayotatɛ mbɔtɔma lo mvudu shɔ. Anto 1 264 wakahokamɛ sawo di’osapwelo diakashama oma le ɔnangɛso Gerrit Lösch lele ose Olui-walɔmbɔla. La wedi a pindju, ɔnangɛso Lösch akalɔmbɔla ekongelo ka woshelo wa apɔlɔmɛ le ambeki akumi atanu wa lo kalasa hiende ya ntondo ya Kalasa k’esambisha wa Diolelo yakɔtɔma lo ɛtshi kaso ka nkɛtɛ. L’ɔkɔngɔ a midi, losanganya la laande lakɔtɔma lo Mbalasa ka nsanganya ya weke ka lo Limete, Kinshasa. Sawo diakɔ diakikɔ l’ɔtɛ a dui ɔnɛ: “Todjasɛ lo lotui tshitshi oma ko kakianɛ” ndo alapɔlɔ wendana la ɔkɔndɔ w’olimu wa Congo yakɔ hiende wakashama . . . L’ɔkɔngɔ diko, awui wakadjama l’eshinga (ndo tovidɛo lo ahole angana) wendana la losanganya lɔsɔ wakashama lo ahole efula wa lo ɛtshi kaso ka nkɛtɛ. Ndekana anangɛso la akadiyɛso 115 177 wakakondja wahɔ oma lo sawo sɔ.