AKAMBO W’OHOMBA W’OMA L’ƆTƐKƐTA WA NZAMBI | ISAYA 58-62
“Nyewoya ɔnɔnyi w’ɔlɔlɔ w’otema wa Jehowa”
“Ɔnɔnyi w’ɔlɔlɔ w’otema wa Jehowa” bu ɔnɔnyi wa mɛtɛ mɛtɛ
Ɔsɔ ekɔ etena kasha Jehowa akanga wa memakana diaaso dia vɔ nkitanyiya didjango diande dia mbewoya etshungwelo
Lo ntambe ka ntondo, ɔnɔnyi w’ɔlɔlɔ w’otema wakatatɛ etena kakamɛ Yeso la olimu ande lo 29 T.D. ndo vɔ wakaviya polo lo “lushi la nsɔmbɔya” laki Jehowa etena kakalanyema Jɛrusalɛma lo 70 T.D.
Lo nshi yaso nyɛ, ɔnɔnyi w’ɔlɔlɔ w’otema wakatatɛ etena kakahema Yeso l’okudi l’olongo lo 1914 ndo vɔ wayokomɛ lo mfɔnu ka woke
Jehowa tshɔkɔlaka ekambi ande la “esongo wa weke wa losembwe”
Mbala efula, esongo woleki etale l’andja ɔnɛ mbolaka kaamɛ lo ekonda lɛnɛ asukanɛ esongo lam’asawɔ
Edio w’etale mbeyaka dingitana, nkeketsha esongo ndo mbisha osukɔ wonya wa mpɛpɛ ya wolo
Esongo w’etale kokɛka tosongo ta totshitshɛ ndo akatshi wakɔ oma l’esongo mbishaka ɛtɛtɔ lo nkɛtɛ
Anto tshɛ wa l’etshumanelo k’Akristo ka l’andja w’otondo kondjaka wahɔ oma l’osukɔ ndo ekokelo ka “esongo wa weke wa losembwe,” mbuta ate atshikadi w’akitami