Onde wɛ ekɔ lo nyanga dia nkondja ekadimwelo lo alɔmbɛlɔ ayɛ?

Bible ndola tɔɔ la bɛnyɛlɔ di’alɔmbɛlɔ wakakadimola Jehowa. Etena kakɛnyi ekambi wa Jehowa woho wakahokamɛka Jehowa ekakatanu awɔ lo alɔmbɛlɔ w’onto l’onto ndo woho wakandaakimanyiyaka, aha la taamu mbetawɔ kawɔ kakakeketshamaka. Koko ekɔ ohomba efula le so dia mbutaka awui shikaa weso l’ohomba lo alɔmbɛlɔ aso, ndo oma laasɔ, mpemba dia nshihodia okadimwelo wa Jehowa. Katohɔke di’ekadimwelo ande mbeyaka ntshikitana kana mbeyaka ndeka ndo kɛnɛ kɔɔlɔmbiso. (2Kɔ 12:7-9; Ɛf 3:20) Ekadimwelo akɔna ondo wakoka Jehowa tosha lo alɔmbɛlɔ aso?

• Nde toshaka wolo wa lo demba, ki ka lo yimba kana tokeketsha lo nyuma dia ndɔshana l’okakatanu.​—Flp 4:13

• Nde toshaka lomba la mbɔsa tɛdikɔ t’amɛna.​—Jak 1:5

• Nde toshaka nsaki ndo wolo wa nsala dui dimɔtshi.​—Flp 2:13

• Nde toshaka wɔlamu etena keso lo nkiyana.​—Flp 4:6, 7

• Nde salaka di’anto akina tokimanyiya la diangɔ d’eso la diɔ ohomba kana tosamba ndo tokeketsha.​—1Jn 3:17, 18

• Nde kimanyiyaka wanɛ walɔmbaso lo dikambo diawɔ.​—Ets 12:5, 11

NYENDE VIDƐO YELE L’ƆTƐ WA DUI ƆNƐ: JEHOWA EKƆ “ƆNƐ LATOKAKA DƆMBƐLƆ” NDO OMA LAASƆ, NYOKADIMOLE LO AMBOLA WAYELA ANƐ:

• Ngande wakoka kɛnɛ kakakomɛ ɔnangɛso Shimizu tokeketsha naka tekɔ l’elelo ɛmɔtshi l’ɔtɛ w’ekakatanu wendana la yoonge?

• Ngande wakokaso mbokoya ɛnyɛlɔ ka ɔnangɛso Shimizu?