NGƆNDƆ KA HENDE 19-25

OSAMBO 8-10

Osambo 2 ndo dɔmbɛlɔ | Ɛtɛkɛta wa mbɔtwɛlɔ (Min. 1)

AKAMBO W’OHOMBA W’OMA L’ƆTƐKƐTA WA NZAMBI

1. “Jehowa le, dimi layokotombola”!

(Min. 10)

Jehowa tosalɛka akambo w’amɛna efula (Os 8:3-6; w21.08 3 od. 6)

Sho ngɛnangɛnaka ntombola Jehowa lo mbutɛ anto akina akambo ande wa diambo (Os 9:1; w20.05 23 od. 10)

Sho mbotombolaka nto etena kawembɛso esambo l’etema aso tshɛ (Os 9:2; w22.04 7 od. 13)

Osato womamatanyi: Toho takokaso ntombola Jehowa. 1. Kadiyɛso kɛmɔtshi k’osombe asambisha onganga ɔmɔtshi. 2. Anangɛngɛso l’akadiyɛso wemba esambo lo losanganya. 3. Ɔna dikɛnda la pami emɛ lonya dia mbisha kɔmatɛrɛ lo losanganya la l’etshumanelo. 4. Ɔnangɛso l’ɔlɔngɔlɔngɔ asola Mbalasa ka Diolelo. 5. Kadiyɛso k’osekaseka asambisha osekande la la kalasa.

YAMBOLA WATE: ‘Lo toho tokina takɔna takokami ntombola Jehowa?’

2. Diangɔ di’oshinga wolo dia lo nyuma

(Min. 1)

Os 8:3—Kakɔna kakalange omembi w’esambo mbuta etena kakandatɛkɛta dikambo dia mpita ya Nzambi? (it-1-F 663)

Okadimwelo ayɛ
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?

Okadimwelo ayɛ

3. Wadielo wa Bible

(Min. 4) Os 10:1-18 (th wekelo 11)

YASHA L’OLIMU W’ESAMBISHELO

4. Woho wa ntatɛ sawo l’onto

(Min. 3) ESAMBISHELO KA LO LUUDU LA LUUDU. Ompokami ambokotɛ dia nde bu la mbetawɔ le Nzambi. (lmd wekelo 5 dui di’ohomba 4)

5. Wesa nsaki kɛnyisha onto

(Min. 4) ESAMBISHELO KA LO TSHAKITUDI. Mbala ka ntondo kakanyasawola, ompokami akakotɛ dia nde bu la mbetawɔ le Nzambi, koko nde nangaka nsɛdingola tolembetelo tɛnya dia Otungi ɔmɔtshi ekɔ. (th wekelo 7)

6. Sawo

(Min. 5) w21.06 6-7 od. 15-18—Ɔtɛ a dui: Kimanyiya ambeki ayɛ wa Bible dia ntombola Jehowa. (th wekelo 10)

LƆSƐNƆ L’OKRISTO

Osambo 10

7. Woho wa nsambisha lo tshakitudi lo yoho ya dimɛna

(Min. 10) Ɔkɛtshanyelo.

Yoho mɔtshi yakokaso ndeka ntombola Jehowa, ele lo nsambisha wanɛ wahomana laso l’elimu aso wa lushi la lushi. (Os 35:28) L’etatelo, sho koka mboka wɔma dia nsambisha lo tshakitudi. Koko, etena keyaso woho wa ntatɛ ndo ntetemala la sawo lo yoho ya dimɛna, sho koka monga l’akoka wa nsala dui sɔ ndo dingɛnangɛna!

Osato w’oma lo vidɛo yele l’ɔtɛ a dui ɔnɛ: “Onga suke dia mbewoya “lokumu l’ɔlɔlɔ la wɔladi”—⁠Ɔsa yɛdikɔ.” Kadiyɛso ambotatshiya sawo la womoto ɔmɔtshi lo mɛsa wa lo rɛstora.

Ɛnya VIDƐO yele l’ɔtɛ a dui ɔnɛ: Onga suke dia mbewoya “lokumu l’ɔlɔlɔ la wɔladi”—Ɔsa yɛdikɔ. Oma laasɔ, oka ampokami dimbola nɛ:

Wetshelo akɔna wamboyokondja oma lo vidɛo nyɛ, wakoka kokimanyiya dia ndeka monga l’akoka wa nsambisha lo tshakitudi?

Okadimwelo ayɛ

Awui wayela anɛ koka kokimanyiya dia ntatɛ sawo:

Yanga waaso wa nsawola l’anto etena tshɛ kamɔyɛ oma la ngelo. Lɔmba dia dui sɔ ndo lɔmba Jehowa dia nde kɔlɔmbɔla otsha le anto wele l’etema w’ɛlɔlɔ
Onga oko ɔngɛnyi ndo ɛnya dia wɛ ndjashaka le anto wahomana la yɛ. Sala la wolo dia mbeya dui dimɔtshi diendana l’ompokami diakoka kokimanyiya dia mbeya akambo wa mɛtɛ wa lo Bible wayowɔngɛnyangɛnya
Yanga diaaso dia nyu mbishana numɛlɔ ya telefɔnɛ naka kokaka
Tɔkɔmɔke naka sawo diambokomɛ la ntondo ka wɛ nsambisha
Kana yimba dikambo di’onto ɔsɔ l’ɔkɔngɔ wa nyu nsawola. Tetemala ndjasha le onto lo mbotomɛ liɛ lɔmɔtshi latɔla lo divɛsa dimɔtshi dia lo Bible kana sawo dia lo jw.org

Hemba nsala nganɛ: Naka onto ɔmɔtshi ambokombola ate: ‘Ngande wakete wikɛndɛ ayɛ?,’ tɛnde dui dimɔtshi diakayeke lo losanganya kana dui dimɔtshi diakayasale oko ombetsha wa Bible.