ETENYI 8

Kɛnɛ kata Bible kotshamaka

Aha paka ɛkɔndɔ wa mɛtɛ eto wa kɛnɛ kakasalema lo nshi yakete mbatɔkɔndɔlɛ Bible koko tɔ totɛka ndo kɛnɛ kayosalema lo nshi yayaye. Anto hawokoke mbuta kɛnɛ kayosalema lo nshi yayaye. Diɔ diakɔ dieyaso ɔnɛ Bible ndja oma le Nzambi. Ko kakɔna kata Bible lo kɛnɛ k’endana la nshi yayaye na?

Bible mbewoyaka dikambo dia ta diaki Nzambi. Lo ta sɔ, Nzambi ayɛdia kɛtɛ oma l’akambo wa kɔlɔ tshɛ ndo minya anto wa kɔlɔ, koko nde ayokokɛ wanɛ wôkambɛ olimu. Yeso, Nkumekanga kakadjama oma le Nzambi, ayodja yimba di’ekambi wa Nzambi monga la wɔladi ndo l’ɔngɛnɔngɛnɔ, ndo di’aha vɔ tata hemɔ nto kana mvɔ.

Sho kokaka ngɛnangɛna nɛ dia Nzambi ayosala paradiso lanɛ la kɛtɛ, shi mɛtɛ? Koko sho pombaka sala dikambo dimɔtshi naka sho nangaka sɛna lo paradiso kɛsɔ. L’ɔkɔndɔ wa komelo wa lo buku nɛ, tayeka kɛnɛ kahombaso sala dia sho kondja ɛngɛnɔngɛnɔ wambombɛ Nzambi wanɛ wôkambɛ olimu. Ɔnkɔnɛ, ala ETENYI 8 kele eya kɛnɛ kata Bible lo dikambo dia nshi yayaye.