OSAMBO 19
Dambo dia dikɔlɔ dia Nkumadiɔndjɔ
Okanda wa l'akatshi
1. Jehowa Shɛso, ɔnɛ ekɔ
Otsho woleki ekila!
Lo Nisana nshi dikumi la nyɛyi, wɛ
Akɛnya ngandji k’efula.
As’Isariyɛlɛ wakatshe
Pasaka ko wakatshungɔ.
Yeso akayotshola dikila diande
L’oyango wa sho lawɔ ntshungɔ.
2. Tambotshumana la ntondo kɛɛ.
Sho tekɔ lo kotombola
L’ɔtɛ wakayatome Ɔnayɛ dia nde
Ndjovwelɛ anto efula.
Nyɛsɔ tolamake Eohwelo
Kɛnɛ lo timba takiso.
Dia sho tshɛ ndjokondja lɔsɛnɔ la pondjo,
Toyelake wanya wa Yeso.
3. Tambotshumana la ntondo kɛɛ.
Dia ndjetawɔ leeta layɛ.
Tayokotombola nɛ dia lo ngandji kɛɛ
Mbakaatotomɛ Ɔnayɛ.
Dambo dia Nkumadiɔndjɔ Yeso
Keketshaka etem’aso.
Tayoyela wanya wa Kristo Nkumɛso,
Dia nkondja lɔsɛnɔ
la pondjo.
(Enda ndo lo Luka 22:14-20; 1 Kɔr. 11:23-26.)