OSAMBO 87
Nyoye nyoyokeketshame!
Okanda wa l'akatshi
1. Tekɔ lo nsɛna lo andja waheye;
Mboka ka Nzambi kakiso.
Hatokoke ndjalɔmbɔla aha la
Ekimanyielo ka Shɛso.
Nsanganya keketshaka mbetawɔ ndo
Elongamelo kakiso.
Yɔ totshutshuyaka l’etsha w’ɛlɔlɔ,
Ndo dia sho ntshɔ ’tsha la ntondo.
Tayosalaka oseka lushi tshɛ;
Lolango laki Jehowa.
Nsanganya tetshaka mboka k’ɔlɔlɔ;
Katɔla otsha lo panda.
2. Jehowa mbeyaka ehomba waso;
Toyele alako wande.
Lo sanganaka kaamɛ mbɛnyaso dia
Sho mbɛkamaka Dui diande.
Wetshelo wa Nzambi tokimanyiaka,
Dia mɛnya mbetawɔ kaso.
Sho bu ditshike diɛsɛ ’ma l’osukɔ,
Watotoshak’anangɛso.
Tekɔ lo nongamɛ tena di’amɛna,
Diayotoyokondja sango.
Lo nsanganya nyɛ mbekaso dia nsɛna
La lomba l’oma l’olongo.
(Enda ndo lo Es. 37:18; 140:1; Tok. 18:1; Ɛf. 5:16; Jak. 3:17.)