Dikambo dia ɛlɔngɔlɔngɔ la esekaseka aso

Woho wakanguna Petero Yeso

Alako: Adia ɔkɔndɔ wa lo Bible ɔnɛ lo dihole dia ki diayokokimanyiya dia wɛ kana yimba dimɛna lɔkɔ. Etena kadiayɛ avɛsa, yaɔsa dia ndo wɛ mbele l’atei w’anto watɛkɛtawɔ dikambo diawɔ lɔkɔ. Ɔsa dia wɛ ekɔ lo mɛna kɛnɛ kêta. Ɔsa dia wɛ ekɔ lo mboka kɛnɛ katɛkɛtama. Yaoka woho wayaoka anto watɛkɛtama l’etenyi kakɔ.

SƐDINGOLA ƆKƆNDƆ.​—ADIA MATEU 26:31-35, 69-75.

Anto angana wafɔnyayɛ wele lo ɔkɔndɔ?

․․․․․

Onde wɛ fɔnyaka dia wanɛ wakatɛkɛtaka la Petero waki oko angɛnyi? oko anto waki la nsaki ka mbeya dikambo? oko anto waki la kɛlɛ? ko kana waki l’eyango ekina?

․․․․․

Oko le yɛ, ngande wakayaoke Petero etena kakawɔsɔngwɛka?

․․․․․

Lande na kakânguna Petero Yeso? Onde aki nɛ dia nde kombôkaka ngandji kana l’ɔtɛ w’ɔkɔkɔ okina?

․․․․․

SALA EYANGELO EFULA.​—ADIA LUKA 22:31-34; MATEU 26:55-58; JOANI 21:9-17.

Ngande wele woho wakaleke Petero ndjaɛkɛ lo akoka ande hita akayôkonya dia nde sala dui dia kɔlɔ?

․․․․․

Ngande wakɛnya Yeso wɛkamu ande le Petero, kânga mbakandeyaka dia Petero ayotakana lo tshanda mɔtshi?

․․․․․

Kânga mbakandanguna Yeso, ngande wakɛnya Petero dihonga di’efula ndeka ambeki akina?

․․․․․

Ngande wakɛnya Yeso dia nde akadimanyiya Petero?

․․․․․

Oko le yɛ, lande na kakambola Yeso Petero mbala shato ate: ‘Onde wɛ mbokakami ngandji?’

․․․․․

Oko le yɛ, ngande wakayaoke Petero l’ɔkɔngɔ wa nde sawola la Yeso, ndo lande na?

․․․․․

KAMBA DIMƐNA LA KƐNƐ KAMBOYEKA. FUNDA KƐNƐ KAMBOYEKA LO KƐNƐ KENDANA LA . . .

Wɔma w’onto.

Kɛtshi kaki la Yeso otsha le ambeki ande, kânga etena kakawasalaka munga.

․․․․․

Dui diakɔna dia l’ɔkɔndɔ ɔnɛ dioleki ohomba le yɛ, ndo lande na?

․․․․․

․․․․․