Kakɔna kata Bible?

Onde Nzambi mbele lo kiɔkɔ y’asui?

Ngande wayoyokadimola?

• Eelo

• Ndooko

• Ondo

Kɛnɛ kata Bible

“Nzambi ka mɛtɛ bu la kanyi ya nsala akambo lo yoho ya kɔlɔ, Kanga-Wolo-Tshɛ bu la kanyi ya nsala kɔlɔ!” (Jɔbɔ 34:10) Nzambi bu pondjo lo kiɔkɔ y’awui wa kɔlɔ ndo asui wɛnaso lo andja ɔnɛ.

Naa awui akina wakokaso mbeka oma lo Bible?

• Satana Diabolo, “owandji w’andja ɔnɛ” mbele onto la ntondo lele lo kiɔkɔ y’asui.—Joani 14:30.

• Mbala efula, asui ndo awui wa kɔlɔ ndjaka oma lo tɛdikɔ ta kɔlɔ tɔsa anto.—Jakɔba 1:14, 15.

Onde asui wayoshila?

Anto amɔtshi mbetawɔka dia ana w’anto koka nshidiya asui naka vɔ mbidja welo kaamɛ, etena kele akina bu la elongamelo k’efula dia awui wa l’andja ɔnɛ wayolowana tshɛ lo tshɛ. Naa kanyi yayɛ?

Kɛnɛ kata Bible

Nzambi ayonya asui. “Nyɔi hatoyala nto, otanda hatoyala nto, delo hatoyala nto, kaanga kandji hatoyala nto.”—Ɛnyɛlɔ 21:3, 4.

Naa awui akina wakokaso mbeka oma lo Bible?

• Nzambi ayokamba la Yeso dia nkomiya asui wela Satana.—1 Joani 3:8.

• Anto w’ɛlɔlɔ wayodjasɛka lo wɔladi la nkɛtɛ pondjo pondjo. —Osambo 37:9-11, 29.