Tayokondja ɔngɛnɔngɛnɔ naka sho ndjalɔngɔsɔlaka la ntondo
1 Olimu w’esambishelo telaka ɔngɛnɔngɛnɔ w’efula. (Osam. 89:15, 16) Lo mɛtɛ, naka sho ndjalɔngɔsɔlaka, kete tayongaka l’ɔngɛnɔngɛnɔ wa ngasɔ. Naka sho ndjalɔngɔsɔla dimɛna, kete tayokamba efula, ndo tayonga l’ɔngɛnɔngɛnɔ efula, naka sho kamba efula.
2 Tokambe la dihomɔ diatoshawɔ: Lam’ayalɔngɔsɔlayɛ, tatɛ mbadia ndo sɛdingola awui wa l’Olimu Aso wa Diolelo. Mbala efula, Olimu Aso wa Diolelo mongaka l’asawo w’amɛna efula wakalɔngɔswama dia tokimanyiya woho wa sho mbewoya losango la Diolelo aha l’okakatanu ndo lo yoho y’ɔlɔlɔ. Lɔkɔ, wɛ ayotana toho takokayɛ tondoya ekakatanu waleka pomana l’apandjudi tshɛ. Sho tanaka nto tokanyi t’eshika tendana la woho wa membola onto dimɛna l’oyango wa tatɛ mbeka la nde Bible. Wɛ kokaka kamba l’alako akɔ lɛnɛ ɛnɛ wate sunganaka kamba la wɔ. Lâdiko dia lâsɔ, tekɔ la dibuku Comment raisonner diele la mbɔtwɛlɔ ya l’asawo yotshikitanyi ndo ekadimwelo wayokokimanyiya dia wɛ tondoya wekamu. Ɔnkɔnɛ, tekɔ la dihomɔ diayokokimanyiya dia tokomɛ dimɛna akambo efula wayohomana la yɛ.
3 Oka sso lo okanda wayoyokahɛ anto ndo sɔna kanyi ɔtɔi kana tohende tamɛna takokayɛ sawola l’ɔtɛkɛtshi ayɛ. Nsango mɔtshi yatshutshuya onto dia kana yimba yakayoki kana yakayadisha mbeyaka kokimanyiya dia wɛ tatɛ sawo. Tâkanyiyisha wekamu ɛmɔtshi wokoki pomana la yɛ, ndo kimɛ tokanyi tɔmɔtshi lo wɔɔngɔ ta woho wayoyotsha. Oma lâsɔ ko wɛ mbɔsa taahe tongana dia wɛ pemba kɛnɛ kayangayɛ tota lam’ayonga la ntondo ka soko.
4 Ɔtɔka lo nsanganya tshɛ y’olimu: Wonya weyɛ lo Losanganya l’Olimu, hokamɛka la yambalo tshɛ wonya wakɛtshanyawɔ alako woshami l’Olimu Aso wa Diolelo, wavusolawɔ ndo wɛnya- wɔ woho wa kamba la wɔ. Funda tokanyi tɛnɛ wate wɛ koka totidja lo sawo diayɛ l’esambishelo. Ohɔ akambo amɔtshi wakahomana la yɛ l’esambishelo wanɛ wokohomanaka l’anto ndo kanyiya toho takokɛ ndeka sambisha dimɛna. Kɛtshanya akambo asɔ wɛ l’apandjudi akina la ntondo ndo l’ɔkɔngɔ wa losanganya.
5 Wɛ kokaka ndjashikikɛ dia naka wɛ ‘ndjalɔngɔsɔlaka dikambo di’olimu tshɛ w’ɔlɔlɔ,’ kete wɛ ayokondja ɔngɛnɔngɛnɔ w’efula ndo ayokoka dia kimanyiya anto akina dia vɔ mbishola mboka k’otsha lo lɔsɛnɔ.—2 Tim. 2:21.