Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 12, 15

MBEWOYAKA DIOLELO DIAKI JEHOWA

“L’etenyi k’ɔnɔnyi kɛnɛ, anto efula wekɔ lo mbidja yimba lo kɛnɛ kendana l’eotwelo kaki Yeso. Onde wɛ mbeyaka dia sho kokaka kondja wetshelo efula w’ohomba oma l’ɔkɔndɔ wa lo Bible wendana l’eotwelo kande? [Tshikande akadimole. Oma lâsɔ ko wɛ mbifola lo lɛkɛ 5, ndo mbadia 2 Timote 3:16.] Tshoto y’Etangelo nyɛ sɛdingolaka wetshelo ɛmɔtshi l’atei awɔ.”

Réveillez-vous! Ngɔ. ka 12, 22

“Onde wɛ mbetawɔka di’ambutshi wekɔ la shadiya ya ndjakiyanya lo menda shɛngiya yele la tɔkɛnyɔ ta ngala ta nshi nyɛ le anawɔ? [Tshikande akadimole.] Ambutshi efula kambaka la divɛsa dia lo Bible nɛ oko ɛlɔmbwɛlɔ. [Adia Osambu 11:⁠5.] Réveillez-vous! ɔnɛ kimanyiyaka nkumbo dia yɔ sɛdingola wâle wele la wendelo wa tɔkɛnyɔ ta lo televiziɔ, ta lo vidɛo kana ta lo Internet.”

Tshoto y’Etangelo Ngɔ. ka 1, 1

MBEWOYAKA DIOLELO DIAKI JEHOWA

“Etena kavusha anto onto awɔ ɔmɔtshi la ngandji kana kasowa onto awɔ ɔmɔtshi la hemɔ, vɔ toyambolaka mbala efula ɔnɛ: ‘Bonde ketawɔ Nzambi dia dikambo dia nganɛ salema?’ Ondo wɛ amboyaokaka wombola ɔsɔ. Bible mɛnyaka dia Nzambi mbokaka anto wasowa kandji. [Adia Isaya 63:9a.] Periodikɛ kɛnɛ nembetshiyaka lande na kakokaso monga l’eshikikelo ɔnɛ Nzambi ayoshidiya asui.”

Réveillez-vous! Ngɔ. ka 1, 8

“Onde wɛ fɔnyaka di’anɔmbɔdi pombaka mɔnyɔla lotshungɔ lele l’anto la tɛkɛta kɛnɛ kalangawɔ? [Tshikande akadimole.] Ko ayoyotsha naka wɛ pombaka sawola l’anto akina awui wendana l’ɔtɛmwɛlɔ, oko wadiaso lanɛ? [Adia Etsha 28:​30, 31.] Atet’edja dikambo sɔ diakatondjama la ntondo ka Tuminadi ta Lâdiko ta lo wodja w’États-Unis. Lambokɔlɔmba dia wɛ mbadia dikambo sɔ lo Réveillez-vous! ɔnɛ.”