Waohwelo Wendana la Eohwelo

Eohwelo k’ɔnɔnyi ɔnɛ kayosalema Lushi la Sato, Ngɔndɔ ka Nɛi 16. Dikumanyi pombaka mbidja yimba l’akambo wayela anɛ:

◼ Lam’asɔnanyu wonya wayosalema losanganya lɔsɔ, nyoyashikikɛ dia mapa la vinyɔ wayoyetshetshama paka l’ɔkɔngɔ wa ɛɔtwɛlɔ ka wonya.

◼ Pombaka mbewoya anto tshɛ, kâmɛ ndo ɔtɛkɛtshi, wonya ndo dihole shikaa diayosalema losanganya lakɔ.

◼ Pombaka takondjisha mapa ndo vinyɔ yasungana.​—⁠Enda lo Tshoto y’Etangelo ya Ngɔndɔ ka Hende 15, 1985, lɛkɛ 19 lo falase.

◼ Pombaka talɔngɔsɔdi la ntondo, alɔnga w’akale wasungana, tɔvɛrɛ, mɛsa ndo dihɔndɔ dia mɛsa.

◼ Mbalasa ka Diolelo kana dihole dikina diayosalema losanganya lɔsɔ pombaka tɔ̂mbami kana tâsolami la ntondo ka wonya.

◼ Pombaka tâsɔnyi wanɛ wayolongolaka anto la wayetshetshaka mapa la vinyɔ la ntondo ndo tawamanyisha fundo lo kɛnɛ kendana l’ɛkɛndɛ akɔ, la woho wayowokotsha ɛkɛndɛ akɔ kâmɛ, ndo ohomba wa vɔ ndɔta ndo minya divo yoho ya dimɛna.

◼ Pombaka tɔ̂shi tɛdikɔ ta tɔlɛ okitami w’esɔ tshɛ wele mbaka la hemɔ wahatokoka ndja lo losanganya mapa la vinyɔ.

◼ Naka tshumanelo efula diayokamba la Mbalasa ka Diolelo ɔtɔi, kete diɔ pombaka nɔngɔsɔla akambo dimɛna dia mbewɔ efukutanu lo wɔtwɛlɔ kana l’otombelo w’anto ndo l’ahole wa mbɛkɛ mitutu kana akalo. Naka kokaka, nyu mbeyaka tshika minitɛ 45 lam’asa wanɛ wayɔtɔ ntondo la wanɛ wayɔtɔ l’ɔkɔngɔ.