Waohwelo wendana la Eohwelo

Eohwelo k’ɔnɔnyi ɔnɛ kayosalema Lushi l’ɔtɔi, Ngɔndɔ ka nɛi 2. Dikumanyi pombaka mbidja yimba lo akambo wayela anɛ:

◼ Lam’asɔnanyu wonya wayosalema losanganya lɔsɔ, nyoyashikikɛ dia mapa la vinyɔ wayoyetshetshama paka l’ɔkɔngɔ wa ɛɔtwɛlɔ ka wonya.

◼ Pombaka mbewoya anto tshɛ, kâmɛ ndo ɔtɛkɛtshi, wonya ndo dihole shikaa diayosalema losanganya lakɔ.

◼ Pombaka takondjisha mapa ndo vinyɔ yakoka.​—Enda lo Tshoto y’Etangelo ya Ngɔndɔ ka sato 1, 2003, lɛkɛ 10-11.

◼ Pombaka têla la ntondo alɔnga w’akale, tɔvɛrɛ, mɛsa, ndo dihɔndɔ dia mɛsa diakoka lo mbalasa ndo tâle mɛsa la diangɔ sɔ la ntondo.

◼ Mbalasa ka Diolelo kana dihole diayosalema Eohwelo pombaka tɔ̂mbami kana tâsolami la ntondo.

◼ Pombaka tâsɔnyi wanɛ wayolongolaka anto la wayetshetsha mapa la ntondo, ndo tawamanyisha ɛkɛndɛ akɔ fundo la woho wayowokotsha ɛkɛndɛ akɔ, kâmɛ ndo ohomba wa vɔ ndɔta ndo minya divo lo yoho ya dimɛna.

◼ Pombaka tɔ̂shi tɛdikɔ ta tɔlɛ okitami w’esɔ tshɛ wele baka la hemɔ ndo wahatokoka ndja lo losanganya mapa la vinyɔ.

◼ Naka tshumanelo efula diayosala Eohwelo lo Mbalasa ka Diolelo ɔtɔi, kete diɔ pombaka nɔngɔsɔla akambo dimɛna dia mbewɔ efukutanu lo wɔtwɛlɔ kana l’otombelo w’anto ndo l’ahole wa mbɛkɛ mitutu kana akalo.