Woho wa mbisha anto periodikɛ

Tshoto y’Etangelo Ngɔndɔ ka dikumi 1

“Ɛlɔ kɛnɛ anto efula waya kema la mbetawɔ le Otungi. Oko le yɛ, kakɔna kele lo kiɔkɔ ya dikambo sɔ? [Tshikande akadimole.] Avɛsa anɛ toshaka ɔkɔkɔ ɔmɔtshi. [Adia Habakuka 1:2, 3.] Sawo nɛ tokimanyiyaka dia sho nkadimola ambola amɔtshi wayaoka anto lo dikambo dia Nzambi wambâkonya diaha vɔ monga la mbetawɔ le nde.” Tɛkɛta dia sawo diotate lo lɛkɛ 11.

Réveillez-vous ! Ngɔndɔ ka dikumi

“Shi wɛ mbetawɔka dia nkumbo efula yekɔ l’ekakatanu efula ɛlɔ kɛnɛ? [Tshikande akadimole.] Anto efula haweye alako efula w’eshika wele lo Bible. Tɔsɛdingole ɛnyɛlɔ kɛnɛ. [Adia divɛsa dimɔtshi diele lo periodikɛ.] Numɛlɔ kɛnɛ ka lânde ka Réveillez-vous ! mɛnyaka nganɛ wakoka atɔndɔ wa lo Bible nkimanyiya nkumbo dia yɔ nkandola ekakatanu wotshikitanyi wele la yɔ.”

Tshoto y’Etangelo Ngɔndɔ ka dikumi l’ɔtɔi 1

“Onde wɛ fɔnyaka di’awui tshɛ wetshawɔ lo ɛtɛmwɛlɔ ntomba oma lo Bible? [Tshikande akadimole.] Bible tɔhɛmɔlaka diaha sho mbetawɔ wetshelo wa kashi. [Adia Kolosai 2:8.] Periodikɛ kɛnɛ mɛnyaka wetshelo esamalo wahɔtɔnɛ la Ɔtɛkɛta wa Nzambi.”

Réveillez-vous ! Ngɔndɔ ka dikumi l’ɔtɔi

“Anto wokamba la dihomɔ diele oko telefɔnɛ la ɔrdinatɛrɛ lo lɔsɛnɔ la lushi la lushi. Onde wɛ fɔnyaka dia okambelo wa la tshulatshula sɔ tokimanyiyaka diaha nshisha wenya kana diɔ toshishɛkawɔ? [Tshikande akadimole.] Anto efula mbetawɔka ɛtɛkɛta wayela ɛnɛ watɔlɔmba dia nkamba dimɛna la wenya aso. [Adia Efeso 5:15, 16.] Periodikɛ kɛnɛ mɛnyaka woho wakokaso nkamba la tshulatshula la wɛdimo ndo lo yoho ya dimɛna.”