La Bible : une force dans votre vie

Bible kambokimanyiya miliyɔ y’anto dia vɔ ntshikitanya nsɛnɔ yawɔ lo yoho ya dimɛna efula. Naa atɔndɔ amɔtshi w’oma lo Bible wele naka sho nkamba la wɔ, kete vɔ wayotokimanyiya dia sho ndɔshana la ekakatanu wa nshi nyɛ? Aha la tâmu, wɛ ayɔngɛnangɛna dia ntana okadimwelo wa dimbola sɔ lo menda etenyi ka hende ka lo tenyi sato diele lo DVD diele l’ɔtɛ a dui ɔnɛ: La Bible : un livre historique et prophétique. Etenyi kakɔ kekɔ l’ɔtɛ a dui ɔnɛ: La Bible : une force dans votre vie. L’ɔkɔngɔ wa wɛ menda DVD sɔ, onde wɛ kokaka nkadimola lo ambola wayela anɛ?

1) Lande na kakokaso mbuta dia Bible kema tsho dibuku dia dimɛna efula di’ɛkɔndɔ? (Heb. 4:12) 2) Naka Bible kokaka nkimanyiya anto dia vɔ ndowanya nsɛnɔ yawɔ, lande na kele anto tetemalaka monga la ekakatanu? 3) Naa ɔtɛ a dui wɔtɛkɛtami lo Bible k’otondo? 4) Naa avɛsa amɔtshi woshilami wakoka nkimanyiya atshukanyi a) dia vɔ ndeka mbeya nsawola lam’asawɔ? b) dia mbahemɛ kɛlɛ kawɔ? 5) Ngande wakoka kanyi yele l’Okristo lo dikambo dia diwala ndowanya lɔsɛnɔ la lo nkumbo? (Ef. 5:28, 29) 6) Ngande wakatshikɛ Jehowa ambutshi ɛnyɛlɔ ka kokele? (Mako 1:9-11) 7) Ngande wakoka ambutshi mbetɛ wekelo wa lo nkumbo dikambo di’ɔngɛnɔngɛnɔ? 8) Lâdiko dia wekelo wa Bible, kakɔna kalɔmba Ɔtɛkɛta wa Nzambi ambutshi dia vɔ nkotsha ehomba w’anawɔ? 9) Ngande wakoka alako wa lo Bible nkimanyiya ase nkumbo dia vɔ ntondoya ekakatanu wendana la ekondjelo? 10) Naa atɔndɔ amɔtshi wa l’Afundelo wendana la pudipudi, didjoyadjoya, ɔnwɛlɔ a wanu wa tshambandeko ndo la tokanyi wele naka sho nkamba la wɔ kete tayewɔ ekakatanu efula wa lo demba? 11) Naa alaka wa lo Bible wakoka tokimanyiya? (Jobo 33:25; Osam. 145:16) 12) Ngande wambotshikitanya wetshelo w’oma l’Ɔtɛkɛta wa Nzambi lɔsɛnɔ layɛ? 13) Ngande wakokayɛ nkamba la DVD nɛ dia nkimanyiya anto akina?