Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka ntondo

“Tekɔ lo nanga mbeya kanyi yayɛ. Naa lokombo la Nzambi l’oshika? [Tshikande akadimole.] Ohenda kɛnɛ kadiaso lanɛ.” Sha ompokami ayɛ Tshoto y’Etangelo ya Ngɔndɔ ka ntondo 1, ndo ɛnyande sawo diele lo lohoso la l’ɔkɔngɔ ndo nyɔkɛtshanya awui wele l’ɛse k’ɔtɛ a dui wa ntondo wahɔnyi ndo nyadia kaanga divɛsa ɔtɔi. Shande periodikɛ ndo nyokane lushi layoyokalola dia nyu ndjɔkɛtshanya dimbola dikina.

Tshoto y’Etangelo Ngɔndɔ ka ntondo 1

“Anto efula tɛkɛtaka dikambo di’ekomelo k’andja. Onde wɛ mbɔsaka di’ekomelo k’andja ekɔ dui diahombaso mboka wɔma? [Tshikande akadimole.] Lo ndjela divɛsa nɛ, anto amɔtshi wayohandɔ. [Adia 1 Joani 2:17.] Periodikɛ kɛnɛ mɛnyaka ekadimwelo w’oma lo Bible lo ambola anɛi waleka anto ndjambola lo kɛnɛ kendana l’ekomelo k’andja.”

Réveillez-vous ! Ngɔndɔ ka ntondo

“Tekɔ lo ndjakɛtshanya l’ase nkumbo tshɛ dui dimɔtshi di’ohomba efula. Onde wɛ fɔnyaka dia ekɔ ohomba di’ase nkumbo nkamba l’ɛtɛkɛta waki Yeso ɛnɛ? [Adia Etsha 20:35b. Oma laasɔ, tshikande akadimole.] Mbetsha ana dia vɔ ndjakiyanya dikambo di’anto akina ekɔ tshondo y’okakatanu l’andja ɔnɛ wele anto efula nyangaka paka dia wahɔ awɔ hita. Sawo nɛ mɛnyaka toho tɔmɔtshi t’amɛna takoka ambutshi mbetsha ana dia vɔ monga la yimba ya kanɛɛ anto akina.”