Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka nɛi

“Tekɔ lo takeketsha asekaso dia vɔ mbadiaka Bible. Koko anto efula mɛnaka dia Bible kekɔ wolo nshihodia. Oko le yɛ, onde dui sɔ diekɔ mɛtɛ? [Tshikande akadimole.] Ohenda kɛnɛ kata periodikɛ kɛnɛ.” Ɛnyande lohoso la l’ɔkɔngɔ la Tshoto y’Etangelo ya Ngɔndɔ ka nɛi 1, ndo nyɔsɛdingole kaamɛ dimbola dia ntondo ndo nyadia kaanga divɛsa ɔtɔi. Shande periodikɛ, ndo okana la nde dia nyu ndjɔsɛdingola dimbola dikina mbala kayaye.

Tshoto y’Etangelo Ngɔndɔ ka nɛi 1

“Onto tshɛ lambosawola la so ɛlɔ ambototɛ dia nde ekɔ l’ekakatanu. Dui sɔ konyaka anto amɔtshi dia ndjambola oyango wele la lɔsɛnɔ. Oko le yɛ, naa ekakatanu ɛmɔtshi wadjɛ anto wekamu dia vɔ monga l’ɔngɛnɔngɛnɔ? [Tshikande akadimole.] Bible kekɔ lo ndaka dia kem’edja, Nzambi ayanga minya ekakatanu tshɛ wele la so. [Adia Ɛnyɛlɔ 21:4.] Periodikɛ kɛnɛ mɛnyaka akambo amɔtshi w’amɛna watokongɛ lo nshi yayaye ndo woho wakokaso monga la lɔsɛnɔ lele l’oyango oma ko nshi nyɛ.”

Réveillez-vous ! Ngɔndɔ ka nɛi

“Akambo wa ngala wambofulanɛ lo nkumbo efula ya l’andja w’otondo. Anto efula mbutaka ɔnɛ kɛnɛ kele lo kiɔkɔ ya dikambo sɔ ekɔ mbekelo y’anto, ahole wakawole ndo tɔkɛnyɔ ta ngala. Oko le yɛ, onde ɔsɔ ekɔ ɛkɔkɔ w’eshika wambofulanɛ awui wa ngala lo nkumbo? [Tshikande akadimole.] Bible mɛnyaka diɔtɔnganelo diahomba monga lam’asa wadi l’omɛnde. [Adia Ɛfɛsɔ 5:33.] Periodikɛ kɛnɛ mɛnyaka woho wakashimbɛ atshukanyi amɔtshi awala awɔ lo nkamba la alako w’oma lo Bible.”