Tolembetshiya dietawɔ diaso diendana l’ɔnɔnyi wa 1914

Afundelo tokeketshaka dia mongaka ‘suke dia nembetshiya’ anto awui wendana la dietawɔ diaso, koko sho pombaka nsala dui sɔ “la lotutsha ndo la dilɛmiɛlɔ di’efula.” (1 Pet. 3:15) Lo mɛtɛ, sho mbeyaka monga l’okakatanu dia nembetshiya akambo wa mɛtɛ w’ohomba efula wa lo Bible wele oko, ngande weyaso ɔnɛ Diolelo diaki Nzambi diakatatɛ mbolɛ lo 1914? Dia tokimanyiya dia nsala dui sɔ, ekɔ asawo ahende wakalɔngɔswama wele l’ɔtɛ a dui ɔnɛ “Sawo kaamɛ l’ompokami ɔmɔtshi—Etena kakɔna kakatatɛ Diolelo diaki Nzambi mbolɛ”? Asawo asɔ tanemaka lo Tshoto y’Etangelo yayotokahɛ anto lo Ngɔndɔ ka dikumi ndo ka dikumi l’ɔtɔi. Etena katayadia asawo asɔ, ndja yimba lo ambola wakakambe la Kalonda lele opandjudi wokambi la wɔ lo wɛnyɛlɔ.

Ngande . . .

• wakandandola ompokami ande dia mbɔngɛnyangɛnya?—Etsha 17:22.

• wakandakɛnɛmɔla okitshakitsha etena kakandalembetshiyaka dietawɔ diande?—Etsha 14:15.

Lande na kaki dimɛna dia nde . . .

• mbisha kanyi lo tshena pe lo tena dimɔtshi la ntondo ka mbɔtshiya awui akina?

• momuya yema mbala la mbala ndo mimbola ompokami kana nde akoki kɛnɛ kamondoshila mbolembetshiya?

• ntshika mpɔpa ompokami ande awui efula mbala kakɔ ɔtɔi?—Jni. 16:12.

Ande woho wakokaso monga la lowando le Jehowa lele ‘Ombetsha aso wa Woke,’ latetsha woho wa nembetshiya akambo wa mɛtɛ w’ohomba efula wa lo Bible le anto wele la ndjala kawɔ lee!—Is. 30:20.