Osalelo wa Eohwelo ka nyɔi ka Kristo l’Allemagne
Bɛnyɛlɔ dia mbɔtwɛlɔ
TSHOTO Y’ETANGELO
Dimbola: Onde wɛ mbeyaka dimɛna ɛtɛkɛta wa lokumu ɛnɛ?
Divɛsa: Jni 3:16
Woho wa mbisha: Tshoto y’Etangelo nyɛ nembetshiyaka wahɔ wakokayɛ nkondja lo woho wakasowe Yeso ndo wakandavu.
TSHOTO Y’ETANGELO (lɛkɛ l’ekomelo)
Dimbola: Enda dimbola nɛ ndo ekadimwelo ɛmɔtshi washa anto efula. [Adia dimbola dia ntondo ndo ekadimwelo wofundami.] Ngande wayoyokadimola?
Divɛsa: Mat 4:1-4
Woho wa mbisha: Lam’ele Diabolo akasawola la Yeso ndo akohembe, sho mbokaka dia Diabolo keema didjidji di’awui wa kɔlɔ. Naa awui akina wata Bible lo dikambo dia Diabolo? Sawo nɛ nembetshiyaka awui efula lo dikambo sɔ.
LEETA L’OYA LO EOHWELO
Woho wa mbisha: Tekɔ lo takahanya akatshi wendana la dikambo dimɔtshi di’ohomba efula. [Sha ompokami dikatshi dimɔtshi dia leeta.] Lo Ngɔndɔ ka sato 23, miliyɔ y’anto wa l’andja w’otondo wayosangana dia mbohɔ nyɔi ka Yeso Kristo ndo ndjoyela ofele sawo di’oma lo Bible diendana la wahɔ wakokaso nkondja oma lo nyɔi ka Yeso. Dikatshi dia leeta nɛ mɛnyaka wonya ndo dihole diayosalema losanganya l’ɛtshi kanyu ka nkɛtɛ. Lam’alangɛ koye naka kokaka.
LƆNGƆSƆLA MBƆTWƐLƆ KAYƐ HITA
Kamba la tokanyi ta lo bɛnyɛlɔ dia la diko ndo dia nɔngɔsɔla mbɔtwɛlɔ kayɛ hita ka nkamba la tɔ l’olimu w’esambishelo