Wekɔ lo nɔmbɔla wekelo wa Bible la Chili
Bɛnyɛlɔ dia mbɔtwɛlɔ
RÉVEILLEZ-VOUS !
Dimbola: Anto efula nangaka monga la yonge ya dimɛna. Oko leyɛ, akokaso nsala dia sho ndjakokɛ diaha tataka hemɔ?
Divɛsa: Tok 22:3
Woho wa mbisha: Numɛlɔ kɛnɛ ka Réveillez-vous ! mɛnyaka wanya wakokaso ntakola dia monga la shɛnɔdi ndo nkitshakitsha otatelo wa hemɔ.
TETSHA AKAMBO WA MƐTƐ
Dimbola: Onde asui aso ndja oma le Nzambi ko kana oma lo ahole akina?
Divɛsa: Jɔbɔ 34:10
Mɛtɛ: Nzambi bu pondjo lo kiɔkɔ y’asui aso. Koko asui aso ndja oma le Diabolo, oma le anto wasala ɛsɔnwɛlɔ wa kɔlɔ ndo mbala mɔtshi, sho sowaka l’ɔtɛ wambototanema lo dihole dia kɔlɔ lo etena ka kɔlɔ. Etena kasowaso, Nzambi ekɔ suke dia tokimanyiya. Nde mɛtɛ ndjakiyanyaka dikambo diaso.
LANDE NA MBEKA BIBLE? (Vidɛo)
Dimbola: Onde wɛ fɔnyaka dia Nzambi mbalɔmbɔla andja? [Tshikande akadimole.] Kɛnɛ kata Bible mbeyaka kambiya. Vidɛo ya mondo nyɛ nembetshiyaka dui sɔ. [Ɛnyande vidɛo.]
Woho wa mbisha: Tshapita 11 ya dibuku nɛ mɛnyaka lande na katshika Nzambi asui ndo woho wakongɛnde dia mbashidiya. [Shande dibuku Bible etshatɔ kana Bible tetsha.]
LƆNGƆSƆLA MBƆTWƐLƆ KAYƐ HITA
Kamba la tokanyi ta lo bɛnyɛlɔ dia la diko ndo dia nɔngɔsɔla mbɔtwɛlɔ kayɛ hita ka nkamba la tɔ l’olimu w’esambishelo.