LƆSƐNƆ L’OKRISTO

Wetshelo wakondjaso oma lo dibuku dia Jɔna

Lo Ɔtɛkɛta ande, Jehowa akasale dia ɛkɔndɔ wa nsɛnɔ y’apami ndo wamato wa mbetawɔ tanema l’oyango wa tetsha wetshelo w’ohomba. (Rɔmɔ 15:4) Wetshelo akɔna wakayakondja oma lo dibuku dia Jɔna? Nyende vidɛo yele l’ɔtɛ a dui ɔnɛ Ɔtɛmwɛlɔ wa lo nkumbo: Jɔna—Wetshelo wakondjaso oma lo kɛtshi ka Jehowa, ndo oma laasɔ nyokadimole lo ambola wayela anɛ:

Ekakatanu akɔna wakahomana la apandjudi asato wa lo vidɛo nyɛ?
Ngande wakoka dibuku dia Jɔna tokeketsha naka tambolongola dilanya kana tamboshisha ɛkɛndɛ w’olimu?—1Sa 16:7; Jɔna 3:1, 2.
Ngande wakoka ɔkɔndɔ wa Jɔna tokimanyiya dia sho monga la kanyi y’ɔlɔlɔ lo dikambo dia ɛtshi kaso ka nkɛtɛ?—Jɔna 4:11; Mat 5:7.
Ngande wakoka kɛnɛ kakakomɛ Jɔna tokeketsha etena kahomanaso la hemɔ kɛmɔtshi ka wolo?—Jɔna 2:1, 2, 7, 9.
Wetshelo akɔna wamboyokondja oma lo vidɛo nyɛ lo dikambo dia nɛmɔ diele la wadielo wa Bible ndo okanelo wa yimba?

Ɔnangɛso ɔmɔtshi ambɔkɔmɔ l’ɔkɔngɔ wa nde nshisha ɛkɛndɛ ande; kadiyɛso kɛmɔtshi ekɔ lo mfɔnya dia nde ayotokondja okadimwelo wa kɔlɔ l’esambishelo, kadiyɛso kɛmɔtshi ambolongola sango ya kɔlɔ oma le dɔkɔtɛlɛ diande