“Kɛnɛ kakamamatanya Nzambi . . .”

Ɛlɛmbɛ wa Mɔsɛ wakalɔmbaka pami kakalangaka ndjaka diwala dia nde nɔngɔsɔla mukanda w’odiakelo wa diwala. Kɛsɔ akakimanyiyaka diaha anto ndjakaka awala odiakadiaka. Koko lo nshi ya Yeso, ewandji w’ɛtɛmwɛlɔ waketɛ odiakelo wa diwala dui dia wɔdu nsala. Apami wakakokaka ndjaka awala la wadɛwɔ l’ɔtɛ w’ɔkɔkɔ akɔna tshɛ. (‘mukanda wa nkimɔ wadi’ nɔtɛ ka wekelo ka lo Makɔ 10:4, nwtsty-E; ‘ndjaka diwala la wadɛnde,’ “ambosala loseka” nɔtɛ ya wekelo ya lo Makɔ 10:11, nwtsty-E) Yeso akakutola yambalo y’anto dia mɛnya ɔnɛ diwala diakashama lotshungɔ ndo diakashikikɛma oma le Jehowa. (Makɔ 10:2-12) Omi la wadi la dia monga “demba 1” lo dimama dia kokele. Lo ndjela ɔkɔndɔ wa lo Mateo watɛkɛta dikambo diakɔ diamɛ, ɔkɔkɔ ɔtɔi wetawɔ Afundelo dia ndjaka diwala ekɔ “awui wa mindo wa dieyanelo.”​—Mat 19:9.

Ɛlɔ kɛnɛ, anto efula mbɔsaka diwala aha oko woho wakɔsaka Yeso, koko oko woho wakɔsaka Afarisɛ. Etena katomba ekakatanu, anto wa l’andja ɔnɛ ndjakaka awala esadi eto. Koko lo wedi okina, atshukanyi w’Akristo mbɔsaka la nɛmɔ alɔkɔlɔkɔ awɔ wa diwala ndo vɔ salaka la wolo dia nkandola ekakatanu lo nkamba l’atɔndɔ wa lo Bible. L’ɔkɔngɔ wa nyu menda vidɛo yele l’ɔtɛ a dui ɔnɛ: Ngandji ndo dilɛmiɛlɔ kimanyiyaka dia nkumbo monga kaamɛ, nyokadimole lo ambola wayela anɛ:

• 

  Ngande wakokayɛ nkamba la Tokedi 15:1 lo diwala diayɛ, ndo lande na kele dui sɔ diekɔ ohomba?

• Ngande wakokayɛ mbewɔ ekakatanu lo nkamba la Tokedi 19:11?

• Naka diwala diayɛ diaya suke la mvɔ, lo dihole dia ndjambola ɔnɛ: ‘Onde dimi pombaka ndjaka diwala?’ ambola akɔna wakokayɛ ndjambola?

• Ngande wakokayɛ monga omi kana wadi l’oshika lo nkamba la Mateo 7:12?