AKAMBO W’OHOMBA W’OMA L’ƆTƐKƐTA WA NZAMBI | LUKA 8-9
Ondjele—Kakɔna kalɔmba dui sɔ?
Dia nsembola emunda tɔɔ, okambi w’ekambɔ hakoke mbekola yimba yande lo kɛnɛ kele l’ɔkɔngɔ ande. Woho akɔ waamɛ mbele, Okristo hakoke mbekola yimba yande la akambo wa l’andja ɔnɛ wakandatshike l’ɔkɔngɔ.—Flp 3:13.
Etena kahomanaso l’ekakatanu, mongaka wɔdu dia sho nkaloya washo lo ‘lɔsɛnɔ lafɔnyaso dia laki dimɛna ntondo,’ ondo nshi yakiso tateye akambo wa mɛtɛ. Etena kasalaso dui sɔ, mbala efula sho mbidjaka oshimu esɔ lo mɛnya dia taki l’ɔngɛnɔngɛnɔ w’efula ndo mɔndja ekakatanu waki la so lo nshi yakete. Kɛsɔ mbakasale ase Isariyɛlɛ l’ɔkɔngɔ wa vɔ ntomba oma l’Edjibito. (Wal 11:5, 6) Naka sho ndeka nkanyiya awui asɔ, kete sho koka ndjohembama dia nkalola lo yoho yaso ya lɔsɛnɔ l’edjedja. Ande dimɛna nkanyiya ɛtshɔkɔ wele la so nshi nyɛ ndo mbika washo lo ɛtshɔkɔ wa lo nshi yayaye wayotoyokondja l’ɛlɔmbwɛlɔ ka Diolelo lee!—2 Kɔ 4:16-18.