“Woshasha le Jehowa”

Ngande wakokaso “ntomba la ntondo ɛlɔ kaamɛ la woshasha . . . lo anya dikambo dia Jehowa”? (1Ɛk 29:5, 9, 14) Sho mbeyaka nsɔna toho totshikitanyi ta nkimɔ weshasha wa la lolango tɛnyishami l’ɛse dia nsukɛ olimu w’Ɛmɛnyi wa Jehowa, wasalema l’ɛtshi kanyu ka nkɛtɛ ndo l’andja w’otondo.

WESHASHA WAKIMƆMA L’ƐTƐRNƐTƐ KANA WADJAMA LO TƆSHƐTƐSHƐTƐ DIA NSUKƐ OLIMU:

• 

  OLIMU WA L’ANDJA W’OTONDO

  olimu wa wokelo ndo ɔkɛndɛkɛndɛlɔ wa mvudu ya Bɛtɛlɛ ndo biro y’okadimwelo

  kalasa ya teokrasi

  ekambi wa laande wa lo tena tshɛ

  ekimanyielo le wanɛ wambohomɔ mpokoso

  otondjelo w’ekanda, wa tovidɛo, ndo diangɔ dia l’Ɛtɛrnɛtɛ

• 

  ADEPASƐ WA L’ETSHUMANELO

  adepasɛ wa l’etshumanelo wele oko ashi, kura kana awui akina ndo ɔlɔngɔswɛlɔ wa Mbalasa ka Diolelo

  tɛdikɔ tshɛ tɔsa etshumanelo dia ntoma weshasha lo biro ka filialɛ lo kɛnɛ kendana la:

  • wokelo wa Mbalasa ya Diolelo ndo Mbalasa ya nsanganya ya weke l’andja w’otondo

  • ekongelo kendana l’ekimanyielo l’andja w’otondo

  • elimu ekina wa l’andja w’otondo

NSANGANYA YA WEKE

Weshasha wakimɔma lo losanganya lanyu la rɛjɔ tomamaka dikambo di’olimu wa l’andja w’otondo. Lo wedi okina, adepasɛ wasalema lo losanganya la rɛjɔ, losanganya la laande ndo nsanganya ya wedja efula mbɔsamaka oma lo weshasha wakimɔma dikambo di’olimu wa l’andja w’otondo.

Vɔ kambaka la weshasha wakimɔma l’otshimbedi dia mfutɛ, dia nkamba ndo nɔngɔsɔla ahole wasalema nsanganya ya weke ndo dikambo dia adepasɛ akina wendana l’otshimbedi. Otshimbedi ɔmɔtshi mbeyaka mbɔsa yɛdikɔ ya ntoma weshasha watshikala lo dikambo di’olimu w’Ɛmɛnyi wa Jehowa wa l’andja w’otondo.