Ngande wayoyoyalɔngɔsɔla dikambo dia Eohwelo?

Ntatɛ ɔnɔnyi ɔnɛ, tayonga la wenya efula dia ndjalɔngɔsɔla dikambo dia Eohwelo ka nyɔi ka Kristo. Naka Eohwelo kayosalema l’atei wa lomingu, kete losanganya la Lɔsɛnɔ ndo olimu w’Okristo halotosalema lomingu lɔsɔ. Naka Eohwelo kayosalema lo wikɛndɛ, kete sawo dia lo sɛkɛ ndo wekelo wa Tshoto y’Etangelo hawotosalema. Onde wɛ ayokamba dimɛna la wenya wa laadiko ɛsɔ lo ekongelo kayɛ? Oko wakidiɔ lo ntambe ka ntondo, ekɔ ohomba nsala ɛlɔngɔswɛlɔ w’amɛna lo dikambo dia dui dia laande sɔ. (Luk 22:7-13; km 3/15 1) Koko sho tshɛ pombaka nɔngɔsɔla etema aso. Ngande wakokaso nsala dui sɔ?

• Kana yimba l’ohomba wa mbɔtɔ lo losanganya lɔsɔ.​—1Kɔ 11:23-26

• Lɔmba ndo kana yimba lo dikambo dia diɔtɔnganelo diasayɛ la Jehowa.​—1Kɔ 11:27-29; 2Kɔ 13:5

• Adia ndo kana yimba lo asawo walembetshiya lande na kele dui sɔ ohomba efula.​—Jni 3:16; 15:13

Apandjudi amɔtshi mbadiaka ndo kanaka yimba la wadielo wa Bible wendana la Eohwelo wele lo Tɔsɛdingolake Afundelo lushi la lushi. Akina nto vusolaka asawo wa lo Tshoto y’Etangelo watɛkɛta dikambo dia Eohwelo ndo dia ngandji kakatɛnya Jehowa nde la Yeso. Oyadi ekongelo kakɔna ka wekelo kayoyɔsɔna, tɔ kayokokimanyiya dia ndeka ndjasukanya la Jehowa ndo la Ɔnande.