LƆSƐNƆ L’OKRISTO

Onga l’okitshakitsha etena kakaandola anto akina

Lo tena dimɔtshi, anto akina mbeyaka totombola kana tandola. Dui sɔ koka tokeketsha naka lowando lɔsɔ ndja oma k’ɛse otema ndo l’eyango w’amɛna. (Tok 15:23; 31:10, 28) Koko sho pombaka monga la yewo di’aha dui sɔ ndjotokonya dia sho nkɛnɛmɔla nsaki yɛnya dia sho ndeka anto akina ndo otako.

NYENDE VIDƐO YELE L’ƆTƐ A DUI ƆNƐ: TONGE LA KƆLAMELO, OKO YESO—ETENA KAKANDOLAWƆ NDO OMA LAASƆ, NYOKADIMOLE LO AMBOLA WAYELA ANƐ:

Awui amɔtshi akɔna wakoka anto tandola?
Ngande wakaandola anangɛso amɔtshi ɔnangɛso Sergei?
Ngande wakatambi diaando diawɔ elelo?
Wetshelo akɔna wakondjayɛ lo woho wakakadimodi Sergei l’okitshakitsha tshɛ?

Awui w’oma lo vidɛo yele l’ɔtɛ a dui ɔnɛ: ‘Tonge la kɔlamelo, oko Yeso—Etena kakandolawɔ,’ wɛnya Sergei osanganyi kaamɛ l’anangɛso lo luudu l’ɔnangɛso ɔmɔtshi ndo ekɔ lo nkadimola l’okitshakitsha tshɛ lo woho wa wandola anangɛso.