Ohokwelo​—Ekɔ djembetelo ya ngandji ka Jehowa

Ohokwelo mbɔtɔnɛka mbala efula la olowanyelo ndo wetshelo, koko vɔ mendanaka nto la wongwelo ndo dilanya. Jehowa tohokolaka l’oyango wa sho mbɔtɛmɔla lo yoho yetawɔnde. (Rɔm 12:1; Hɛb 12:10, 11) Tena dimɔtshi, ohokwelo mbeyaka mbisha paa, koko vɔ konyaka lo losembwe ndo l’ɛtshɔkɔ. (Tok 10:7) Kakɔna kahomba wanɛ washa ohokwelo ndo wanɛ walongola ohokwelo akɔ ntetemala mbohɔka?

Ɔnɛ lasha ohokwelo. Dikumanyi, ambutshi ndo anto akina salaka la wolo dia mbisha ohokwelo la kɛtshi ndo la ngandji, l’ɛnyɛlɔ ka Jehowa. (Jɛr 46:28) Oyadi kaanga ohokwelo wa wolo, vɔ pombaka mbishama lo ndjela kɛnɛ kosadi onto lawolongola ndo vɔ pombaka mbishama la ngandji.​—Tit 1:13.

Ɔnɛ lalongola ohokwelo. Oyadi woho akɔna w’ohokwelo walongolaso, hatohombe mbotona, koko tosale tshɛ dia nkamba la wɔ aha la ntshimbatshimba. (Tok 3:11, 12) Oko weso anto wele keema kokele, sho tshɛ tekɔ l’ohomba w’ohokwelo, oyadi woho akɔna w’ohokwelo. Sho mbeyaka pokɔma oma lo kɛnɛ kadiɛso oma lo Bible kana etena kayelaso nsanganya ya l’etshumanelo. Kana lo tena dimɔtshi, amɔtshi mongaka l’ohomba wa pokɔma lo kɔmite ka kilombo. Naka sho mbetawɔ ohokwelo ndo nkamba la wɔ, kete tayonga la lɔsɛnɔ loleki tshɛ dimɛna ndo tayɔsɛna pondjo pondjo.​—Tok 10:17.

NYENDE VIDƐO YELE L’ƆTƐ A DUI ƆNƐ: “JEHOWA POKOLAKA WANƐ WOKANDE NGANDJI” NDO OMA LAASƆ, NYOKADIMOLE LO AMBOLA WAYELA ANƐ:

• 

  Ngande wakatatɛ ndo wakayotshikitanaka lɔsɛnɔ laki Canon?

• 

  Ohokwelo akɔna wa la ngandji wakandalongola oma le Jehowa?

• 

  Wetshelo akɔna wakondjaso oma lo kɛnɛ kakookomɛ?