Tosalɛke wamato w’epalanga akambo oko anyangɛso, esekaseka oko akadiyɛso

Afundelo totɛka dia sho pombaka salɛka Akristo w’epalanga akambo oko anyangɛso ndo oko waa papa yaso ndo esekaseka oko akadiyɛso. (Adia 1 Timɔte 5:1, 2.) Djekoleko anangɛso pombaka salɛka akadiyɛso akambo la nɛmɔ ndo la dilɛmiɛlɔ tshɛ.

Ɔnangɛso hahombe nkɛnya la nsaki y’onto lele bu olonganyi ande kana nsala dikambo tshɛ diakoka mbisha kadiyɛso paa l’asolo. (Jɔb 31:1) Ɔnangɛso l’onyemba hahombe nkɛnya la nsaki ya kadiyɛso k’onyemba lo mbokonya dia nde mfɔnya dia ɔnangɛso ekɔ lo mbookombola dia nde mbotshuka etena kele ɔnangɛso bu la kanyi shɔ.

Dikumanyi pombaka mbɔsa akadiyɛso woka ambola la dilɛmiɛlɔ tshɛ la nɛmɔ kana oyadi kaanga wambotondja kanyi mɔtshi y’ohomba yakoka nkutola yambalo yawɔ. Dikumanyi pombaka ndeka mbidja akadiyɛso wele bu la waomi yimba ndo mbakokɛ.​—Rut 2:8, 9.

NYENDE VIDƐO YELE L’ƆTƐ A DUI ƆNƐ: TOTETEMALE MONGA LA NGANDJI LO ETSHUMANELO-OTSHA LE WADI WAKI EDO NDO ANA WA TSHIKE NDO OMA LAASƆ, NYOKADIMOLE LO AMBOLA WAYELA ANƐ:

• 

  Ngande wakɛnya etshumanelo ngandji k’efula otsha le kadiyɛso Myint?

• 

  Ngande wele ngandji kakawɛnya etshumanelo kaki tshondo ya lokumu l’ɔlɔlɔ lo ngelo kawɔ?

• 

  Ngande wele ngandji kakawɛnya etshumanelo kaki la shɛngiya y’efula otsha le ana wa wamato waki kadiyɛso Myint?

Naa toho tɔmɔtshi shikaa takokayɛ mɛnya ngandji ka ndjakiyanya lo dikambo di’akadiyɛso wa l’etshumanelo kayɛ?