Kamba la biukubuku Ngɛnangɛnaka la lɔsɛnɔ pondjo pondjo! l’olimu w’esambishelo

Ande ɔngɛnɔngɛnɔ wele la so wa monga la biukubuku y’oyoyo ndo dibuku dia mbekaka l’anto Bible lee! Tekɔ lo nɔmba Jehowa dia ntshɔkɔla welo aso wa nyometɛ anto ambeki. (Mat 28:18-20; 1Kɔ 3:6-9) Ngande wayotokamba la dihomɔ di’eyoyo sɔ?

Lam’ele biukubuku Ngɛnangɛnaka la lɔsɛnɔ pondjo pondjo!, kambemaka dia mbeka l’onto Bible, yɔ mɛnyaka yoho mɔtshi y’oyoyo ya mbetsha, diakɔ diele ekɔ ohomba ndjela alako wayela anɛ etena kalɔngɔsɔlayɛ ndo kalɔmbɔlayɛ wekelo wa Bible.a

• Nyadia awui wa lɔkɔ ndo nyɔkɛtshanya ambola

• Nyadia avɛsa wofundjiwɔ ɔnɛ “adia” ndo kimanyiya ombeki wa Bible dia nde nshihodia woho wakokande nkamba lawɔ

• Ɛnya ndo nyɔkɛtshanya tovidɛo, kamba la dimbola tshɛ dioshami

• Nyosale la wolo dia nshidiya wekelo ɔmɔtshi etena tshɛ kahomananyu dia mbeka

Etena keyɛ l’esambishelo, lɛkɛ onto ntondotondo biukubuku dia nshikikɛ kana nde ekɔ lo mɛnya nsaki. (Enda kiombo yele l’ɔtɛ a dui ɔnɛ: “Woho wa ndɛkɛ onto biukubuku Ngɛnangɛnaka la lɔsɛnɔ pondjo pondo! lo Wendelo wa ntondo.”) Naka nyambomana la mbeka biukubuku yakɔ kaamɛ ndo naka ombeki nangaka ntetemala la wekelo, kete shande dibuku ndo nyotate lo wekelo 04. Naka wɛ ambotatɛka la mbeka l’onto ɔmɔtshi lo dibuku Bible tetsha! kana dibuku Tshikala lo ngandji ka Nzambi, kete nyɔtɔ lo dibuku Ngɛnangɛnaka la lɔsɛnɔ pondjo pondjo! ndo nshikikɛ dihole diahombanyu ntatɛ la wekelo.

NYENDE VIDƐO YELE L’ƆTƐ A DUI ƆNƐ: YAAYO LO WEKELO AYƐ WA BIBLE NDO OMA LAASƆ, NYOKADIMOLE LO AMBOLA WAYELA ANƐ:

• Kakɔna kayeka ambeki oma lo dibuku di’oyoyo?

• Lande na kahombayɛ mɛnya ambeki w’eyoyo vidɛo nyɛ?

• Eyango akɔna wahombayɛ takeketshaka ombeki wa Bible yema yema dia nde ndjadjɛ ndo mbaakotsha?​—Enda etenyi kofundjiwɔ ɔnɛ: “Oyango wa lo etenyi l’etenyi”