Wakake l’anya awɔ ndo la etema awɔ tshɛ

Sɔlɔmɔna akakambe la dihomɔ dioleki amɛna dia mbika tɛmpɛlɔ (1Ku 5:6, 17; w11-F 1/2 15)

Anto efula wakasha lonya l’olimu ɔsɔ (1Ku 5:13-16; it-1-F 411 od. 1; it-2-F 1047)

Sɔlɔmɔna ndo anto wakakambe olimu wa wolo efula l’edja k’ɛnɔnyi esambele dia nshidiya wokelo ɔsɔ (1Ku 6:38; enda osato wa lo lohoso)

Sɔlɔmɔna ndo anto waki l’akoka wa mbika tɛmpɛlɔ ka dimɛna efula dia ntombola Jehowa nɛ dia etema awɔ tshɛ waki l’olimu. Lonyangu ko, lɔlɔnga lakayɔsɛnaka l’ɔkɔngɔ awɔ kondjonga l’ohetoheto l’ɔtɛmwɛlɔ wa Jehowa. Vɔ kondjokokɛ tɛmpɛlɔ ndo l’ekomelo tɔ kakayolanyemaka.

Anangɛso ndo akadiyɛso wasola Mbalasa ka Diolelo l’ɔngɛnɔngɛnɔ tshɛ. Lo wedi okina, akina wekɔ lo mbidja woshasha lo shɛtɛshɛtɛ ya weshasha, wasawola ndo walɔnga ekanda w’etshumanelo.

YAMBOLA WATE: ‘Ngande wasalami dia nama ohetoheto ami lo ɔtɛmwɛlɔ wa Jehowa?’