AKAMBO W’OHOMBA W’OMA L’ƆTƐKƐTA WA NZAMBI

Sɔna olonganyi ayɛ la lomba

Sɔlɔmɔna kosala akambo la lomba etena kakandatshuke wamato wakatɛmɔlaka tozambizambi ta kashi (1Ku 11:1, 2; w18.07 18 od. 7)

Yema yema wadi waki Sɔlɔmɔna wakengesola otema ande oma le Jehowa (1Ku 11:3-6; w19.01 15 od. 6)

Jehowa akomalɛ Sɔlɔmɔna (1Ku 11:9, 10; w18.07 19 od. 9)

Esato womamatanyi: Kadiyɛso kɛmɔtshi k’onyemba asala wekelo w’onto ndamɛ ndo akanyiya dikambo di’ɔnangɛso ɔmɔtshi l’onyemba. 1. Ɔnangɛso ɔmɔtshi asha kɔmatɛrɛ lo losanganya lɔmɔtshi la l’etshumanelo. 2. Nde asha lonya l’esambishelo ka lo sɛkɛ. 3. Nde akimanyiya l’ɔlɔngɔswɛlɔ wa Mbalasa ka Diolelo.

Ɔtɛkɛta wa Nzambi ndakaka enyemba w’Akristo dia ntshukana “paka lo Nkumadiɔndjɔ.” (1Kɔ 7:39) Koko, aha naka onto ambobatizama, kete nde ambokoka monga olonganyi wa dimɛna. Onde onto akɔ koka kokimanyiya dia ntetemala kambɛ Jehowa la tshondo yayɛ tshɛ? Onde onto akɔ ambɛnya ngandji k’efula kokande Jehowa l’edja k’etena kɛmɔtshi? Ntondo ka wɛ mbetawɔ onto dikambo dia tshuki, ɔsa etena ka mbeya onto akɔ dimɛna.