LƆSƐNƆ L’OKRISTO
Yaɔsa oko wakɔsa Jehowa
“Jehowa ngɛnangɛnaka anto ande.” (Os 149:4) Kaanga mbeso bu kokele nde mɛnaka waonga aso w’amɛna ndo kɛnɛ kakokaso nsala lo nshi yayaye. Koko lo tena dimɔtshi mongaka wolo sho mɛna waonga aso w’amɛna. Sho koka ndjaɔsa dia tekɔ anto w’anyanya l’ɔtɛ wa woho watosalɛ anto akina akambo. Kana naka sho mbika washo lo munga yaso yakete, sho koka ndjodja taamu dia kana Jehowa mɛtɛ tokaka ngandji. Kakɔna kakoka tokimanyiya etena kongaso la tokanyi ta ngasɔ?
Tohɔ dia Jehowa mɛnaka kɛnɛ kahakoke anto mɛna. (1Sa 16:7) Dui sɔ nembetshiyaka dia nde mɛnaka oleki kɛnɛ kɛnaso le so shoamɛ. Diɛsɛ ko, Bible tokimanyiyaka dia nshihodia woho watɔsa Jehowa. Sho koka nshihodia dui sɔ lo mbadia avɛsa ndo ɛkɔndɔ wa lo Bible wɛnya woho woka Jehowa atɛmɔdi ande ngandji k’efula.
NYENDE VIDƐO YELE L’ƆTƐ ADUI ƆNƐ: ETAWOYA OTEMA AYƐ LA NTONDO KA JEHOWA NDO OMA LAASƆ, NYOKADIMOLE LO AMBOLA WAYELA ANƐ:
Wetshelo akɔna wakondjaso oma l’ɛnyɛlɔ k’ondawi ɔmɔtshi wa lowango nde la she lo kɛnɛ kendana la woho watɔsa Jehowa?
Naka onto ɔmɔtshi lambosala pɛkato ka woke ambotakola wanya wahombama dia nɔngɔsɔla diɔtɔnganelo diande la Jehowa, ngande wakokande nshikikɛ otema ande la ntondo ka Jehowa?—1Jn 3:19, 20
Wahɔ akɔna wakakondja ɔnangɛso lo mbadia ndo lo kana yimba la ɔkɔndɔ wa Davidɛ ndo wa Jɛhɔshafata?