Ɛmɛnyi wa Jehowa ndo lomanu l’anto​—Kakɔna kata Bible lo dikambo sɔ?

Lo Ngɔndɔ ka ntondo 27, 2023, anto efula wayohɔ lushi lelamɛ ɔnɛ lomanu l’anto la l’andja w’otondo. Awui wa ngala wakasalema ambeta ɛnɔnyi oko 75 asɔ mbeyaka kokonya dia ndjambola lande na kaketawɔ Nzambi di’anto nshila oshiki ngasɔ.

• Dia mbeya kɛnɛ kata Bible, adia sawo diele l’ɔtɛ a dui ɔnɛ: “Lande na kakadiake ase Nazi nyemba y’ase Juda? Lande na kaki Nzambi kombekɛ lonya?”

Ase Juda mbaki wanɛ wakawaleke nsɔma lo lomanu l’anto. Miliyɔ ya l’atei awɔ wakadiakema. Anto akina waki kaamɛ la wɔ wakahɛnyahɛnyama efula ndo wakadiakema l’etena ka lomanu l’anto. L’atei awɔ mbaki ndo Ɛmɛnyi wa Jehowa, wakahɛnyahɛnyamaka l’ɔtɛ wa dietawɔ diawɔ diohikami lo Bible.

• Dia mbeya akambo akina efula, adia sawo diele l’ɔtɛ a dui ɔnɛ: “Qu’est-​il arrivé aux Témoins de Jéhovah sous le régime nazi?”

“Nshi yayaye ndo elongamelo”

Anto efula wekɔ la wɔma nɛ dia wekɔfɔnya dia lomanu la ngasɔ koka salema nto. Diɛsɛ ko Bible tolakaka dia lo nshi yayaye lomanu la woho ɔsɔ hatosalema nto.

• “‘Nɛ dia dimi mbeyaka dimɛna tokanyi takanyiyami dikambo dianyu,’ mbata Jehowa, ‘tokanyi ta wɔladi, koko aha ta mpokoso, dia nyosha nshi yayaye ndo elongamelo.’”​—Jɛrɛmiya 29:11.a

Elongamelo kɛsɔ kayokotshama etena kayokomiya Jehowa Nzambi awui wa kɔlɔ ndo kayondɔlɔngɔsɔla etombelo w’oma l’akambo wa kɔlɔ. Keema edja nde ayanga:

• Minya akanga wa kɔlɔ ndo wanɛ wasalɛ anto akina kɔlɔ.​—Tokedi 2:22.

• Nkɔnɔla wanɛ tshɛ wasowa.​—Ɛnyɛlɔ 21:4.

• Mbolola wanɛ wakavu.​—Joani 5:28, 29.

Wɛ koka ndjaɛkɛ l’elongamelo kakeketsha katanaso lo Bible. Dia mbeya lande na, tambokɔlɔmba dia mbeka la so Bible ofele.