Osambo 121
Tokeketshanake
Okanda wa l'akatshi
1. Tokeketshanake dia kambɛ
Jehowa la kɔlamelo.
Ɔnkɔnɛ, tokanake ngandji;
Dia monga l’elongamelo.
Tayokoka mbikikɛ diɛsɛ
’Ma lo ngandji kokanaso.
Etshumanelo ka Akristo
Kekɔ eshamelo kaso.
2. Dui diotami l’etena kadiɔ
Diekɔ mɛtɛ l’esambelo!
Ɛtɛkɛta w’angɛnyi waso
Telaka ekeketshelo.
Sho kambaka kâmɛ la anto
We’ la so eyango wâmɛ!
Sho mɛmbanɛka wetsho waso
Ndo keketshanaka kâmɛ.
3. Tosanganake kâmɛ nɛ dia
Lushi la Yah laya suke.
Nyɛsɔ tosanganake kâmɛ.
Nyɛsɔ tokeketshanake.
Tokambɛke Yah pondjo pondjo,
Kâmɛ sho la anangɛso.
Tokeketshanake l’asaso
Dia nama olowany’aso.
(Enda ndo lo Luka 22:32; Etsha 14:21, 22; Ngal. 6:2; 1 Tes. 5:14.)