Osambo 49
Jehowa ekɔ eshamelo kaso
Okanda wa l'akatshi
1. Jehowa, wɛmɛ mbele
Eshamelo kaso.
Dɛdi diakiyɛ mbele
Okombɔ wakiso.
Sho tayoyaɛkɛka le yɛ
Ndo lo ekokelo kayɛ.
Jehowa Nzambi mbele
Longele ndo wolo waso.
2. Nunu di’anto diayɔkɔ
Lo lokondo laso.
Anto wa kɔlamelo
Mbayodjasɛ la so.
Hatotoyala la wɔma
Nɛ dia hatotosoyama.
L’ahafu wa Jehowa
Mbahombaso kondja eko.
3. Nzambi ayotokokɛ
’Ma lo tolonga tshɛ.
Hatotoka wɔma ndo
Tayoyaɛkɛ le yɛ.
Hatotoka kimbwe wɔma
Ndo tayokamɛ dikuha.
Nzamb’ekɔ eshamelo
Nd’okombɔ waso wa mɛtɛ.
(Enda ndo lo Osam. 97:10; 121:3, 5; Is. 52:12.)