Dɔmbɛlɔ dia eokelo ka losaka

1. Wɛ Jehowa mbakoka tombɔma

Ndo wɛ mɛtɛ mbakoka mandɔma mandoma.

Wɛ Ɔnɛ latokaka dɔmbɛlɔ,

Otokoke ’me anto wa kɔlɔ.

Lushi la lushi sho tshaka munga.

Otodimanyia wɛ Nkumekanga Nkumekanga.

Dikila dia Yes’akatosombe,

Nsaki kas’ele wɛ otetshake.

2. Ɔtshɔkɔ le wanɛ tshɛ welɛyɛ,

Dia ndjetshama l’ɔtɛmwɛlɔ wayɛ.

Otetshake nshi tshɛ dia sho kêya.

Lo luudu lɛɛ mbonaso momuya.

Lonya lɛɛ lek’a nkudu ka mamba,

Lɔ mbishak’ekamb’ayɛ dihonga.

Diolelo diayɛ mbasambishaso.

Ɔsɔ mbele ɔkɛndɛ wakiso.

3. Wɛ Nzambi, otodje yimba kele

Ɔtɛmwɛlɔ wakiyɛ wahame.

Diolelo dɛɛ diamboshila mɛnɛ

Dia ndjonya hemɔ, nyɔi, l’asuyi tshɛ.

Yeso ayonya awui wa kɔlɔ;

Ditongami tshɛ diayonga l’ɔlɔ.

Tayod’ekoko wa lowand’ɔnɛ:

‘Jehowa atombwamake nshi tshɛ!’