Osambo 5
Kristo ekɔ Ɛnyɛlɔ kaso
Okanda wa l'akatshi
(Romo 5:8)
1. Nzambi tolangaka;
Diɔ diakandatosha
Ɔnande dia nde ndja ndjotoshimbɛ.
Dia pɛkato yaso
Mbakavu Nkumɛso
Dia sho kondja lɔsɛnɔ la mɛtɛ.
2. Dɔmbɛlɔ dia Shɛso
Mbakatetsha Yeso:
Shɛso, lokombo lɛɛ lakidiame,
Diolelo dɛɛ diaye,
Nango yɛɛ yatshame,
Ehomba wakiso wakotshame.
3. Mɛsiya aketsha
Ndo akakeketsha
Ɛkɔkɔ wande wa kɔlamelo.
Tosambisha mɛtɛ
Di’anto wa la nkɛtɛ,
Tshɛ mboka losango la Diolelo.
(Enda ndo lo Mat. 6:9-11; Joa. 3:16; 6:31-51; Ef. 5:2.)