Lande na kahombaso mbɔsa ɔtɛmwɛlɔ wa pudipudi la nɛmɔ?

Ase Juda waki lo lɔhɔmbɔ wakakeketshama oma lo ɛnɛlɔ ka tɛmpɛlɔ kakɛnyi Ɛzɛkiyɛlɛ nɛ dia tɔ kakawashaka elongamelo k’ɔnɛ ɔtɛmwɛlɔ wa pudipudi wakahombe kaloyama. Lo nshi y’ekomelo nyɛ, ɔtɛmwɛlɔ wa pudipudi wamboshikikɛma “nge laadiko dia tɔsɔdi t’akona,” ndo sho tekɔ l’atei wa wanɛ woye oma lo wedja tshɛ wakɛlanɛ otsha lɛkɔ. (Isa 2:2) Onde wɛ kanaka lomba mbala la mbala lo diɛsɛ diele la yɛ dia mbeya ndo kambɛ Jehowa?

ƐTSHƆKƆ WAKONDJASO OMA L’ƆTƐMWƐLƆ WA PUDIPUDI:

• 

  Lokema la mma dia lo nyuma diasha ekadimwelo lo ambola w’ohomba wa lo lɔsɛnɔ, mma diele la nɛmɔ le wanɛ wadilɛ ndo diasha elongamelo ka shikaa.​—Isa 48:17, 18; 65:13; Rɔm 15:4

• Nkumbo k’onto l’ɔnango ka l’andja w’otondo kokana ngandji.​—Os 133:1; Jni 13:35

• Diɛsɛ dia monga ekambi kaamɛ la Nzambi l’olimu w’oshika.​—Ets 20:35; 1Kɔ 3:9

• “Wɔladi wa Nzambi” watokeketsha lo tena dia paa.​—Flp 4:6, 7

• Nkum’otema ka pudipudi.​—2Ti 1:3

• “Lɔngɛnyi la ma ma la Jehowa.”​—Os 25:14

Lo toho takɔna takokami mɛnya dia dimi mbɔsaka ɔtɛmwɛlɔ wa pudipudi la nɛmɔ?