WEKELO 15

Tɛkɛta la dietawɔ

1 Tɛsalɔnika 1:5

LO TSHENA PE: Ɛnya dia wɛ mbetawɔka l’eshikikelo tshɛ dia kɛnɛ katayɛ kekɔ mɛtɛ ndo ohomba.

Yalɔngɔsɔla dimɛna dimɛna. Eka awui wa lo sawo diayɛ polo ndo wɛ amboshihodia tokanyi t’ohomba tele lɔkɔ ndo woho wɛnya Bible dia tokanyi takɔ tekɔ mɛtɛ. Lembetshiya awui woleki ohomba wa lo sawo diayɛ l’ɛtɛkɛta wa wɔdu. Kanyiya woho wayowokimanyiya ampokami ayɛ. Lɔmba dia nkondja nyuma k’ekila.

Ohola sawo diayɛ la dui dia wolo dia wɛ mbekesanɛ l’awui wa lɔkɔ ndo disha dimɛna.
Kamba la tɔtɛkɛta takɛnɛmɔla dietawɔ. Lo dihole dia kalolɛka tɔtɛkɛta tofundami, kamba l’ɛtɛkɛta ayɛ hita. Sɔna ditelo diayɛnya dia wɛ shikikɛka dia kɛnɛ katayɛ kekɔ mɛtɛ.
Tɛkɛta l’otema ɔtɔi. Tɛkɛta la yɛdikɔ ya dui yakoka. Lɛnɛ ele dui sɔ bu kɔlɔ, endaka ampokami ayɛ.

Tohɛke dia otshikitanu wekɔ lam’asa ntɛkɛta la dietawɔ la aha monga l’ɔkɔmi, ntshininala lo dikambo kana ntshutshuya anto la wolo. Kaanga etena katɛkɛtayɛ l’otema ɔtɔi, ewoya ampokami ayɛ akambo la ngandji.