Wembola wa Wekelo wa Buku di’Ɛkɔndɔ wa lo Bible
Ɔkɔndɔ 1
Nzambi ambotatɛ la ntonga diangɔ
1. Oma lende akaye diangɔ tshɛ di’amɛna, ko onde wɛ koka mbisha ɛnyɛlɔ kɛmɔtshi?
2. Nzambi akandatonge ntondo?
3. Lande na kakatshikitana ondjelo wa ntondo la akina tshɛ?
4. Kɔndɔla nganɛ waki nkɛtɛ l’etatelo. (Enda osato.)
5. Ngande wakatatɛ Nzambi nɔngɔsɔla nkɛtɛ dikambo dia waa nyama ndo di’anto?
Wembola ekina:
1. Adia Jeremiya 10:12.
Naa waonga waki Nzambi wɛnama oma lo etongelo kande? (Is. 40:26; Romo 11:33)
2. Adia Kolosai 1:15-17.
Olimu akɔna wakakambe Yeso lo etongelo ndo ngande wahomba dikambo sɔ monga la shɛngiya lo woho wawɔsaso? (Kol. 1:15-17)
3. Adia Etatelu 1:1-10.
(a) Onto akɔna akatonge nkɛtɛ? (Etat. 1:1)
(b) Kakɔna kakatombe lo lushi la ntondo lo etongelo? (Etat. 1:3-5)
(c) Kɔndɔla kɛnɛ kakatombe lushi la hende l’etongelo. (Etat. 1:7, 8)
Ɔkɔndɔ 2
1. Ngande wakatɔlɔngɔsɔlɛ Nzambi nkɛtɛ dia tɔ monga edjaselo kaso?
2. Shila weho wa nyama yotshikitanyi yakatonge Nzambi. (Enda osato.)
3. Lande na kele ekambɔ k’Ɛdɛna aki ekambɔ ka lânde na?
4. Kakɔna kakalange Nzambi dia nkɛtɛ k’otondo koma?
Wembola ekina:
1. Adia Etatelu 1:11-25.
(a) Nzambi akandatonge lushi la sato l’etongelo? (Etat. 1:12)
(b) Kakɔna kakatombe lushi la nɛi l’etongelo? (Etat. 1:16)
(c) Weho akɔna wa nyama yakatonge Nzambi lushi la tanu ndo la samalo? (Etat. 1:20, 21, 25)
2. Adia Etatelu 2:8, 9.
Naa weho ehende w’etamba wa lânde wakakitsha Nzambi lo ekambɔ, ndo vɔ waki didjidji dia na?
Ɔkɔndɔ 3
Pami ka ntondo la omoto la ntondo
1. Ngande wotshikitanyi osato wa l’Ɔkɔndɔ 3 la osato wa l’Ɔkɔndɔ 2?
2. Akatonge pami ka ntondo, ndo naa lokombo lande?
3. Olimu akɔna wakasha Nzambi Adama dia sala?
4. Lande na kakalasha Nzambi Adama djɔ ya wolo?
5. Ɛnɔnyi engana wakakoke Adama la Eva sɛna ndo olimu akɔna wakalange Jehowa dia vɔ sala?
Wembola ekina:
1. Adia Osambu 83:18.
Naa lokombo laki Nzambi ndo naa dihole dia lânde diele lande lâdiko dia nkɛtɛ? (Jer. 16:21; Dan. 4:17)
2. Adia Etatelu 1:26-31.
(a) Dui diakɔna diakaleke tshɛ dimɛna diakasalema lushi la samalo l’etongelo ndo ngande wakatshikitana etongami kɛsɔ la waa nyama? (Etat. 1:26)
(b) Jehowa akandasha pami ndo waa nyama? (Etat. 1:30)
3. Adia Etatelu 2:7-25.
(a) Kakɔna kakendanaka la ɔkɛndɛ waki Adama wa mbɔlɛ nyama nkombo? (Etat. 2:19)
(b) Ngande watokimanyiya Etatelu 2:24 dia shihodia woho wɔsa Jehowa diwala, okakitwanelo ndo odiakelo wa diwala? (Mat. 19:4-6, 9)
Ɔkɔndɔ 4
Lande na kakawashisha edjaselo kakiwɔ
1. L’osato ɔnɛ, kakɔna kambokomɛ Adama la Eva?
2. Lande na kakawasha Jehowa dilanya?
3. Olui akandatɛ Eva?
4. Akasale dia olui tɛkɛta la Eva?
5. Lande na kakashisha Adama la Eva Paradiso kawɔ?
Wembola ekina:
1. Adia Etatelu 2:16, 17 ndo 3:1-13, 24.
(a) Ngande wele wombola wakambola olui Eva akɛnya dia nde akate awui wa kashi lo lokombo laki Jehowa? (Etat. 3:1-5; 1 Joa. 5:3)
(b) Ngande wele Eva ekɔ oko ɛnyɛlɔ katosha ɔhɛmwɛlɔ? (Fil. 4:8; Jak. 1:14, 15; 1 Joa. 2:16)
(c) Lo yoho yakɔna yaki Adama la Eva kombetawɔ kɛnɛ kakawasale? (Etat. 3:12, 13)
(d) Ngande wele woho wakakitshama akɛruba lo lɛkɛ l’ehotwelo ka wonya k’ekambɔ k’Ɛdɛna akasukɛka lowandji laki Jehowa? (Etat. 3:24)
2. Adia Enyelo 12:9.
Ngande wakatondoya Satana dia mbɛkɔla anto oma lo ɛlɔmbwɛlɔ kaki Nzambi? (1 Joa. 5:19)
Ɔkɔndɔ 5
1. Naa woho wa lɔsɛnɔ wakatongaka l’Adama la Eva l’andja w’ekambɔ k’Ɛdɛna?
2. Kakɔna kakatatɛ komɛ Adama la Eva, ndo lande na?
3. Bonde kakahombe ana waki Adama la Eva tshunda esombe ndo mvɔ?
4. Otondonga Adama la Eva wakakitanyiya awui waki Jehowa, vɔ la anawɔ wotonga la lɔsɛnɔ la woho akɔna?
5. Woho akɔna wele ohedia waki Eva akawela pâ?
6. Naa nkombo yaki ana ahende wa ntondo waki Adama la Eva?
7. Ana akɔna akina wele l’osato ɔnɛ?
Wembola ekina:
1. Adia Etatelu 3:16-23 ndo 4:1, 2.
(a) Woho wakadjama nkɛtɛ mananu aki la shɛngiya yakɔna lo lɔsɛnɔ laki Adama? (Etat. 3:17-19; Romo 8:20, 22)
(b) Lande na kele akakokaka dia lokombo laki Eva monga la kitshimudi ɔnɛ ‘Onto lele la Lomu’? (Etat. 3:20)
(c) Ngande wakalɛnya Jehowa Adama la Eva kânga l’ɔkɔngɔ wa vɔ sala pɛkato? (Etat. 3:7, 21)
2. Adia Enyelo 21:3, 4.
Naa “akambu wa ntundu” walongamɛyɛ mɛna woho wayowonyɛma?
Ɔkɔndɔ 6
1. Elimu akɔna wakakamba Kɛna la Abɛlɛ?
2. Weshasha akɔna wakalambola Kɛna la Abɛlɛ Jehowa?
3. Bonde kakangɛnangɛna Jehowa olambo waki Abɛlɛ koko kɔngɛnangɛna waki Kɛna?
4. Woho akɔna w’onto waki Kɛna ndo ngande wakahembe Jehowa dia mongola?
5. Kakɔna kakasale Kɛna lam’akinde nde l’ɔnango ato l’ekambɔ?
6. Lembetshiya kɛnɛ kakakomɛ Kɛna l’ɔkɔngɔ wa nde ndjaka ɔnango.
Wembola ekina:
1. Adia Etatelu 4:2-26.
(a) Ngande wakalembetshiya Jehowa wâle waki lo kongɛ Kɛna? (Etat. 4:7)
(b) Ngande wakɛnya Kɛna dionga diaki l’otema ande? (Etat. 4:9)
(c) Ngande wɔsa Jehowa onto latshola dikila di’onto laha l’onongo? (Etat. 4:10; Is. 26:21)
2. Adia 1 Joani 3:11, 12.
(a) Bonde kakadunganɛ Kɛna la kɛlɛ ndo ngande wele ɔsɔ ekɔ ɛnyɛlɔ katewola ɛlɔ kɛnɛ? (Etat. 4:4, 5; Tuk. 14:30; 28:22)
(b) Ngande wɛnya Bible dia kânga ase nkumbo kaso tshɛ kotonaka Jehowa, sho kokaka nama olowanyi aso? (Osam. 27:10; Mat. 10:21, 22)
3. Adia Joani 11:25.
Naa eshikikelo kakasha Jehowa lo dikambo dia wanɛ tshɛ wavɔ l’ɔtɛ w’akambo w’ɔlɔlɔ? (Joa. 5:24)
Ɔkɔndɔ 7
1. Ngande wakatshikitana Ɛnɔka la anto akina?
2. Bonde kakatshaka anto wa lo nshi yaki Ɛnɔka akambo efula wa kɔlɔ?
3. Naa akambo wa kɔlɔ wakasalaka anto? (Enda osato.)
4. Bonde kakahombe Ɛnɔka monga la dihonga?
5. Ɛnɔnyi engana wakasɛnaka anto lo nshi shɔ, ko ɛnɔnyi engana wakasɛnɛ Ɛnɔka?
6. Kakɔna kakatombe l’ɔkɔngɔ wa nyɔi k’Ɛnɔka?
Wembola ekina:
1. Adia Etatelu 5:21-24, 27.
(a) Diɔtɔnganelo dia ngande diaki lam’asa Ɛnɔka la Jehowa? (Etat. 5:24)
(b) Lo ndjela Bible, akaleke sɛna edja ndo ɛnɔnyi engana waki lande lam’akandavu? (Etat. 5:27)
2. Adia Etatelu 6:5.
L’ɔkɔngɔ wa nyɔi k’Ɛnɔka, ngande wakakome akambo kɔlɔ ndo akokaso mbuta naka sho mbaɛdika la nshi yaso nyɛ? (2 Tim. 3:13)
3. Adia Heberu 11:5.
Naa dionga diaki la Ɛnɔka ‘diakangɛnangɛnya Nzambi efula,’ ndo etombelo akɔna wakonge la dikambo sɔ? (Etat. 5:22)
4. Adia Jude 14, 15.
Ngande wakoka Akristo wa nshi nyɛ mbokoya dihonga diaki la Ɛnɔka etena kewolawɔ anto dikambo dia ta di’Aramangɛdɔna? (2 Tim. 4:2; Heb. 13:6)
Ɔkɔndɔ 8
1. Kakɔna kakatombe lam’aketawɔ andjelo amɔtshi waki Nzambi awui waki Satana?
2. Bonde kakatshike andjelo amɔtshi olimu awɔ l’olongo ko polɔ la nkɛtɛ?
3. Lande na aki dikambo dia kɔlɔ di’andjelo polɔ la nkɛtɛ ndo ndjoyalɔtshiya alemba wa l’emunyi?
4. Kakɔna kakatshikitanyaka ana wa waa andjelo la ana akina?
5. Oko wakokayɛ mɛna l’osato, kakɔna kakasalaka ana waki waa andjelo etena kakawakome ahangamende?
6. L’ɔkɔngɔ wa nyɔi kaki Ɛnɔka, pami kakɔna k’ɔlɔlɔ kakayonga la lɔsɛnɔ la nkɛtɛ, ndo lande na kakɔngɛnangɛnaka Nzambi?
Wembola Ekina:
1. Adia Etatelu 6:1-8.
Kakɔna katosholɛ Etatelu 6:6 lo kɛnɛ kendana la woho wakoka lɔkɛwɔ laso monga la shɛngiya lo nsaki yaki Jehowa? (Osam. 78:40, 41; Tuk. 27:11)
2. Adia Jude 6.
Ngande wele andjelo waki ‘konama dihole diawɔ di’etatelo’ lo nshi ya Nɔa wekɔ oko waohwelo le so ɛlɔ kɛnɛ? (1 Kor. 3:5-9; 2 Pet. 2:4, 9, 10)
Ɔkɔndɔ 9
1. Anto angana waki lo nkumbo kaki Nɔa, ndo naa nkombo y’anande asato?
2. Naa olimu wa diambo wakasha Nzambi Nɔa dia sala, ndo lande na?
3. Ngande wakasale asukanyi waki Nɔa etena kakandawatɛ dikambo dia wâto a luudu?
4. Kakɔna kakatɛ Nzambi Nɔa dia nde sala la waa nyama?
5. L’ɔkɔngɔ wa Nzambi ndiha lokuke la wâto a luudu, kakɔna kakahombe Nɔa la nkumbo kande sala?
Wembola ekina:
1. Adia Etatelu 6:9-22.
(a) Kakɔna kaketɛ Nɔa ɔtɛmɔdi w’ohomba waki Nzambi ka mɛtɛ? (Etat. 6:9, 22)
(b) Ngande wɔsa Jehowa awui wa ngala, ndo ngande wahomba dikambo sɔ monga la shɛngiya lo ɔsɔnwɛlɔ aso wa tɔkɛnyɔ? (Etat. 6:11, 12; Osam. 11:5)
(c) Ngande wakokaso mbokoya Nɔa etena kalongolaso ɛlɔmbwɛlɔ oma lo tshimbo y’ɔlɔngɔswamelo waki Jehowa? (Etat. 6:22; 1 Joa. 5:3)
2. Adia Etatelu 7:1-9.
Ɛlɔ kɛnɛ ngande wakeketshamaso lo menda woho ɔnɛ wakɔshi Jehowa Nɔa oko kanga losembwe kânga mbakinde komonga kokele? (Etat. 7:1; Tuk. 10:16; Is. 26:7)
Ɔkɔndɔ 10
1. Kam’akatatɛ mvula ndɔ, lande na kele ndoko onto ɔtɔi lakakoke nto mbɔtɔ l’etei ka wâto a luudu?
2. L’edja ka nshi ngana ndo etsho engana wakalɔsha Jehowa mvula kɛsɔ, ndo ashi wakadɛ polo lo yɛdikɔ yakɔna?
3. Kakɔna kakakomɛ wâto a luudu etena kakatatɛ ashi komba nkɛtɛ?
4. Onde ahangamende wakake lo Mvula k’Elola, ndo kakɔna kakakomɛ washɛwɔ?
5. Kakɔna kakakomɛ wâto a luudu l’ɔkɔngɔ wa ngɔndɔ tshanu?
6. Lande na kakatondja Nɔa dingwangwa l’andja wa wâto a luudu?
7. Ngande wakeye Nɔa di’ashi wamboma la nkɛtɛ?
8. Kakɔna kakatɛ Nzambi Nɔa l’ɔkɔngɔ wa nde la nkumbo kande ndekanya ɔnɔnyi w’otondo l’etei ka wâto a luudu?
Wembola ekina:
1. Adia Etatelu 7:10-24.
(a) Ngande wakadiakema ɛngɔ tshɛ kaki la lɔsɛnɔ lanɛ la nkɛtɛ? (Etat. 7:23)
(b) Ashi wa Mvula k’Elola wakome l’ɔkɔngɔ wa nshi ngana? (Etat. 7:24)
2. Adia Etatelu 8:1-17.
Ngande wɛnya Etatelu 8:17 dia sangwelo diaki Jehowa dia l’etatelo lo kɛnɛ kendana la nkɛtɛ kotshikitana? (Etat. 1:22)
3. Adia 1 Petero 3:19, 20.
(a) Etena kakakalola waa andjelo wakatɔmbɔkɔ l’olongo, dilanya diakɔna diakawalongola? (Jude 6)
(b) Ngande wakeketsha ɔkɔndɔ waki Nɔa la nkumbo kande wɛkamu aso lo dikoka diele la Jehowa dia tshungola ekambi ande? (2 Pet. 2:9)
Ɔkɔndɔ 11
1. Oko wadiɛnaso l’osato, kakɔna kakasale Nɔa etena kakandatombe ntondo oma lo wâto a luudu?
2. Didjango diakɔna diakasha Nzambi Nɔa la nkumbo kande l’ɔkɔngɔ wa Mvula k’Elola?
3. Daka diakɔna diakalake Nzambi?
4. Etena kɛnaso ngolo, kakɔna kahombaso mbohɔ?
Wembola ekina:
1. Adia Etatelu 8:18-22.
(a) Ɛlɔ kɛnɛ, ngande wakokaso mbisha Jehowa “upumu w’ololo”? (Etat. 8:21; Heb. 13:15, 16)
(b) Kakɔna kakɛnyi Jehowa lo kɛnɛ kendana la eongelo k’otema w’onto, ndo yewo yakɔna yahomba monga laso? (Etat. 8:21; Mat. 15:18, 19)
2. Adia Etatelu 9:9-17.
(a) Sheke yakɔna yakadje Jehowa la ditongami tshɛ dia la nkɛtɛ? (Etat. 9:10, 11)
(b) Sheke ya ngolo yayotetemala kamba olimu polo l’edja kakɔna? (Etat. 9:16)
Ɔkɔndɔ 12
1. Nimirɔdɛ akinde, ndo ngande wakawɔsaka Nzambi ?
2. L’osato ɔnɛ, lande na kasala anto ango atafadi?
3. Lande na kaki Jehowa kɔngɛnangɛna olimu wa wokelo ɔsɔ?
4. Ngande wakemadia Nzambi wokelo wa luudu l’etangelo?
5. Ngande wakelamɛka osomba ɔsɔ, ndo lokombo lakɔ laki la kitshimudi yakɔna?
6. Kakɔna kakasale anto l’ɔkɔngɔ wa Nzambi fukutanya ɛtɛkɛta awɔ?
Wembola ekina:
1. Adia Etatelu 10:1, 8-10.
Waonga akɔna wakakɛnɛmɔla Nimirɔdɛ ndo ɔhɛmwɛlɔ akɔna watosha dikambo sɔ? (Tuk. 3:31)
2. Adia Etatelu 11:1-9.
Oyango akɔna waki la wokelo wa luudu l’etangelo, ndo lande na kakalanyema olimu akɔ? (Etat. 11:4; Tuk. 16:18; Joa. 5:44)
Ɔkɔndɔ 13
1. Weho akɔna w’anto wakasɛnaka l’osomba wa Ura?
2. Pami kakɔna kele l’osato ongo, etena kakɔna kakandotɔ ndo lende akandasɛnaka?
3. Nzambi akandatɛ Abarahama dia sala?
4. Lande na kakelamɛ Abarahama ɔnɛ ɔngɛnyi wa Nzambi?
5. Anto akɔna wakatshu la Abarahama etena kakandonɔ oma la Ura?
6. Nzambi akandatɛ Abarahama etena kakinde lo nkɛtɛ ya Kanana?
7. Nzambi akandalake Abarahama etena kakinde l’ɛnɔnyi 99?
Wembola ekina:
1. Adia Etatelu 11:27-32.
(a) Ngande wakotɔka Lɔta la Abarahama? (Etat. 11:27)
(b) Kânga mbatawɔ ɔnɛ Tɛra mbaketawɔ dia monɔ la nkumbo kande otsha la Kanana, ngande weyaso dia Abarahama mbaki lo kiɔkɔ ya lɔkɛndɔ lɔsɔ, ndo lande na kakandasale ɔsɔku? (Etat. 11:31; Etsha 7:2-4)
2. Adia Etatelu 12:1-7.
Ngande wakakonya Jehowa sheke yakandadje la Abarahama woke l’ɔkɔngɔ wa Abarahama koma lo nkɛtɛ ya Kanana? (Etat. 12:7)
3. Adia Etatelu 17:1-8, 15-17.
(a) Ngande wakatshikitana lokombo laki Abarama etena kakinde l’ɛnɔnyi 99, ndo lande na? (Etat. 17:5)
(b) Ɛtshɔkɔ akɔna wa nshi yayaye wakalake Jehowa Sara? (Etat. 17:15, 16)
4. Adia Etatelu 18:9-19.
(a) Lo Etatelu 18:19, ɛkɛndɛ akɔna wɛnyami dikambo diaki ambutshi w’apami? (Euh. 6:6, 7; Ef. 6:4)
(b) Kakɔna kakakomɛ Sara kɛnya dia ndoko dikambo diakokaso mbishɛ Jehowa? (Etat. 18:12, 15; Osam. 44:21)
Ɔkɔndɔ 14
Nzambi ambohemba mbetawɔ k’Abarahama
1. Nzambi akandalake Abarahama, ndo ngande wakandakotsha daka diande?
2. Oko wɛnyamidiɔ l’osato ɔnɛ, ngande wakahembe Nzambi mbetawɔ k’Abarahama?
3. Kânga mbele nde koshihodia dimɛna ɔkɔkɔ wa didjango diaki Nzambi kakɔna kakasale Abarahama?
4. Kakɔna kakatombe etena kakatondja Abarahama lokuwa dia nde ndjaka ɔnande?
5. Wolo wa ngande waki la mbetawɔ kaki Abarahama otsha le Nzambi?
6. Nzambi akandasha Abarahama dia mbolambola, ndo ngande?
Wembola ekina:
1. Adia Etatelu 21:1-7.
Lande na kakahenya Abarahama ɔnande ohekele lushi l’enanɛi? (Etat. 17:10-12; 21:4)
2. Adia Etatelu 22:1-18.
Ngande wakɛnya Isaka okitanyiya ande otsha le Abarahama wa she, ndo ngande wele dui sɔ diaki didjidji dia dikambo di’ohomba efula diakahombe ndjosalema lo nshi yayaye? (Etat. 22:7-9; 1 Kor. 5:7; Fil. 2:8, 9)
Ɔkɔndɔ 15
1. Lande na kakakakitɔna Abarahama la Lɔta?
2. Lande na kakasɔnɛ Lɔta dia mbidjasɛ la Sɔdɔma?
3. Weho akɔna w’anto waki ase Sɔdɔma?
4. Andjelo ahende akawewola Lɔta?
5. Lande na kakahilɔ wadi aki Lɔta ekundji ka lɛɛhɔ?
6. Wetshelo akɔna wakokaso kondja oma lo ɛnyɛlɔ kaki wadi aki Lɔta?
Wembola ekina:
1. Adia Etatelu 13:5-13.
Wetshelo akɔna wakokaso kondja oma lo ɛnyɛlɔ kaki Abarahama lo kɛnɛ kendana la okandwelo w’ekakatanu wele lam’asa anto? (Etat. 13:8, 9; Romo 12:10; Fil. 2:3, 4)
2. Adia Etatelu 18:20-33.
Ngande watoshikikɛ dionga diaki Jehowa otsha le Abarahama dia Jehowa la Yeso wayolomboya la losembwe tshɛ? (Etat. 18:25, 26; Mat. 25:31-33)
3. Adia Etatelu 19:1-29.
(a) Kakɔna kɛnya ɔkɔndɔ wa lo Bible ɔnɛ lo kɛnɛ kendana la woho wɔsa Jehowa dieyanelo dia lam’asa apami l’apami? (Etat. 19:5, 13; Lew. 20:13)
(b) Otshikitanu akɔna watanaso lo toho takayele Lɔta la Abarahama ɛlɔmbwɛlɔ kaki Nzambi, ndo kakɔna kakokaso mbeka oma lo dikambo sɔ? (Etat. 19:15, 16, 19, 20; 22:3)
4. Adia Luka 17:28-32.
Dionga diakɔna dia l’otema diaki la wadi aki Lɔta lo kɛnɛ kendana la diangɔ dia l’emunyi, ndo ngande wele dikambo sɔ diekɔ ɔhɛmwɛlɔ le so? (Luka 12:15; 17:31, 32; Mat. 6:19-21, 25)
5. Adia 2 Petero 2:6-8.
Lo mbokoya Lɔta, dionga diakɔna diahomba monga laso otsha le andja ɔnɛ wa kɔlɔ wotodingi? (Ezek. 9:4; 1 Joa. 2:15-17)
Ɔkɔndɔ 16
1. Pami ndo womoto wele l’osato ongo waa na wewɔ?
2. Abarahama akandasale dia kondjiyɛ ɔnande wadi, ndo lande na?
3. Ngande wakakadimɔma dɔmbɛlɔ diaki okambi waki Abarahama?
4. Rɛbɛka akandakadimola etena kakawawombola dia kana nde nangaka tshukana la Isaka?
5. Kakɔna kakangɛnyangɛnya nto Isaka?
Wembola ekina:
1. Adia Etatelu 24:1-67.
(a) Waonga akɔna w’amɛna wakakɛnɛmɔla Rɛbɛka etena kakandasawolaka l’okambi waki Abarahama la ɛtɛkɔ k’ashi? (Etat. 24:17-20; Tuk. 31:17, 31)
(b) Yɛdikɔ yakɔshi Abarahama lo dikambo diaki Isaka mbishaka Akristo wa nshi ɛnyɛlɔ kakɔna ka dimɛna? (Etat. 24:37, 38; 1 Kor. 7:39; 2 Kor. 6:14)
(c) Lande na kahombaso ndjatshungwɛka etena ka kanaka yimba, oko wakasale Isaka? (Etat. 24:63; Osam. 77:12; Fil. 4:8)
Ɔkɔndɔ 17
1. Esau la Jakɔba akiwɔ, ndo ngande wakiwɔ kɔfɔnaka?
2. Esau la Jakɔba waki l’ɛnɔnyi engana etena kakavu Abarahama wa tshɛwɔ?
3. Kakɔna kakasale Esau kakanyangiya nyango la she efula?
4. Lande na kaki Esau la kɛlɛ k’efula otsha le Jakɔbɔ y’ɔnango?
5. Dako diakɔna diakasha Isaka ɔnande Jakɔbɔ?
Wembola ekina:
1. Adia Etatelu 25:5-11, 20-34.
(a) Kakɔna kakatatshi Jehowa la ntondo lo dikambo diendana l’ana ahende waki Rɛbɛka? (Etat. 25:23)
(b) Otshikitanu akɔna waki lam’asa Jakɔbɔ nde la Esau lo kɛnɛ kendana la lowandji l’ɔna enondo? (Etat. 25:31-34)
2. Adia Etatelu 26:34, 35; 27:1-46; ndo 28:1-5.
(a) Ngande wakɛnya Esau dia nde kɔmbɔsaka akambo wa lo nyuma la nɛmɔ? (Etat. 26:34, 35; 27:46)
(b) Dia nde nongola ɔtshɔkɔ oma le Nzambi, Isaka akandatɛ Jakɔbɔ dia nde sala? (Etat. 28:1-4)
3. Adia Heberu 12:16, 17.
Ngande wɛnya ɛnyɛlɔ kaki Esau kɛnɛ kayokomɛ wanɛ wɔnyɔla akambo w’ekila?
Ɔkɔndɔ 18
1. Ɔna womoto lele l’osato ongo ende, ndo kakɔna kakosalɛ Jakɔbɔ?
2. Kakɔna kaketawɔ Jakɔbɔ sala l’oyango wa nde tshuka Rashɛlɛ?
3. Kakɔna kakasale Labana lam’akakoke etena ka Jakɔbɔ tshuka Rashɛlɛ?
4. Kakɔna kaketawɔ Jakɔba sala dia nde mbɔsa Rashɛlɛ oko wadɛnde?
Wembola ekina:
1. Adia Etatelu 29:1-30.
(a) Kânga etena kakokese Labana, ngande wakɛnya Jakɔbɔ dia nde akayalɛmiyaka, ndo akokaso mbeka oma lo dikambo sɔ? (Etat. 25:27; 29:26-28; Mat. 5:37)
(b) Ngande wɛnya ɛnyɛlɔ kaki Jakɔbɔ otshikitanu wele lam’asa ngandji ka mɛtɛ la lolango la tshenyi ya wonya? (Etat. 29:18, 20, 30; Lim. 8:6)
(c) Naa wamato anɛi wakakome anto amɔtshi wa lo nkumbo ka Jakɔbɔ ndo l’ɔkɔngɔ diko wakayowotɛka ana? (Etat. 29:23, 24, 28, 29)
Ɔkɔndɔ 19
1. Naa nkombo y’ana asamalo wakote Jakɔbɔ nde la Lea, wadɛnde l’otango?
2. Ana akɔna ahende wakote Jakɔbɔ nde la Zilipa, ose olimu waki Lea?
3. Naa nkombo y’ana ahende wakote Jakɔbɔ nde la Biliha, ose olimu waki Rashɛlɛ?
4. Ana akɔna ahende wakote Rashɛlɛ, kakɔna kakatombe etena kakotɔ ɔna la hende?
5. Lo ndjela osato, ana angana wele la Jakɔbɔ, ndo kakɔna kakakomɛ?
Wembola ekina:
1. Adia Etatelu 29:32-35; 30:1-26; ndo 35:16-19.
Oko wodiɛnyishawɔ lo kɛnɛ kendana l’ana 12 waki Jakɔbɔ, tena efula ngande wakawɔlɛka ana w’apami w’ase Hɛbɛru nkombo lo nshi y’edjedja?
2. Adia Etatelu 37:35.
Kânga mbele paka lokombo laki Dina oto mboshilami lo Bible, Ngande weyaso dia Jakɔbɔ aki l’ana wa wamato akina? (Etat. 37:34, 35)
Ɔkɔndɔ 20
1. Lande na kele Abarahama ndo Isaka konangaka dia anawɔ tshuka ana a wamato w’ase Kanana?
2. Onde Jakɔbɔ aketawɔ dia ɔnande la wamato mbɔtɔ ɔngɛnyi la ana wa wamato w’ase Kanana?
3. Naa pami kenda Dina kengo, ndo dikambo diakɔna dia kɔlɔ diakandasale?
4. Kakɔna kakasale Simɛyɔna la Lɛwi anango Dina etena kakawoke kɛnɛ kakatombe?
5. Onde Jakɔbɔ aketawɔ kɛnɛ kakasale Simɛyɔna la Lɛwi?
6. Ngande wakamɛ ofukutanu mbɔtɔ lo nkumbo?
Wembola ekina:
1. Adia Etatelu 34:1-31.
(a) Onde lɔngɛnyi lakɔtɔ Dina la ana wa wamato w’ase Kanana aki la mbala ɔtɔi ko pe? Lembetshiya. (Etat. 34:1)
(b) Lande na kele Dina aki la yema y’ɔkɛndɛ lo kɛnɛ kendana la oshishelo wa emuma kande? (Ngal. 6:7)
(c) Ngande wakoka ɛlɔngɔlɔngɔ la esekaseka wa nshi nyɛ mɛnya dia wekɔ lo mbɔsa ɛnyɛlɔ kaki Dina k’ɔhɛmwɛlɔ la nɛmɔ? (Tuk. 13:20; 1 Kor. 15:33; 1 Joa. 5:19)
Ɔkɔndɔ 21
1. Lande na kele anango Yɔsɛfu waki la kandjema le nde, ndo kakɔna kakawasale?
2. Kakɔna kakalange anango Yɔsɛfu w’apami mbosalɛ, koko kakɔna kakate Rubɛna?
3. Kakɔna kakatombe lam’akakome amundji w’okanda w’ase Ishamɛlɛ lalewɔ?
4. Kakɔna kakasale anango Yɔsɛfu dia konya shɛwɔ lo fɔnya dia Yɔsɛfu ambovɔ?
Wembola ekina:
1. Adia Etatelu 37:1-35.
(a) Ngande wakoka Akristo mbokoya ɛnyɛlɔ kaki Yɔsɛfu lo mbutɛ ase etshumanelo kɔlɔ kambosala ɔmɔtshi l’atei awɔ? (Etat. 37:2; Lew. 5:1; 1 Kor. 1:11)
(b) Kakɔna kakakonya anango waki Yɔsɛfu dia monga la kandjema otsha le nde? (Etat. 37:11, 18; Tuk. 27:4; Jak. 3:14-16)
(c) Dui diakɔna diakatshe Jakɔbɔ diɛnya lɔkɔnyɔ lande? (Etat. 37:35)
Ɔkɔndɔ 22
1. Yɔsɛfu aki l’ɛnɔnyi engana etena kakandatɔlama l’Edjibito, ndo kakɔna kakatombe etena kakandakome lɛkɔ?
2. Ko lande na kakayodjamaka Yɔsɛfu lo lokanu na?
3. Ɔkɛndɛ akɔna wakawasha Yɔsɛfu lo lokanu?
4. Lo lokanu, kakɔna kakasalɛ Yɔsɛfu kapita k’amangudi a wanu ndo kapita k’ekatshi wa mma ka Farawɔ?
5. Kakɔna kakatombe l’ɔkɔngɔ wa kapita k’amangudi a wanu tondjama oma lo lokanu?
Wembola ekina:
1. Adia Etatelu 39:1-23.
Lam’ele ndoko ɔlɛmbɛ wa lofunda waki Nzambi wakashimbaka monanyi lo nshi yaki Yɔsɛfu, kakɔna kakotshutshuya dia nde ndawɔ wadi aki Pɔtifara? (Etat. 2:24; 20:3; 39:9)
2. Adia Etatelu 40:1-23.
(a) Kɔndɔla lo tshena pe dɔ diakɛnyi kapita k’amangudi a wanu ndo kitshimudi yakasha Jehowa Yɔsɛfu. (Etat. 40:9-13)
(b) Dɔ diakɔna diakɛnyi kapita k’ekatshi wa mma, ndo diɔ diaki la kitshimudi yakɔna? (Etat. 40:16-19)
(c) Ɛlɔ kɛnɛ, ngande wokoya olui w’ɔhɔmbɔ wa kɔlamelo ndo wa kɛsɔ dionga diaki Yɔsɛfu? (Etat. 40:8; Ps. 36:9; Joa. 17:17; Etsha 17:2, 3)
(d) Eokelo kakɔna k’ɔlɔlɔ katosha Etatelu 40:20 lo kɛnɛ kendana la afɛstɔ wa nshi ya eotwelo? (Und. 7:1; Mako 6:21-28)
Ɔkɔndɔ 23
1. Kakɔna kakakomɛ Farawɔ l’otsho ɔmɔtshi?
2. Lande na kamboyohɔ kapita k’amangudi a wanu Yɔsɛfu?
3. Oko wɛnyamidiɔ l’osato ɔnɛ, alɔ akɔna ahende wakɛnyi Farawɔ?
4. Kakɔna kakate Yɔsɛfu lo kɛnɛ kendana la tokitshimudi t’alɔ asɔ?
5. Ngande wakakome Yɔsɛfu onto lakaleke woke l’Edjibito, mbut’ate oma lale Farawɔ ko nde?
6. Lande na kakaye anango Yɔsɛfu l’Edjibito, ndo lande na kakiwɔ kômbeya nto?
7. Alɔ akɔna wakohɔ Yɔsɛfu, ndo alɔ akɔ wakôkimanyiya dia nde shihodia dui diakɔna?
Wembola ekina:
1. Adia Etatelu 41:1-57.
(a) Woho akɔna wakakotola Yɔsɛfu yambalo otsha le Jehowa, ndo lo yoho yakɔna yakoka Akristo mbokoya ɛnyɛlɔ kande ɛlɔ kɛnɛ? (Etat. 41:16, 25, 28; Mat. 5:16; 1 Pet. 2:12)
(b) Ngande wele ɛnɔnyi wakonge mbo ya ndɛ tshavutshavu la ɛnɔnyi wakayele wakonge ndjala ka kasha l’Edjibito mɛnyaka shikaa otshikitanu wele lam’asa eongelo ka lo nyuma kele l’ekambi waki Jehowa ɛlɔ kɛnɛ la kɛnɛ kele la ase Lokristokristo? (Etat. 41:29, 30; Am. 8:11, 12)
2. Adia Etatelu 42:1-8 ndo 50:20.
Onde ekɔ kɔlɔ le atɛmɔdi waki Jehowa dia kusamɛ onto dia mbosha lotombo ndo dilɛmiɛlɔ l’ɔtɛ wa dihole diele lande naka ɔsɔ ekɔ mbekelo ka lo wodja awɔ? (Etat. 42:6)
Ɔkɔndɔ 24
1. Lande na kakatɛ Yɔsɛfu anango dia vɔ waki atɔpi?
2. Lande na kakatshike Jakɔbɔ dia Bɛnjamina, ɔnande la kose ntshɔ otsha l’Edjibito?
3. Ngande wakayokomaka dikɔhɔ dia fɛsa diaki Yɔsɛfu lo tapa diaki Bɛndjamina?
4. Kakɔna kakate Juda dia tshungola Bɛndjamina?
5. Ngande wakatshikitana dionga di’anango Yɔsɛfu?
Wembola ekina:
1. Adia Etatelu 42:9-38.
Ngande wele ɛtɛkɛta waki Yɔsɛfu wa lo Etatelu 42:18 ekɔ ɔhɛmwɛlɔ wa dimɛna le wanɛ wele la ɛkɛndɛ l’ɔlɔngɔswamelo waki Jehowa ɛlɔ kɛnɛ? (Neh. 5:15; 2 Kor. 7:1, 2)
2. Adia Etatelu 43:1-34.
(a) Kânga mbaki Rubɛna ɔna enondo, woho akɔna wakakome Juda ɔtɛkɛtshi w’anango? (Etat. 43:3, 8, 9; 44:14, 18; 1 Ek. 5:2)
(b) Ngande wakahembe Yɔsɛfu anango, ndo lande na? (Etat. 43:33, 34)
3. Adia Etatelu 44:1-34.
(a) Di’aha anango mbeya, ngande wakayaɛnya Yɔsɛfu le wɔ? (Etat. 44:5, 15; Lew. 19:26)
(b) Ngande wakɛnya anango Yɔsɛfu dia waya bu la lohetsho laki lawɔ ntondo otsha le ɔnangɛwɔ? (Etat. 44:13, 33, 34)
Ɔkɔndɔ 25
Nkumbo k’otondo ambonɔ l’Edjibito
1. Kakɔna kakatombe etena kakayaeyanya Yɔsɛfu le anango?
2. Yɔsɛfu akandalembetshiya anango la kɛtshi tshɛ?
3. Kakɔna kakate Farawɔ etena kakandoke dikambo di’anango Yɔsɛfu?
4. Nkumbo ka Jakɔbɔ kaki la lofulo l’anto angana lam’akawonɔ otsha l’Edjibito?
5. Ngande wakayelamɛka nkumbo ka Jakɔbɔ, ndo lande na?
Wembola ekina:
1. Adia Etatelu 45:1-28.
Ngande wɛnya ɔkɔndɔ waki Yɔsɛfu dia Jehowa koka tshikitanya kɛnɛ kakoka monga wâle le ekambi ande dia tɔ monga la etombelo w’ɔlɔlɔ? (Etat. 45:5-8; Is. 8:10; Fil. 1:12-14)
2. Adia Etatelu 46:1-27.
Eshikikelo kakɔna kakasha Jehowa Jakɔbɔ lam’akandatatshɔka otsha l’Edjibito? (Etat. 46:1-4)
Ɔkɔndɔ 26
Jɔbɔ ekɔ la kɔlamelo le Nzambi
1. Jɔbɔ akinde?
2. Satana akandahembe sala, ko onde nde akatondoya?
3. Jehowa akasha Satana lotshungɔ la sala dikambo diakɔna, ndo lande na?
4. Bonde kakatɛ wadi aki Jɔbɔ, Jɔbɔ ate ‘sɛka Nzambi kele ovu’? (Enda osato.)
5. Oko wakokayɛ mɛna l’osato wa hende, ngande wakatshɔkɔla Jehowa Jɔbɔ, ndo lande na?
6. Oko Jɔbɔ, naka tekɔ la kɔlamelo le Jehowa, ɛtshɔkɔ akɔna wayotolongola?
Wembola ekina:
1. Adia Jobo 1:1-22.
Ɛlɔ kɛnɛ, ngande wakoka Akristo mbokoya Jɔbɔ? (Jobo 1:1; Fil. 2:15; 2 Pet. 3:14)
2. Adia Jobo 2:1-13.
Jɔbɔ akandasale la ntondo k’ɛhɛnyɔhɛnyɔ w’oma le Satana ndo kakɔna kakasale wadɛnde nde lawɔ? (Jobo 2:9, 10; Tuk. 19:3; Mika 7:7; Mal. 3:14)
3. Adia Jobo 42:10-17.
(a) Ngande wafɔna ɔtshɔkɔ wakalongola Jɔbɔ la wɔnɛ wakalongola Yeso l’ɔtɛ wa kɔlamelo yande? (Jobo 42:12; Fil. 2:9-11)
(b) Ngande wakeketshamaso oma l’ɛtshɔkɔ wakalongola Jɔbɔ l’ɔtɛ wakandalame olowanyi ande le Nzambi? (Jobo 42:10, 12; Heb. 6:10; Jak. 1:2-4, 12; 5:11)
Ɔkɔndɔ 27
Nkumekanga ka kɔlɔ ambolɛ l’Edjibito
1. L’osato ɔnɛ, pami kele la lofimbo kengo ênde, ndo onto akɔna lakɔmɔlande?
2. L’ɔkɔngɔ wa nyɔi kaki Yɔsɛfu, kakɔna kakakomɛ ase Isariyɛlɛ?
3. Lande na kele ase Edjibito wakoke ase Isariyɛlɛ wɔma?
4. Farawɔ akandatɛ wamato wakotshaka wamato w’ase Isariyɛlɛ?
Wembola ekina:
1. Adia Etumbelu 1:6-22.
(a) Ngande wakatatɛ Jehowa kotsha daka diakandasha Abarahama? (Etum. 1:7; Etat. 12:2; Etsha 7:17)
(b) Ngande wakɛnya ambotshotshi w’ase Hɛbɛru dia vɔ nɛmiyaka ekila ka lɔsɛnɔ? (Etum. 1:17; Etat. 9:6)
(c) Ngande wakatshɔkwama ambotshotshi asɔ l’ɔtɛ wa kɔlamelo yawɔ le Jehowa? (Etum. 1:20, 21; Tuk. 19:17)
(d) Ngande wakadje Satana welo dia ndanya sangwelo diaki Jehowa diendana la Kanula yaki Abarahama? (Etum. 1:22; Mat. 2:16)
Ɔkɔndɔ 28
1. Yana y’ashashi yele l’osato ɔnɛ ênde, ndo lohita laki onto akɔna lokimende?
2. Kakɔna kakasale nyango Mɔsɛ di’aha ɔnande ndjakema?
3. Yana yakɔna ya yimato yele l’osato ɔnɛ, ndo kakɔna kasalande?
4. Etena kakatane ɔna womoto laki Farawɔ yana y’ashashi nyɛ, kakɔna kakawotɛ Miriyama?
5. Ɔnaki nkumekanga ɔsɔ akandatɛ nyango Mɔsɛ?
Wombola ekina:
1. Adia Etumbelu 2:1-10.
Diaaso diakɔna diakakondja nyango Mɔsɛ dia mbetsha Mɔsɛ oma ko dikɛnda diande, ndo dui sɔ mbishaka ambutshi ɛnyɛlɔ kakɔna ɛlɔ kɛnɛ? (Etum. 2:9, 10; Euh. 6:6-9; Tuk. 22:6; Ef. 6:4; 2 Tim. 3:15)
Ɔkɔndɔ 29
1. Lende akôle Mɔsɛ, ko kakɔna kakandeyaka lo dikambo di’ambutshi ande?
2. Kakɔna kakasale Mɔsɛ etena kakinde l’ɛnɔnyi 40?
3. Mɔsɛ akandatɛ pami kɛmɔtshi k’ose Isariyɛlɛ kakalɔka la onyande, ko ngande wakokadimola pami kɛsɔ?
4. Lande na kakalawɔ Mɔsɛ oma l’Edjibito?
5. Lende akalawɔ Mɔsɛ, ndo nde akateyanaka l’onto akɔna lɛkɔ?
6. Olimu akɔna wakasalaka Mɔsɛ l’edja k’ɛnɔnyi 40 wakandalawɔ oma l’Edjibito?
Wembola ekina:
1. Adia Etumbelu 2:11-25.
Oyadi ɛnɔnyi wakandetsha lo mbeka lomba laki ase Edjibito, ngande wakɛnya Mɔsɛ kɔlamelo yande otsha le Jehowa ndo otsha le wodja ande? (Etum. 2:11, 12; Heb. 11:24)
2. Adia Etsha 7:22-29.
Wetshelo akɔna wakokaso mbeka oma lo woho wakayange Mɔsɛ dia tshungola ase Isariyɛlɛ oma lo lɔhɔmbɔ l’ase Edjibito oma lo wolo ande hita? (Etsha 7:23-25; 1 Pet. 5:6, 10)
Ɔkɔndɔ 30
1. Naa lokombo la dikona diele l’osato ɔnɛ?
2. Kɔndɔla dikambo dia mamba diakɛnyi Mɔsɛ etena kakandatshu lo dikona la ɛkɔkɔ ande.
3. Kakɔna kakate dui diakatombaka oma lo dikombo diakalombalombaka, ndo aki dui diaki onto akɔna?
4. Ngande wakakadimola Mɔsɛ etena kakawotɛ Nzambi ɔnɛ nde mbahomba nɔmbɔla anto waki Nzambi oma l’Edjibito?
5. Kakɔna kakatɛ Nzambi Mɔsɛ dia nde mbuta naka anto wambowombola vate onto akɔna lakakotome?
6. Ngande wakakoke Mɔsɛ mɛnya dia Nzambi mbakôtome?
Wembola ekina:
1. Adia Etumbelu 3:1-22.
Ngande watosha ɛnyɛlɔ kaki Mɔsɛ eshikikelo ɔnɛ kânga naka sho ndjaokaka dia sho bu l’akoka wa kotsha ɔkɛndɛ ɔmɔtshi wa teokrasi, Jehowa ayotokimanyiya? (Etum. 3:11, 13; 2 Kor. 3:5, 6)
2. Adia Etumbelu 4:1-20.
(a) Ngande wakayotshikitanaka dionga dia Mɔsɛ lo ɛnɔnyi 40 wakandetsha la Midiyana, ndo wetshelo akɔna wakoka kondja wanɛ wakombola waɛsɛ l’etshumanelo oma lo dikambo sɔ? (Etum. 2:11, 12; 4:10, 13; Mika 6:8; 1 Tim. 3:1, 6, 10)
(b) Kânga naka tambolongola dilanya oma le Jehowa lo tshimbo y’ɔlɔngɔswamelo ande, eshikikelo kakɔna kakoka tosha ɛnyɛlɔ kaki Mɔsɛ? (Etum. 4:12-14; Osam. 103:14; Heb. 12:4-11)
Ɔkɔndɔ 31
Mɔsɛ la Arɔna wambɛnana la Farawɔ
1. Ahindo wakasale Mɔsɛ nde l’Arɔna waki la etombelo akɔna le ase Isariyɛlɛ?
2. Mɔsɛ nde l’Arɔna akawatɛ Farawɔ ndo kakɔna kakakadimola Farawɔ?
3. Oko wɛnyamidiɔ lo osato ɔnɛ, kakɔna kakatombe etena kakakasha Arɔna danga diande la nkɛtɛ?
4. Ngande wakasha Jehowa Farawɔ wetshelo ndo ngande wakasale Farawɔ?
5. Kakɔna kakatombe l’ɔkɔngɔ wa sui dia dikumi?
Wembola ekina:
1. Adia Etumbelu 4:27-31 ndo 5:1-23.
Kakɔna kakalange Farawɔ nembetshiya etena kakandate ate: ‘Dimi haleye Jehowa ndoko yema’? (Etum. 5:2; 1 Sam. 2:12; Romo 1:21)
2. Adia Etumbelu 6:1-13, 26-30.
(a) Lo yoho yakɔna yaki Jehowa kondjaeyanya ndamɛ le Abarahama, Isaka ndo le Jakɔba na? (Etum. 3:13, 14; 6:3; Etat. 12:8)
(b) Ngande wayaokaso etena keyaso dia Jehowa akatetemala kamba la Mɔsɛ, kânga mbakandayaokaka dia nde bu l’akoka wa kotsha ɔkɛndɛ wakandalongola? (Etum. 6:12, 30; Luka 21:13-15)
3. Adia Etumbelu 7:1-13.
(a) Etena kakewoya Mɔsɛ la Arɔna Farawɔ dombwelo diaki Jehowa la dihonga tshɛ, ɛnyɛlɔ kakɔna kakawatshikɛ ekambi waki Nzambi ɛlɔ kɛnɛ? (Etum. 7:2, 3, 6; Etsha 4:29-31)
(b) Ngande wakɛnya Jehowa dia nde mbahemɛ tozambizambi ta l’Edjibito? (Etum. 7:12; 1 Ek. 29:12)
Ɔkɔndɔ 32
1. Lo kamba l’esato oko wɛnyamidiɔ lanɛ, kɔndɔla asui asato wa ntondo wakela Jehowa l’Edjibito.
2. Otshikitanu akɔna waki lam’asa asui asato wa ntondo ndo asui akina?
3. Naa sui dia nɛi, dia tanu ndo dia samalo?
4. Kɔndɔla sui di’esambele, di’enanɛi ndo dia divwa.
5. Kakɔna kakatɛ Jehowa ase Isariyɛlɛ dia sala la ntondo ka sui dia dikumi?
6. Naa sui dia dikumi ndo kakɔna kakatombe l’ɔkɔngɔ adiɔ?
Wembola ekina:
1. Adia Etumbelu 7:19–8:23.
(a) Kânga mbele akanga w’alɔhɔ wa l’Edjibito waki l’akoka wa mbokoya asui ahende wa ntondo waki Jehowa, kakɔna kakawahombe mbetawɔ l’ɔkɔngɔ wa sui dia sato? (Etum. 8:18, 19; Mat. 12:24-28)
(b) Ngande wakɛnya sui dia nɛi dikoka diele la Jehowa dia kokɛ ekambi ande, ndo ngande wayaoka ekambi waki Nzambi lo mbeya dikambo sɔ etena kɛnɛ kakongɛwɔ ‘fɔnu ka woke’ kakatama? (Etum. 8:22, 23; Eny. 7:13, 14; 2 Ek. 16:9)
2. Adia Etumbelu 8:24; 9:3, 6, 10, 11, 14, 16, 23-25; ndo 10:13-15, 21-23.
(a) Elui akɔna ehende waki lo wâle wa Asui Dikumi, ndo shɛngiya yakɔna yele la dikambo sɔ lo ɛnɛlɔ kaso k’elui ehende ɛsɔ ɛlɔ kɛnɛ? (Etum. 8:10, 18, 19; 9:14)
(b) Ngande watokimanyiya Etumbelu 9:16 dia shihodia bonde kele Jehowa âkatshike Satana polo ndo ɛlɔ kɛnɛ? (Romo 9:21, 22)
3. Adia Etumbelu 12:21-32.
Ngande wakakimanyiya Pasaka anto efula dia kondja panda, ndo naa oyango wa Pasaka? (Etum. 12:21-23; Joa. 1:29; Romo 5:18, 19, 21; 1 Kor. 5:7)
Ɔkɔndɔ 33
1. Apami angana w’ase Isariyɛlɛ, kâmɛ la wamato ndo l’ana wakatombe oma l’Edjibito ndo waa na wakatombe la wɔ?
2. Ngande wakayaoke Farawɔ l’ɔkɔngɔ wa nde tshika ase Isariyɛlɛ dia vɔ ntshɔ, ndo kakɔna kakandasale?
3. Jehowa akandasale dia memadia ase Edjibito di’aha vɔ ndɔshana la wodja ande?
4. Kakɔna kakatombe lam’akatshume Mɔsɛ danga diande lâdiko dia Ndjale ka Beela, ndo kakɔna kakasale ase Isariyɛlɛ?
5. Kakɔna kakatombe etena kakahungumɔ ase Edjibito lo ndjale l’ɔkɔngɔ w’ase Isariyɛlɛ?
6. Ngande wakɛnya ase Isariyɛlɛ dia waki l’ɔngɛnɔngɛnɔ ndo la lowando le Jehowa lo woho wakawashimbamɛ?
Wembola ekina:
1. Adia Etumbelu 12:33-36.
Ngande wakasale Jehowa dia ekambi ande futama l’ɔtɛ w’ɛnɔnyi tshɛ wakawetsha lo lɔhɔmbɔ l’Edjibito? (Etum. 3:21, 22; 12:35, 36)
2. Adia Etumbelu 14:1-31.
Shɛngiya yakɔna yele la ɛtɛkɛta waki Mɔsɛ wofundami lo Etumbelu 14:13, 14 le ekambi waki Jehowa w’ɛlɔ kɛnɛ oko wayowɛna oyelo wa ta di’Aramangɛdɔna? (2 Ek. 20:17; Osam. 91:8)
3. Adia Etumbelu 15:1-8, 20, 21.
(a) Lande na kahomba ekambi waki Jehowa membɛ esambo wa lotombo? (Etum. 15:1, 2; Osam. 105:2, 3; Eny. 15:3, 4)
(b) Lo Ndjale ka Beela, Mirayama la wamato akina wakatshikɛ Akristo wa wamato wa nshi nyɛ ɛnyɛlɔ kakɔna lo kɛnɛ kendana la tombola Jehowa? (Etum. 15:20, 21; Osam. 68:11)
Ɔkɔndɔ 34
1. L’osato ɔnɛ, kakɔna katɔngɔna anto, ndo ngande wakawakielɛka?
2. Mɔsɛ akandatɛ anto lo kɛnɛ kendana la ɔtɔngɔnɛlɔ wa mana?
3. Kakɔna kakatɛ Jehowa anto dia vɔ sala lushi la samalo, ndo lande na?
4. Dihindo diakɔna diakasale Jehowa etena kakalamemaka mana oma lo lushi la samalo polo lushi l’esambele?
5. Lo edja ka ɛnɔnyi engana kakalesha Jehowa wodja mana?
Wembola ekina:
1. Adia Etumbelu 16:1-36 ndo Walelu 11:7-9.
(a) Kakɔna kɛnya Etumbelu 16:8 lo kɛnɛ kendana l’ohomba wa nɛmiya anto wambɔsɔnama lo ndjela teokrasi l’atei w’etshumanelo k’Akristo? (Heb. 13:17)
(b) L’oswe wa shɛnga, ngande wakohɔka ase Isariyɛlɛ lushi la lushi dia le Jehowa mbahombawɔ mendɛka? (Etum. 16:14-16, 35; Euh. 8:2, 3)
(c) Kitshimudi yakɔna ya didjidji yakasha Yeso mana, ndo ngande wakondjaso wahɔ oma lo ‘ma di’oma l’olongo’? (Joa. 6:31-35, 40)
2. Adia Jashua 5:10-12.
Ɛnɔnyi engana wakale ase Isariyɛlɛ mana, ngande wakâhembe dikambo sɔ, ndo kakɔna kakokaso mbeka oma l’ɔkɔndɔ ɔsɔ? (Etum. 16:35; Wal. 11:4-6; 1 Kor. 10:10, 11)
Ɔkɔndɔ 35
1. Ngɔndɔ oko hiende l’ɔkɔngɔ wa vɔ tomba oma l’Edjibito, lende akahange ase Isariyɛlɛ?
2. Kakɔna kakatɛ Jehowa anto dia sala ndo ngande wakawakadimola?
3. Lande na kakasha Jehowa Mɔsɛ pase pende di’ave?
4. Lâdiko dia Ɛlɛmbɛ Dikumi, naa ɛlɛmbɛ ekina wakasha Jehowa ase Isariyɛlɛ?
5. Ɛlɛmbɛ akɔna ehende woleki weke wakate Yeso Kristo?
Wembola ekina:
1. Adia Etumbelu 19:1-25; 20:1-21; 24:12-18; ndo 31:18.
Ngande watokimanyiya ɛtɛkɛta wa lo Etumbelu 19:8 dia sho shihodia kɛnɛ kalɔmbama dia ndjakimɔ k’Okristo? (Mat. 16:24; 1 Pet. 4:1-3)
2. Adia Euhwelu k’Elembe 6:4-6; Akambu w’Asi Lewi 19:18; ndo Mateu 22:36-40.
Ngande wɛnya Akristo ngandji kawɔ le Nzambi ndo le asekawɔ? (Mako 6:34; Etsha 4:20; Romo 15:2)
Ɔkɔndɔ 36
1. L’osato ɔnɛ, kakɔna kasala anto, ndo lande na?
2. Lande na kambomala Jehowa ndo kakɔna kakasale Mɔsɛ etena kakandɛnyi kɛnɛ kakasalaka wodja?
3. Kakɔna kakatɛ Mɔsɛ apami amɔtshi dia vɔ sala?
4. Wetshelo akɔna wahomba ɔkɔndɔ ɔnɛ tetsha?
Wembola ekina:
1. Adia Etumbelu 32:1-35.
(a) Ngande wɛnya ɔkɔndɔ ɔnɛ dionga diaki Jehowa lo kɛnɛ kendana la ɔsɔhanyelo w’ɔtɛmwɛlɔ wa kashi la wa mɛtɛ? (Etum. 32:4-6, 10; 1 Kor. 10:7, 11)
(b) Yewo yakɔna yahomba monga l’Akristo lam’asɔnawɔ tɔkɛnyɔ, ɛnyɛlɔ oko memba kana nnɔ lokombe? (Etum. 32:18, 19; Ef. 5:15, 16; 1 Joa. 2:15-17)
(c) Ngande wakasha dioho dia Lɛwi ɛnyɛlɔ k’ɔlɔlɔ lo kɛndakɛnda lo losembwe? (Etum. 32:25-28; Osam. 18:25)
Ɔkɔndɔ 37
Luudu la dipɛma dikambo dia ɔtɛmwɛlɔ
1. Ngande wakelamɛka luudu lele l’osato ɔnɛ, ndo akawasalaka lɔkɔ?
2. Lande na kakatɛ Jehowa Mɔsɛ dia sala luudu la dipɛma woho wakawakokaka liongola lo tenyi tenyi?
3. Naa ɔshɛtɛ wele l’etei ka etenyi ka tshitshɛ kele la koma ka luudu la dipɛma, ndo kakɔna kele l’etei k’ɔshɛtɛ akɔ?
4. Jehowa akandasɔnɛ dia monga ɔlɔmbɛdi a lâdiko ndo akandasalaka?
5. Shila diangɔ sato diele lo mbalasa ka woke ka lo luudu la dipɛma.
6. Diangɔ diakɔna dihende diele lo sɛkɛ dia tabɛrnakɛlɛ, ndo wakakambaka ladiɔ dia dikambo diakɔna?
Wembola ekina:
1. Adia Etumbelu 25:8-40; 26:1-37; 27:1-8; ndo 28:1.
‘Akɛruba waki lo ‘ɔshɛtɛ wa sheke’ waki didjidji dia na? (Etum. 25:20, 22; Wal. 7:89; 2 Khum. 19:15)
2. Adia Etumbelu 30:1-10, 17-21; 34:1, 2; ndo Heberu 9:1-5.
(a) Lande na kakatɛtɛ Jehowa l’ohomba w’ɛlɔmbɛdi wakakambaka lo tabɛrnakɛlɛ nama pudipudi ka lo demba ndo shɛngiya yakɔna yahomba dikambo sɔ monga ladiɔ le so ɛlɔ kɛnɛ? (Etum. 30:18-21; 40:30, 31; Heb. 10:22)
(b) Ngande wakɛnya ɔpɔstɔlɔ Paulo dia tabɛrnakɛlɛ la sheke y’Ɛlɛmbɛ yakashile nɛmɔ lo nshi yakandafundaka mukanda ande otsha le Akristo w’ase Hɛbɛru? (Heb. 9:1, 9; 10:1)
Ɔkɔndɔ 38
1. Ngande wɛnayɛ esangi k’elowa wa vinyɔ kele l’osato, ndo oma lende oyewɔ latɔ?
2. Lande na kakatome Mɔsɛ atɔpi 12 lo nkɛtɛ ya Kanana?
3. Kakɔna kakate atɔpi dikumi etena kakawakalola dia ndjosha Mɔsɛ alapɔlɔ?
4. Ngande wakɛnya atɔpi ahende wɛkamu awɔ le Jehowa ndo naa nkombo yawɔ?
5. Lande na kakomala Jehowa, ndo kakɔna kakandatɛ Mɔsɛ?
Wembola ekina:
1. Adia Walelu 13:1-33.
(a) Anto akɔna wakasɔnwama dia tokemba nkɛtɛ, ndo diaaso diakɔna dia woke diakawakondja? (Wal. 13:2, 3, 18-20)
(b) Lande na kakatshikitana kanyi yaki Jashua nde la Kalɛba la nyɛ yaki la atɔpi akina, ndo dikambo sɔ atetshadiɔ? (Wal. 13:28-30; Mat. 17:20; 2 Kor. 5:7)
2. Adia Walelu 14:1-38.
(a) Ɔhɛmwɛlɔ akɔna wendana la ngunɛngunɛ enyimpala waki Jehowa wa lanɛ la nkɛtɛ wahombaso mbidja yimba? (Wal. 14:2, 3, 27; Mat. 25:40, 45; 1 Kor. 10:10)
(b) Ngande wɛnya Walelu 14:24 dia Jehowa ndjakiyanyaka dikambo di’ekambi ande l’onto ndo l’onto? (1 Khum. 19:18; Tuk. 15:3)
Ɔkɔndɔ 39
Danga diaki Arɔna diambotomba alɛmbɔlɛmbɔ
1. Anto akɔna wakatɔmbɔkwɛ lowandji laki Mɔsɛ nde la Arɔna, ndo kakɔna kakawatɛ Mɔsɛ?
2. Kakɔna kakatɛ Mɔsɛ Kɔra nde l’anto ande 250 dia vɔ sala?
3. Kakɔna kakatɛ Mɔsɛ wodja ndo kakɔna kakatombe yema tshitshɛ l’ɔkɔngɔ wa nde shidiya la tɛkɛta?
4. Kakɔna kakakomɛ Kɔra nde l’anto ande 250?
5. Kakɔna kakasale Eliazara ɔn’aki Arɔna la poso yɛmbawɔ dja y’anto wambovɔ, ndo lande na?
6. Lande na kakatondja Jehowa alɛmbɔlɛmbɔ lo danga diaki Arɔna? (Enda osato.)
Wembola ekina:
1. Adia Walelu 16:1-49.
(a) Kakɔna kakasale Kɔra nde la anto ande, ndo lande na kele dikambo sɔ aki tshelo ya tɔmbɔkwɛ Jehowa? (Wal. 16:9, 10, 18; Lew. 10:1, 2; Tuk. 11:2)
(b) Naa kanyi ya kɔlɔ yaki la Kɔra nde la ‘ewandji w’olui’ 250? (Wal. 16:1-3; Tuk. 15:33; Is. 49:7)
2. Adia Walelu 17:1-11 ndo 26:10.
(a) Woho wakatondja danga diaki Arɔna alɛmbɔlɛmbɔ akandɛnyaka, ndo lande na kakate Jehowa dia diɔ namema l’ɔshɛtɛ wa sheke? (Wal. 17:5, 8, 10)
(b) Wetshelo akɔna w’ohomba wakokaso kondja oma lo djembetelo ya danga dia Arɔna? (Wal. 17:10; Etsha 20:28; Fil. 2:14; Heb. 13:17)
Ɔkɔndɔ 40
1. Ngande wakakokɛ Jehowa ase Isariyɛlɛ etena kakiwɔ l’oswe wa shɛnga?
2. Lo dikambo diakɔna diakangunanguna ase Isariyɛlɛ etena kakawahange la Kadɛshɛ?
3. Ngande wakasha Jehowa anto la nyama yawɔ ashi?
4. L’osato, pami kakɔna kayatshuma lohita, ndo lande na kasalande ɔsɔku?
5. Lande na kakômalɛ Jehowa Mɔsɛ la Arɔna ndo dilanya diakɔna diakawakondja?
6. Kakɔna kakatombe lo Dikona dia Hɔra ndo akakome ɔlɔmbɛdi a lâdiko wa l’Isariyɛlɛ?
Wembola ekina:
1. Adia Walelu 20:1-13, 22-29 ndo Euhwelu k’Elembe 29:5.
(a) Amboteka oma lo yoho yakakokɛ Jehowa ase Isariyɛlɛ l’oswe wa shɛnga? (Euh. 29:5; Mat. 6:31; Heb. 13:5; Jak. 1:17)
(b) Ngande wakɔshi Jehowa woho waki Mɔsɛ la Arɔna kombɔlɛmiya la ntondo k’Isariyɛlɛ? (Wal. 20:12; 1 Kor. 10:12; Eny. 4:11)
(c) Akokaso mbeka oma lo yoho yaketawɔ Mɔsɛ ohokwelo wakandalongola oma le Jehowa? (Wal. 12:3; 20:12, 27, 28; Euh. 32:4; Heb. 12:7-11)
Ɔkɔndɔ 41
1. L’osato ɔnɛ, ɛngɔ kakɔna kodingami l’osongo kengo, ndo lande na kakatɛ Jehowa Mɔsɛ diande kihanɛ lango?
2. Ngande waki anto komonga la lowando le Nzambi l’ɔtɛ wa kɛnɛ tshɛ kakandasalɛ?
3. Anto akawalɔmbɛ Mɔsɛ dia nde sala l’ɔkɔngɔ wa Jehowa toma elui wa nɛngɔ dia mbasha dilanya?
4. Lande na kakatɛ Jehowa Mɔsɛ dia nde sala olui wa nkonga?
5. Wetshelo akɔna wakokaso kondja oma l’ɔkɔndɔ ɔsɔ?
Wembola ekina:
1. Adia Walelu 21:4-9.
(a) Ɔhɛmwɛlɔ akɔna watosha engunungunu waki ase Isariyɛlɛ lo kɛnɛ kendana la tɛdikɔ t’oma le Jehowa? (Wal. 21:5, 6; Romo 2:4)
(b) Lo ntambe yakete, ngande wakakambe ase Isariyɛlɛ la olui wa nkonga, ndo yɛdikɔ yakɔna yakɔshi Nkumekanga Hɛzɛkiya? (Wal. 21:9; 2 Khum. 18:1-4)
2. Adia Joani 3:14, 15.
Ngande wele woho wakahanema olui wa nkonga l’ekundji aki mɛtɛ didjidji dia woho wakahombe ndjohanema Yeso Kristo l’otamba? (Ngal. 3:13; 1 Pet. 2:24)
Ɔkɔndɔ 42
1. Balaka ênde, ndo lande na kakandatome anto dia tɔsa Balama?
2. Lande na kakakusama ponda kaki Balama kusaa l’otadimbo?
3. Dikambo diakɔna diakoke Balama ponda atɛkɛta?
4. Kakɔna kakatɛ ondjelo ɔmɔtshi Balama?
5. Kakɔna kakatombe etena kakalange Balama mbidja ase Isariyɛlɛ mananu?
Wembola ekina:
1. Adia Walelu 21:21-35.
Lande na kakalɛmbia ase Isariyɛlɛ Nkumekanga Sihona ka la Amɔna ndo Nkumekanga Ɔnga ka la Bashana? (Wal. 21:21, 23, 33, 34)
2. Adia Walelu 22:1-40.
Naa oyango waki Balama lo nyanga dia mbidja Isariyɛlɛ mananu, ndo wetshelo akɔna wakokaso kondja oma lo dikambo sɔ? (Wal. 22:16, 17; Tuk. 6:16, 18; 2 Pet. 2:15; Jude 11)
3. Adia Walelu 23:1-30.
Kânga mbele Balama akayaɛnya oko ɔtɛmɔdi ɔmɔtshi waki Jehowa, ngande wakɛnya etsha ande dia dui sɔ komonga mɛtɛ? (Wal. 23:3, 11-14; 1 Sam. 15:22)
4. Adia Walelu 24:1-25.
Ngande wakeketsha ɔkɔndɔ ɔnɛ mbetawɔ kaso lo kɛnɛ kendana la okotshamelo wa sangwelo diaki Jehowa? (Wal. 24:10; Is. 54:17)
Ɔkɔndɔ 43
1. L’osato ɔnɛ, anto akɔna ahende wemadi la Mɔsɛ?
2. Kakɔna kakatɛ Jehowa Jashua?
3. Lande na kakadɛ Mɔsɛ lo shɔdi ya Dikona dia Nebo ndo Jehowa akandawotɛ?
4. Mɔsɛ akavu la ɛnɔnyi engana?
5. Lande na kele anto l’ɔkɛyi ndo ɔkɔkɔ akɔna waki lawɔ wa monga l’ɔngɛnɔngɛnɔ?
Wembola ekina:
1. Adia Walelu 27:12-23.
Ɔkɛndɛ akɔna wa wotsho wakalongola Jashua oma le Jehowa ndo woho akɔna wɛnama woho wakokɛ Jehowa ekambi Ande ɛlɔ kɛnɛ? (Wal. 27:15-19; Etsha 20:28; Heb. 13:7)
2. Adia Euhwelu k’Elembe 3:23-29.
Lande na kaki Jehowa kombetawɔ dia Mɔsɛ nde la Arɔna tenyanya otsha lo nkɛtɛ ya daka ndo wetshelo akɔna wakokaso kondja oma lo dikambo sɔ? (Euh. 3:25-27; Wal. 20:12, 13)
3. Adia Euhwelu k’Elembe 31:1-8, 14-23.
Lo ɛtɛkɛta ande wa komelo, ngande wakɛnya Mɔsɛ dia nde aketawɔ lohango l’oma le Jehowa? (Euh. 31:6-8, 23)
4. Adia Euhwelu k’Elembe 32:45-52.
Ngande wahomba Ɔtɛkɛta wa Nzambi munanda nsɛnɔ yaso? (Euh. 32:47; Lew. 18:5; Heb. 4:12)
5. Adia Euhwelu k’Elembe 34:1-12.
Kânga mbele ndoko lushi lakɛnyi Mɔsɛ Jehowa lo yoho ya mɛtɛ, kakɔna kɛnya Euhwelu k’Elembe 34:10 lo kɛnɛ kendana la diɔtɔnganelo diaki lam’asande la Jehowa? (Etum. 33:11, 20; Wal. 12:8)
Ɔkɔndɔ 44
1. Lende akadjasɛka Rahaba?
2. Apami ahende wele l’osato ewɔ ndo lande na kewɔ la Jeriko?
3. Nkumekanga ka la Jeriko akandadjangɛ Rahaba dia sala ndo okadimwelo akɔna wakandasha?
4. Ngande wakakimanyiya Rahaba atɔpi ahende ndo akandalɔmbɛ?
5. Atɔpi ahende asɔ akawalake Rahaba?
Wembola ekina:
1. Adia Jashua 2:1-24.
Ngande wakakotshama daka diaki Jehowa diele lo Etumbelu 23:28 etena kakalɔsha ase Isariyɛlɛ Jeriko? (Jas. 2:9-11)
2. Adia Heberu 11:31.
Ngande watɔtɔmiya ɛnyɛlɔ kaki Rahaba ohomba wa mbetawɔ? (Romo 1:17; Heb. 10:39; Jak. 2:25)
Ɔkɔndɔ 45
1. Dihindo diakɔna diakasale Jehowa di’ase Isariyɛlɛ tenyanya Ɔkɛdi wa Jɔrɔdana?
2. Tshelo yakɔna ya mbetawɔ yakahombe ase Isariyɛlɛ sala dia vɔ tenyanya Ɔkɛdi wa Jɔrɔdana?
3. Lande na kakatɛ Jehowa Jashua dia mbɔsa ave 12 wa weke oma l’atei w’ɔkɛdi?
4. Kakɔna kakatombe kam’akatombe ɛlɔmbɛdi oma lo Jɔrɔdana?
Wembola ekina:
1. Adia Jashua 3:1-17.
(a) Oko wɛnyamidiɔ l’ɔkɔndɔ ɔnɛ, ahombaso sala dia nongola ekimanyielo ndo ɛtshɔkɔ waki Jehowa? (Jas. 3:13, 15; Tuk. 3:5; Jak. 2:22, 26)
(b) Ngande waki Ɔkɛdi wa Jɔrɔdana etena kakatenyanya ase Isariyɛlɛ otsha lo Nkɛtɛ ya Daka, ndo ngande wakatombola dikambo sɔ lokombo laki Jehowa? (Jas. 3:15; 4:18; Osam. 66:5-7)
2. Adia Jashua 4:1-18.
Ave 12 wakatondjama oma lo Jɔrɔdana ko tshumanyema la Ngilingala waki la oyango akɔna? (Jas. 4:4-7)
Ɔkɔndɔ 46
1. Jehowa akandatɛ asɔlayi ndo ɛlɔmbɛdi dia sala lo yɛdikɔ ya nshi shamalo?
2. Kakɔna kakasale apami asɔ lushi l’esambele?
3. Oko wɛnayɛ l’osato ɔnɛ, kakɔna kambokomɛ dihele dia Jeriko?
4. Lande na kalɛndalɛnda ɔkɔdi wa beela lo didishi?
5. Jashua akandatɛ apami wa ta dia vɔ salɛ anto ndo osomba, ko akawahombe sala la fɛsa, paunyi ndo la diangɔ dia mbolo?
6. Kakɔna kakawatɛ atɔpi ahende dia vɔ sala?
Wembola ekina:
1. Adia Jashua 6:1-25.
(a) Ngande wafɔna woho wakatshimbe ase Isariyɛlɛ Jeriko lo lushi l’esambele la elimu w’esambishelo w’Ɛmɛnyi wa Jehowa lo nshi nyɛ y’ekomelo? (Jas. 6:15, 16; Is. 60:22; Mat. 24:14; 1 Kor. 9:16)
(b) Ngande wakakotshama prɔfɛsiya kele lo Jashua 6:26 ɛnɔnyi 500 l’ɔkɔngɔ diko, ndo kakɔna katetsha dikambo sɔ lo kɛnɛ kendana l’ɔtɛkɛta waki Jehowa? (1 Khum. 16:34; Is. 55:11)
Ɔkɔndɔ 47
1. L’osato ɔnɛ, onto akɔna akundɛ diangɔ di’oshinga wolo di’oma la Jeriko, ndo waa na wôkimanyiya?
2. Lande na kele dikambo diakasale Akana nde la nkumbo kande diaki kɔlɔ efula?
3. Jehowa akandate etena kakawombola Jashua lande na kakalɛmbiama ase Isariyɛlɛ wakatshu lo ta la Ai?
4. L’ɔkɔngɔ wa vɔ mbela Akana la nkumbo kande le Jashua, kakɔna kakâkomɛ?
5. Wetshelo akɔna w’ohomba watetsha elombwelo kaki Akana?
Wembola ekina:
1. Adia Jashua 7:1-26.
(a) Alɔmbɛlɔ waki Jashua akawɛnya lo kɛnɛ kendana la diɔtɔnganelo diaki lam’asande la Otungi ande? (Jas. 7:7-9; Osam. 119:145; 1 Joa. 5:14)
(b) Kakɔna kɛnya ɛnyɛlɔ kaki Akana, ndo ɔhɛmwɛlɔ akɔna watosha dikambo sɔ? (Jas. 7:11, 14, 15; Tuk. 15:3; 1 Tim. 5:24; Heb. 4:13)
2. Adia Jashua 8:1-29.
Ɔkɛndɛ akɔna wele laso l’onto ndo l’onto otsha le etshumanelo k’Akristo ɛlɔ kɛnɛ? (Jas. 7:13; Lew. 5:1; Tuk. 28:13)
Ɔkɔndɔ 48
1. Ngande wakatshikitana ase Ngibiyɔna la ase Kanana akina waki l’esomba wakasukana lawɔ?
2. Oko wɛnyamidiɔ l’osato ɔnɛ, kakɔna kakasale ase Ngibiyɔna ndo lande na?
3. Jashua nde l’ewandji w’ase Isariyɛlɛ akawalake ase Ngibiyɔna ndo kakɔna kakawayosholaka l’ɔkɔngɔ wa nshi shato?
4. Kakɔna kakatombe etena kakoke nkumi ya dikanga ya l’esomba ekina dia ase Ngibiyɔna wakadje sheke ya wɔladi vɔ l’ase Isariyɛlɛ?
Wembola ekina:
1. Adia Jashua 9:1-27.
(a) Lam’ele Jehowa akatɛ wodja w’Isariyɛlɛ dia ‘ndanya anto tshɛ wakadjasɛka lo nkɛtɛ shɔ,’ naa waonga ande wakɛnama lo woho wakandakoke ase Ngibiyɔna? (Jas. 9:22, 24; Mat. 9:13; Etsha 10:34, 35; 2 Pet. 3:9)
(b) Lo nɛnya sheke yakandadje l’ase Ngibiyɔna, naa ɛnyɛlɔ k’ɔlɔlɔ kakandatshikɛ Akristo wa nshi nyɛ? (Jas. 9:18, 19; Mat. 5:37; Ef. 4:25)
2. Adia Jashua 10:1-5.
Ɛlɔ kɛnɛ, ngande wokoya olui wa woke ase Ngidiyɔna ndo ngande wewɔ lo sɔmama l’ɔtɛ wa dikambo sɔ? (Jas. 10:4; Zek. 8:23; Mat. 25:35-40; Eny. 12:17)
Ɔkɔndɔ 49
1. L’osato ɔnɛ, kakɔna kata Jashua ndo lande na?
2. Ngande wakakimanyiya Jehowa Jashua ndo alembe ande?
3. Nkumi ya dikanga ngana yakalɛmbiama oma le Jashua, ndo ta sɔ diakaviya edja ka ngande?
4. Lande na kakakahanya Jashua nkɛtɛ ya Kanana?
5. Jashua akavu l’ɛnɔnyi engana ndo kakɔna kakakomɛ wodja l’ɔkɔngɔ diko?
Wembola ekina:
1. Adia Jashua 10:6-15.
Eshikikelo kakɔna kahombaso monga latɔ ɛlɔ kɛnɛ lo mbeya ɔnɛ Jehowa akemadia wonya ndo ngɔndɔ dikambo diaki Isariyɛlɛ? (Jas. 10:8, 10, 12, 13; Osam. 18:3; Tuk. 18:10)
2. Adia Jashua 12:7-24.
Onto akɔna aki mɛtɛ lo kiɔkɔ y’ɔlɛmbiamelo wa nkumi ya dikanga 31 y’ase Kanana, ndo lande na kele dikambo sɔ ohomba le so ɛlɔ kɛnɛ? (Jas. 12:7; 24:11-13; Euh. 31:8; Luka 21:9, 25-28)
3. Adia Jashua 14:1-5.
Ngande wakakahanyema wodja ɔsɔ le waoho w’ase Isariyɛlɛ ndo kakɔna kɛnya dikambo sɔ lo kɛnɛ kendana la sango lo Paradiso? (Jas. 14:2; Is. 65:21; Ezek. 47:21-23; 1 Kor. 14:33)
4. Adia Embadi 2:8-13.
Oko Jashua l’Isariyɛlɛ, onto akɔna latewola ɛlɔ kɛnɛ oma l’apɔstazi? (Emb. 2:8, 10, 11; Mat. 24:45-47; 2 Tes. 2:3-6; Tito 1:7-9; Eny. 1:1; 2:1, 2)
Ɔkɔndɔ 50
1. Waa na welɛwɔ toshushi ndo naa nkombo yaki amɔtshi l’atei awɔ?
2. Diɛsɛ diakɔna dia lânde diaki la Dɛbɔra ndo dui sɔ alembetshiyadiɔ?
3. Lam’akanemɛ Isariyɛlɛ le Nkumekanga Jabina nde la owandji ande w’alembe Sisɛra, losango lakɔna l’oma le Jehowa lakasha Dɛbɔra Shushi Baraka ndo lo ndjela kɛnɛ kakandate onto akɔna akahombe nongola lotombo?
4. Ngande wakɛnya Jaɛlɛ dia nde aki womoto laki la otema wolo?
5. Kakɔna kakatombe l’ɔkɔngɔ wa nyɔi kaki Nkumekanga Jabina?
Wembola ekina:
1. Adia Embadi 2:14-22.
Ngande wakayayangɛ ase Isariyɛlɛ vɔamɛ kɛlɛ kaki Jehowa ndo wetshelo akɔna wakokaso kondja oma lo dikambo sɔ? (Emb. 2:20; Tuk. 3:1, 2; Ezek. 18:21-23)
2. Adia Embadi 4:1-24.
Wetshelo akɔna wendana la mbetawɔ ndo la dihonga wakoka Akristo wa wamato kondja oma lo ɛnyɛlɔ kaki Dɛbɔra nde la Jaɛlɛ? (Emb. 4:4, 8, 9, 14, 21, 22; Tuk. 31:30; 1 Kor. 16:13)
3. Adia Embadi 5:1-31.
Ngande wakoka osambo w’ɔlɛmbiɛlɔ waki Baraka nde la Dɛbɔra mbɔsama oko dɔmbɛlɔ lo kɛnɛ kendana la oyelo wa ta dia Aramangɛdɔna? (Emb. 5:3, 31; 1 Ek. 16:8-10; Eny. 7:9, 10; 16:16; 19:19-21)
Ɔkɔndɔ 51
1. Ngande wakayokomaka Naɔmi lo wodja wa Mɔaba?
2. Ruta nde la Ɔrɔpa akiwɔ?
3. Kakɔna kakasale Ruta nde la Ɔrɔpa lam’akawatɛ Naɔmi dia vɔ kalola lawakawɔ?
4. Boaza akinde, ndo ngande wakandakimanyiya Ruta la Naɔmi?
5. Naa lokombo lakawɔlɛ ɔna lakote Boaza nde la Ruta, ndo bonde kahombaso mbôhɔka?
Wembola ekina:
1. Adia Ruta 1:1-17.
(a) Ɛtɛkɛta akɔna w’amɛna wa ngandji ka kɔlamelo wakate Ruta? (Ruta 1:16, 17)
(b) Ngande wakɛnɛmɔla eongelo ka yimba kaki Ruta dionga diele la “ekoko ekina” otsha le akitami w’esɔ wele la nkɛtɛ ɛlɔ kɛnɛ? (Joa. 10:16; Zek. 8:23)
2. Adia Ruta 2:1-23.
Ngande wakatshikɛ Ruta esekaseka wa wamato wa nshi nyɛ ɛnyɛlɔ k’ɔlɔlɔ? (Ruta 2:17, 18; Tuk. 23:22; 31:15)
3. Adia Ruta 3:5-13.
(a) Ngande wakɔshi Boaza woho waketawɔ Ruta dia tshukama la nde l’ɔtɛ wa tshukama la ɔlɔngɔlɔngɔ a pami?
(b) Kakɔna katetsha dionga diaki Ruta lo kɛnɛ kendana la ngandji ka kɔlamelo? (Ruta 3:10; 1 Kor. 13:4, 5)
4. Adia Ruta 4:7-17.
Ngande wakoka Akristo w’apami wa nshi nyɛ monga oko Boaza? (Ruta 4:9, 10; 1 Tim. 3:1, 12, 13; 5:8)
Ɔkɔndɔ 52
1. Ngande ndo lande na kaki ase Isariyɛlɛ lo ɔhɛnyɔhɛnyɔ w’efula?
2. Bonde kakatɛ Jehowa Ngidiyɔna ate anto ande wamboleka efula?
3. Anto angana wakatshikala l’ɔkɔngɔ wa Ngidiyɔna mbutɛ apami waki la wɔma dia kalola lawakawɔ?
4. L’ekimanyielo k’osato ɔnɛ, lembetshiya woho wakakitshakitsha Jehowa lofulo la alembe waki Ngidiyɔna lo anto 300 ato.
5. Ngande wakakongɛ Ngidiyɔna anto ande 300, ndo ngande wakadje ase Isariyɛlɛ otshumba?
Wembola ekina:
1. Adia Embadi 6:36-40.
(a) Ngande wakashihodia Ngidiyɔna lolango la Jehowa?
(b) Ngande washihodiaso kɛnɛ kele lolango la Jehowa ɛlɔ kɛnɛ? (Tuk. 2:3-6; Mat. 7:7-11; 2 Tim. 3:16, 17)
2. Adia Embadi 7:1-25.
(a) Wetshelo akɔna wakokaso kondja oma le apami 300 waki la yewo otshikitani la wanɛ waki komonga la yewo? (Emb. 7:3, 6; Romo 13:11, 12; Ef. 5:15-17)
(b) Oko wakakondja apami 300 wetshelo lo menda Ngidiyɔna, ngande wakondjaso wetshelo lo menda Yeso Kristo, Ngidiyɔna ka Woke? (Emb. 7:17; Mat. 11:29, 30; 28:19, 20; 1 Pet. 2:21)
(c) Ngande watokimanyiya Embadi 7:21 dia ngɛnangɛna kamba dihole tshɛ diatokitshawɔ lo ɔlɔngɔswamelo wa Jehowa? (1 Kor. 4:2; 12:14-18; Jak. 4:10)
3. Adia Embadi 8:1-3.
Etena kakandolaso okakatanu ɔmɔtshi wele lam’asaso la ɔnangɛso kana la kadiyɛso kɛmɔtshi, wetshelo akɔna wakokaso kondja oma lo woho wakakandola Ngidiyɔna owanu waki lam’asawɔ la ase Efarayima? (Tuk. 15:1; Mat. 5:23, 24; Luka 9:48)
Ɔkɔndɔ 53
1. Jɛfɛta akinde, ndo lo nshi yakɔna yakandasɛnaka?
2. Daka diakɔna diakalake Jɛfɛta Jehowa?
3. Lande na kakanyange Jɛfɛta etena kakandakalola lakande oma la todja ase Amɔna otshumba?
4. Kakɔna kakate ɔna womoto laki Jɛfɛta etena kakandeye daka diakalake she?
5. Lande na kakalangaka anto ɔna womoto laki Jɛfɛta?
Wembola ekina:
1. Adia Embadi 10:6-18.
Naa ɔhɛmwɛlɔ wendana la ɔkɔndɔ wa ɔtɔmbɔkwɛlɔ w’ase Isariyɛlɛ otsha le Jehowa wahombaso kitanyiya? (Emb. 10:6, 15, 16; Romo 15:4; Eny. 2:10)
2. Adia Embadi 11:1-11, 29-40.
(a) Ngande weyaso dia woho wakakimɔ Jɛfɛta ɔnande la womoto oko “ulambu wa lutshumba” konembetshiyaka dia nde akôtshumbe lotshumba oko olambo wa onto? (Emb. 11:31; Lew. 16:24; Euh. 18:10, 12)
(b) Lo woho akɔna wakalambola Jɛfɛta ɔnande oko olambo?
(c) Wetshelo akɔna wakokaso kondja oma lo dionga diaki la Jɛfɛta lo dɔkɔlɔkɔ diande otsha le Jehowa? (Emb. 11:35, 39; Und. 5:4, 5; Mat. 16:24)
(d) Ngande wele ɔna womoto laki Jɛfɛta ɛnyɛlɔ k’ɔlɔlɔ le ɛlɔngɔlɔngɔ l’esekaseka w’Akristo wakamba olimu wa lo tena tshɛ? (Emb. 11:36; Mat. 6:33; Fil. 3:8)
Ɔkɔndɔ 54
1. Naa lokombo la pami kakaleke anto tshɛ wolo, ndo akawosha wolo akɔ?
2. Lo diaaso dimɔtshi, kakɔna kakasalɛ Samisɔna kimbwe, oko wakokayɛ mɛna lo osato ɔnɛ?
3. Sheke yakɔna yosholɛ Samisɔna Delila l’osato ɔnɛ, ndo ngande wakakonya dikambo sɔ dia nde mindama oma le ase Filistiya?
4. Ngande wakadiake Samisɔna atunyi 3 000 w’ase Filistiya lushi lakandavu?
Wembola ekina:
1. Adia Embadi 13:1-14.
Ngande wakatshikɛ Manoa nde la wadɛnde ambutshi ɛnyɛlɔ k’ɔlɔlɔ kendana la wodielo wa ana? (Emb. 13:8; Osam. 127:3; Ef. 6:4)
2. Adia Embadi 14:5-9 ndo 15:9-16.
(a) Ɔkɔndɔ wa woho wakadiake Samisɔna kimbwe, wa woho wakandahembola ɛkɔdi w’eyoyo wakawokeleka ndo wa woho wakandakambe la weka wa lowanga wa ponda k’omi dia ndjaka apami 1 000 mɛnyaka dui diakɔna lo kɛnɛ kendana la olimu wa nyuma k’ekila ka Jehowa?
(b) Ngande watokimanyiya nyuma k’ekila ɛlɔ kɛnɛ? (Emb. 14:6; 15:14; Zek. 4:6; Etsha 4:31)
3. Adia Embadi 16:18-31.
Shɛngiya yakɔna yakonge la angɛnyi wa kɔlɔ le Samisɔna, ndo wetshelo akɔna wakokaso kondja oma lo dikambo sɔ? (Emb. 16:18, 19; 1 Kor. 15:33)
Ɔkɔndɔ 55
Kiɛndakɛnda ya pami ambokambɛ Nzambi
1. Naa lokombo la kiɛndakɛnda ya pami yele lo osato ɔnɛ, ndo anto akina ango ewɔ?
2. Dɔmbɛlɔ diakɔna diakasale Hana lushi lɔmɔtshi lam’akandatshu lo tabɛrnakɛlɛ ka Jehowa, ndo ngande wakôkadimola Jehowa?
3. Samuɛlɛ aki l’ɛnɔnyi engana etena kakandatshu dia tokamba lo luudu la Jehowa, ndo kakɔna kakôsalɛka nyango ɔnɔnyi tshɛ?
4. Naa nkombo ya ana w’apami waki Eli, ndo anto wa woho akɔna wakiwɔ?
5. Ngande wakelɛ Jehowa Samuɛlɛ, ndo losango lakɔna lakandawotɛ?
6. Samuɛlɛ akandakome lâkandonge opalanga, ndo kakɔna kakatombe etena kakandakome osombe?
Wembola ekina:
1. Adia 1 Samuele 1:1-28.
(a) Ɛnyɛlɔ kakɔna k’ɔlɔlɔ kakatshikɛ Ɛlɛkana ɛtɛ wa nkumbo lo mbisha ɛnyɛlɔ lo kɛnɛ kendana l’ɔtɛmwɛlɔ wa mɛtɛ? (1 Sam. 1:3, 21; Mat. 6:33; Fil. 1:10)
(b) Wetshelo akɔna wakokaso kondja oma lo ɛnyɛlɔ ka Hana lo kɛnɛ kendana la ndɔshana la dikambo dia wolo? (1 Sam. 1:10, 11; Osam. 55:22; Romo 12:12)
2. Adia 1 Samuele 2:11-36.
Ngande wakalɛmiya Eli ana ande oleki Jehowa, ndo ngande wakoka dikambo sɔ monga oko ɔhɛmwɛlɔ le so? (1 Sam. 2:22-24, 27, 29; Euh. 21:18-21; Mat. 10:36, 37)
3. Adia 1 Samuele 4:16-18.
Losango lakɔna la kɔlɔ lakaye oma le alembe waki lo ta, ndo etombelo akɔna waki la losango lakɔ le Eli?
4. Adia 1 Samuele 8:4-9.
Ngande wakanyangiya ase Isariyɛlɛ Jehowa efula, ndo ngande wakokaso sukɛ Diolelo diande la kɔlamelo ɛlɔ kɛnɛ? (1 Sam. 8:5, 7; Joa. 17:16; Jak. 4:4)
Ɔkɔndɔ 56
Saulo—Nkumekanga ka ntondo k’Isariyɛlɛ
1. Samuɛlɛ asalande lo osato ɔnɛ, ndo lande na?
2. Lande na kakangɛnangɛnaka Jehowa Saulo, ndo Saulo aki onto la woho akɔna?
3. Naa lokombo l’ɔnaki Saulo la pami, ndo ɔnakɔ akandasalaka?
4. Lande na kakalambola Saulo olambo l’ɔtɛ wa nde konga dia Samuɛlɛ ndjolambola?
5. Wetshelo akɔna wakokaso kondja oma l’ɔkɔndɔ wendana la Saulo?
Wembola ekina:
1. Adia 1 Samuele 9:15-21 ndo 10:17-27.
Ngande wele dionga dia Saulo dia okitshakitsha diakôkimanyiya dia mbewɔ dia momala esadi etena kakatɛkɛta apami amɔtshi aha la dilɛmiɛlɔ otsha le nde? (1 Sam. 9:21; 10:21, 22, 27; Tuk. 17:27)
2. Adia 1 Samuele 13:5-14.
Pɛkato kakɔna kakasale Saulo la Ngilingala? (1 Sam. 10:8; 13:8, 9, 13)
3. Adia 1 Samuele 15:1-35.
(a) Pɛkato kakɔna ka woke kakasale Saulo lo dikambo dia Anganga, nkumekanga k’ase Amalɛka? (1 Sam. 15:2, 3, 8, 9, 22)
(b) Ngande wakahembe Saulo nyanga tɛkɛ nɛndɛ l’ɔtɛ w’etsha ande ndo tona lohango? (1 Sam. 15:24)
(c) Ɔhɛmwɛlɔ akɔna wahombaso kitanyiya ɛlɔ kɛnɛ etena katoshawɔ dako? (1 Sam. 15:19-21; Osam. 141:5; Tuk. 9:8, 9; 11:2)
Ɔkɔndɔ 57
1. Naa lokombo la yana ya hiami yele lo osato ɔnɛ, ndo ngande weyaso dia nde ekɔ kanga dihonga?
2. Lende akadjasɛka Davidi, ndo naa lokombo la she ndo la tshɛnde ka pami?
3. Lande na kakatɛ Jehowa Samuɛlɛ dia nde ntshɔ lo luudu la Jɛse la Bɛtɛlɛhɛma?
4. Kakɔna kakatombe etena kakela Jɛse anande wa apami esambele le Samuɛlɛ?
5. Lam’akawawela Davidi, kakɔna kakatɛ Jehowa Samuɛlɛ?
Wembola ekina:
1. Adia 1 Samuele 17:34, 35.
Ngande watɔtɔmiya akambo asɔ dihonga ndo ndjaɛkɛ ka Davidi le Jehowa? (1 Sam. 17:37)
2. Adia 1 Samuele 16:1-14.
(a) Ngande watokimanyiya ɛtɛkɛta wa Jehowa wa lo 1 Samuele 16:7 di’aha monga la shɔnɔdi ndo tona kanɛ onto kɔlɔ lo menda ɛnamelo kande? (Etsha 10:34, 35; 1 Tim. 2:4)
(b) Ngande wɛnya ɛnyɛlɔ ka Saulo dia etena kanya Jehowa nyuma kande oma le onto ɔmɔtshi, onto akɔ kokaka ndodjama la nyuma ka kɔlɔ, kana nsaki kɛmɔtshi ka l’etei otema kôtshutshuya dia sala kɔlɔ? (1 Sam. 16:14; Mat. 12:43-45; Ngal. 5:16)
Ɔkɔndɔ 58
1. Tɔfwɛfwɛ takɔna takadjɛka Ngɔliyatɛ alembe w’ase Isariyɛlɛ?
2. Ngɔliyatɛ aki la otale wa ngande, ndo difuto diakɔna diakalake Nkumekanga Saulo onto layodiaka Ngɔliyatɛ?
3. Kakɔna kakate Davidi etena kakawotɛ Saulo ate nde hakoke ndɔ la Ngɔliyatɛ nɛ dia Davidi eke dikɛnda?
4. Ngande wakɛnya Davidi wɛkamu waki lande le Jehowa, etena kakandakadimolaka Ngɔliyatɛ?
5. Oko wɛnayɛ lanɛ lo osato, ɛngɔ kakɔna kakakambe la Davidi dia ndjaka Ngɔliyatɛ, ndo kakɔna kakakomɛ ase Filistiya l’ɔkɔngɔ wa dikambo sɔ?
Wembola ekina:
1. Adia 1 Samuele 17:1-54.
(a) Kakɔna kaki sheke ya dihonga diaki la Davidi, ndo ngande wakokaso mbokoya dihonga diande? (1 Sam. 17:37, 45; Ef. 6:10, 11)
(b) Lande na kahomba Akristo mbewɔ yimba ya shɛmanedi yele oko ya Ngɔliyatɛ etena kakɛnyawɔ kɛnyɔ mɔtshi kana kasutshasutshawɔ demba? (1 Sam. 17:8; Ngal. 5:26; 1 Tim. 4:8)
(c) Ngande wɛnya ɛtɛkɛta waki Davidi dia nde aki la mbetawɔ lo ekimanyielo kaki Nzambi? (1 Sam. 17:45-47; 2 Ek. 20:15)
(d) Lo dihole dia kɔndɔla tsho ɔnɛ ɔsɔ aki ta dia lam’asa elui ehende wa alembe, ngande wɛnya ɔkɔndɔ ɔnɛ dia ta diaki mɛtɛ lam’asa tozambizambi ta kashi la Jehowa, Nzambi ka mɛtɛ? (1 Sam. 17:43, 46, 47)
((e) Ngande wokoya atshikadi wa akitami wa esɔ ɛnyɛlɔ kaki Davidi ka ndjaɛkɛ le Jehowa? (1 Sam. 17:37; Jer. 1:17-19; Eny. 12:17)
Ɔkɔndɔ 59
Lande na akahombe Davidi ndawɔ
1. Lande na kaki Saulo la kandjema otsha le Davidi, ndo bonde kele Jɔnata, ɔn’aki Saulo la pami komonga la kandjema oko she?
2. Kakɔna kakatombe lushi lɔmɔtshi lam’akahomɛka Davidi Saulo lɔngɔmbi?
3. Kakɔna kakatɛ Saulo Davidi dia nde sala la ntondo ka nde mbɔsa ɔnande la womoto Mikalɛ oko wâdi, ndo lande na kakate Saulo dikambo sɔ?
4. Kakɔna kakatombe etena ka sato kakahomɛka Davidi Saulo lɔngɔmbi oko wadiɛnya osato ɔnɛ?
5. Ngande wakakokɛ Mikalɛ Davidi, ndo kakɔna kakayohombaka Davidi sala ɛnɔnyi esambele?
Wembola ekina:
1. Adia 1 Samuele 18:1-30.
(a) Woho akɔna wele ngandji ka wolo kaki la Jɔnata otsha le Davidi aki didjidji dia ngandji kele lam’asa “ekoko ekina” la “limba la tshitshe l’ekoko”? (1 Sam. 18:1; Joa. 10:16; Luka 12:32; Zek. 8:23)
(b) Lo ndjela kanyi y’ɔnɛ Jɔnata mbakahombe mɛtɛ monga okitɔ waki Saulo, ngande wɛnya 1 Samuele 18:4 dia Jɔnata aki l’okitanyiya w’efula otsha le ɔnɛ lakasɔnwama dia monga nkumekanga?
(c) Ngande wɛnya ɛnyɛlɔ ka Saulo dia kandjema kokaka konya onto lo pɛkato ka woke, ndo ɔhɛmwɛlɔ akɔna watosha dikambo sɔ? (1 Sam. 18:7-9, 25; Jak. 3:14-16)
2. Adia 1 Samuele 19:1-17.
Etena kakandatɛkɛta la Saulo, ngande wakadje Jɔnata lɔsɛnɔ lande hita lo wale? (1 Sam. 19:1, 4-6; Tuk. 16:14)
Ɔkɔndɔ 60
1. Naa lokombo la womoto layaye ndjohomana la Davidi lo osato ɔnɛ, ndo onto la woho akɔna lakinde?
2. Nabala akinde?
3. Lande na kakatome Davidi anto ande amɔtshi dia tɔlɔmba Nabala ekimanyielo?
4. Kakɔna kakatɛ Nabala anto waki Davidi, ndo Davidi akandasale?
5. Ngande wakɛnya Abingayɛlɛ dia nde aki womoto la lomba?
Wembola ekina:
1. Adia 1 Samuele 22:1-4.
Ɛnyɛlɔ kakɔna k’ɔlɔlɔ kakatotshikɛ nkumbo kaki Davidi lo kɛnɛ kendana la woho wahombaso kimanyiyanaka lo nkumbo kaso k’Akristo k’anto l’ɔnango? (Tuk. 17:17; 1 Tes. 5:14)
2. Adia 1 Samuele 25:1-43.
(a) Lande na katawɔ dia Nabala aki pami ka kɔlɔ efula? (1 Sam. 25:2-5, 10, 14, 21, 25)
(b) Wetshelo akɔna wakoka kondja wamato w’Akristo wele la lomba ɛlɔ kɛnɛ oma l’ɛnyɛlɔ kaki Abingayɛlɛ? (1 Sam. 25:32, 33; Tuk. 31:26; Ef. 5:24)
(c) Abingayɛlɛ akashimbe Davidi di’aha sala akambo akɔna ahende wa kɔlɔ? (1 Sam. 25:31, 33; Romo 12:19; Ef. 4:26)
(d) Ngande wele kɛnɛ kakasale Davidi l’ɔkɔngɔ wa nde mboka kɛnɛ kakawotɛ Abingayɛlɛ kimanyiyaka apami ɛlɔ kɛnɛ dia vɔ monga la kanyi ya Jehowa lo dikambo dia wamato? (Etsha 21:8, 9; Romo 2:11; 1 Pet. 3:7)
Ɔkɔndɔ 61
1. Kakɔna kakasale Davidi nde la Abishayi etena kakalale Saulo lo pango kande?
2. Wembola akɔna wakoke Davidi Saulo?
3. L’ɔkɔngɔ wa nde kakitwana la Saulo, lende akatshu Davidi?
4. Kakɔna kakanyangiya Davidi efula kakokonya lo funda lembo lɔmɔtshi la dimɛna efula?
5. Davidi aki l’ɛnɔnyi engana lam’akandayala nkumekanga la Hɛbɛrɔna, ndo naa nkombo ya ana ande amɔtshi wa apami?
6. Lende akayolɛka Davidi nto oko nkumekanga l’ɔkɔngɔ diko?
Wembola ekina:
1. Adia 1 Samuele 26:1-25.
(a) Ɛtɛkɛta waki Davidi wele lo 1 Samuele 26:11 kɛnɛmɔlaka dionga diakɔna lo kɛnɛ kendana la ekongelo ka teokrasi? (Osam. 37:7; Romo 13:2)
(b) Etena kadjaso welo efula dia mɛnya ngandji ka mamba koko onto akɔ lɛnyaso ngandji ka mamba ekɔ la lɔhɛndɛ, ngande wakoka ɛtɛkɛta waki Davidi wɔkɔndwami lo 1 Samuele 26:23 tokimanyiya dia tetemala monga la kanyi y’ɔlɔlɔ? (1 Khum. 8:32; Osam. 18:20)
2. Adia 2 Samuele 1:26.
Ɛlɔ kɛnɛ, ngande wakoka Akristo monga la ‘ngandji ka mamba lam’asawɔ’ oko kɛnɛ kaki la Davidi nde la Jɔnata? (1 Pet. 4:8; Kol. 3:14; 1 Joa. 4:12)
3. Adia 2 Samuele 5:1-10.
(a) Ɛnɔnyi engana wakolɛ Davidi oko nkumekanga, ndo ngande wakakahanyema ɛnɔnyi ɛsɔ? (2 Sam. 5:4, 5)
(b) Lɔnɛnɛ laki la Davidi lakaye oma le na, ndo kakɔna katoholatɔ ɛlɔ kɛnɛ? (2 Sam. 5:10; 1 Sam. 16:13; 1 Kor. 1:31; Fil. 4:13)
Ɔkɔndɔ 62
1. La ekimanyielo ka Jehowa, kakɔna kakayokomɛka wodja wa Kanana?
2. Kakɔna kakatombe la dikɔlɔ dimɔtshi lam’aki Davidi la diko dia luudu lande?
3. Lande na kakoke Jehowa Davidi kɛlɛ efula?
4. Lo osato ɔnɛ, Jehowa ambondotoma dia totɛ Davidi pɛkato kande, ndo kakɔna kakatɛ onto ɔnɛ Davidi ɔnɛ tɔ kayowokomɛ?
5. Mpokoso kakɔna kakakomɛ Davidi?
6. L’ɔkɔngɔ wa Davidi, akakome nkumekanga ka Isariyɛlɛ?
Wembola ekina:
1. Adia 2 Samuele 11:1-27.
(a) Bonde kele ndjasha tshɛ l’olimu wa Jehowa ekɔ ekokelo le so?
(b) Ngande wakakotwama Davidi lo pɛkato, ndo ɔhɛmwɛlɔ akɔna wele la dikambo sɔ le ekambi wa Jehowa ɛlɔ kɛnɛ? (2 Sam. 11:2; Mat. 5:27-29; 1 Kor. 10:12; Jak. 1:14, 15)
2. Adia 2 Samuele 12:1-18.
(a) Wetshelo akɔna wakoka dikumanyi ndo ambutshi kondja oma lo yoho yakakambe la Natana dia ndaka Davidi? (2 Sam. 12:1-4; Tuk. 12:18; Mat. 13:34)
(b) Lande na kakoke Jehowa Davidi kɛtshi? (2 Sam. 12:13; Osam. 32:5; 2 Kor. 7:9, 10)
Ɔkɔndɔ 63
1. Jehowa akandatɛ Sɔlɔmɔna, ndo ngande wakandakadimola?
2. Lam’ele nde akangɛnangɛna kɛnɛ kakayange Sɔlɔmɔna, Jehowa akandolake dia mbosha?
3. Dikambo diakɔna dia wolo efula diakaye la wamato ahende le Sɔlɔmɔna?
4. Oko wadiɛnayɛ lo osato, ngande wakakandola Sɔlɔmɔna dikambo sɔ?
5. Diolelo diaki Sɔlɔmɔna diaki ngande, ndo lande na?
Wembola ekina:
1. Adia 1 Khumi ya Dikanga 3:3-28.
(a) Wetshelo akɔna wakoka apami wakalongola ɛkɛndɛ lo ɔlɔngɔswamelo wa Jehowa kondja ɛlɔ kɛnɛ oma l’ɛtɛkɛta w’oma k’ɛse otema waki Sɔlɔmɔna wele lo 1 Khumi ya Dikanga 3:7? (Osam. 119:105; Tuk. 3:5, 6)
(b) Ngande wele dɔmbɛlɔ dia Sɔlɔmɔna ɛnyɛlɔ k’ɔlɔlɔ ka akambo w’ohomba wahombaso nɔmbaka? (1 Khum. 3:9, 11; Tuk. 30:8, 9; 1 Joa. 5:14)
(c) Woho wakakandola Sɔlɔmɔna owanu waki lam’asa wamato ahende toshaka eshikikelo kakɔna lo kɛnɛ kendana la ɛlɔmbwɛlɔ kayaye kaki Yeso Kristo, Sɔlɔmɔna ka Woke? (1 Khum. 3:28; Is. 9:6, 7; 11:2-4)
2. Adia 1 Khumi ya Dikanga 4:29-34.
(a) Ngande wakakadimola Jehowa lo dɔmbɛlɔ dia Sɔlɔmɔna laki l’otema w’okitanyiya? (1 Khum. 4:29)
(b) Lo menda welo wakadjaka anto dia nongamɛ lomba la Sɔlɔmɔna, dionga diakɔna diahombaso monga la diɔ lo kɛnɛ kendana la wekelo w’Ɔtɛkɛta waki Nzambi? (1 Khum. 4:29, 34; Joa. 17:3; 2 Tim. 3:16)
Ɔkɔndɔ 64
1. Ɛnɔnyi engana wakakambe Sɔlɔmɔna dia shidiya mbika tɛmpɛlɔ ka Jehowa, ndo lande na kele wokelo atɔ akɔshi akuta efula?
2. Mvudu ngana ya weke yaki lo tɛmpɛlɔ, ndo kakɔna kakawadje lo luudu la l’etei?
3. Kakɔna kakate Sɔlɔmɔna lo dɔmbɛlɔ diande etena kakashile tɛmpɛlɔ mbikama?
4. Ngande wakɛnya Jehowa dia nde akangɛnangɛna dɔmbɛlɔ diaki Sɔlɔmɔna?
5. Wâdi wa Sɔlɔmɔna wakokonya dia sala na, ndo kakɔna kakakomɛ Sɔlɔmɔna?
6. Bonde kakoke Jehowa Sɔlɔmɔna kɛlɛ, ndo kakɔna kakawotɛ Jehowa?
Wembola ekina:
1. Adia 1 Ekondo 28:9, 10.
Lo ndjela ɛtɛkɛta waki Davidi wele lo 1 Ekondo 28:9, 10, kakɔna kahombaso ndjaketembolaka dia sala lo lɔsɛnɔ laso la lushi la lushi? (Osam. 19:14; Fil. 4:8, 9)
2. Adia 2 Ekondo 6:12-21, 32-42.
(a) Ngande wakɛnya Sɔlɔmɔna dia ndoko ɛngɔ ɔtɔi kakahike anto kele Nzambi Nkum’Olongo mbeyaka koka lɔkɔ? (2 Ek. 6:18; Etsha 17:24, 25)
(b) Kakɔna kɛnya ɛtɛkɛta waki Sɔlɔmɔna watanema lo 2 Ekondo 6:32, 33 lo dikambo dia Jehowa? (Etsha 10:34, 35; Ngal. 2:6)
3. Adia 2 Ekondo 7:1-5.
Oko wakatshutshuyama ana w’ase Isariyɛlɛ dia tombola Jehowa etena kakawɛnyi lotombo lande, shɛngiya yakɔna yahomba dikambo sɔ monga la yɔ le so ɛlɔ kɛnɛ lam’ɛnaso woho watshɔkɔla Jehowa ekambi ande? (2 Ek. 7:3; Osam. 22:22; 34:1; 96:2)
4. Adia 1 Khumi ya Dikanga 11:9-13.
Ngande wɛnya lɔsɛnɔ la Sɔlɔmɔna ohomba wa tetemala monga la kɔlamelo polo ndo l’ekomelo? (1 Khum. 11:4, 9; Mat. 10:22; Eny. 2:10)
Ɔkɔndɔ 65
1. Naa nkombo ya anto ahende wele lo osato ɔnɛ, ndo anto akɔ êwɔ?
2. Kakɔna kakasale Ahidja la okutu wɔlɔtshinde ongo, ndo dikambo sɔ alembetshiyadiɔ?
3. Kakɔna kakahembe Sɔlɔmɔna salɛ Jɛrɔbɔama?
4. Bonde kele anto wakadje Jɛrɔbɔama owandji wa waoho dikumi?
5. Lande na kakasale Jɛrɔbɔama tana ta ngɔmbɛ tohende, ndo kakɔna kakakomɛ wodja yema tshitshɛ l’ɔkɔngɔ wa lâsɔ?
6. Kakɔna kakakomɛ diolelo dia waoho ahende ndo tɛmpɛlɔ ka Jehowa ka la Jerusalɛma?
Wembola ekina:
1. Adia 1 Khumi ya Dikanga 11:26-43.
Jɛrɔbɔama aki onto la woho akɔna, ndo kakɔna kakolake Jehowa naka nde ndjela ɛlɛmbɛ wa Nzambi? (1 Khum. 11:28, 38)
2. Adia 1 Khumi ya Dikanga 12:1-33.
(a) Wetshelo akɔna wakoka ambutshi ndo dikumanyi kondja oma lo ɛnyɛlɔ ka kɔlɔ kaki Rɛhɔbɔama lo dikambo dia kamba kɔlɔ la lowandji? (1 Khum. 12:13; Und. 7:7; 1 Pet. 5:2, 3)
(b) Le na ahomba ɛlɔngɔlɔngɔ la esekaseka nyanga ɛlɔmbwɛlɔ k’ɔlɔlɔ etena kɔsawɔ tɛdikɔ t’ohomba efula lo lɔsɛnɔ? (1 Khum. 12:6, 7; Tuk. 1:8, 9; 2 Tim. 3:16, 17; Heb. 13:7)
(c) Kakɔna kakatshutshuya Jɛrɔbɔama dia nde sala ahole ahende wa vɔ tɛmɔlaka tana ta ngɔmbɛ, ndo ngande wakɛnya dikambo sɔ dia nde komonga la mbetawɔ le Jehowa? (1 Khum. 11:37; 12:26-28)
(d) Onto akɔna akatshutshuya anto wa lo diolelo dia waoho dikumi dia vɔ tɔmbɔkwɛ ɔtɛmwɛlɔ wa mɛtɛ? (1 Khum. 12:32, 33)
Ɔkɔndɔ 66
Jezabɛlɛ—Nkumekanga ka omoto ka kɔlɔ
1. Jezabɛlɛ akinde?
2. Lande na kaki Nkumekanga Ahaba la lonyangu lushi lɔmɔtshi?
3. Kakɔna kakasale Jezabɛlɛ dia mbɔsɛ omɛnde Ahaba ekambɔ ka vinyɔ kaki Nabɔtɛ?
4. Onto akɔna lakatome Jehowa dia tosha Jezabɛlɛ dilanya?
5. Oko wakokayɛ diɛna lo osato ɔnɛ, kakɔna kakatombe etena kakakome Jehu lo luudu la Jezabɛlɛ la la diko?
Wembola ekina:
1. Adia 1 Khumi ya Dikanga 16:29-33 ndo 18:3, 4.
Ngande waki awui kɔlɔ lo Isariyɛlɛ lo nshi ya Nkumekanga Ahaba? (1 Khum. 14:9)
2. Adia 1 Khumi ya Dikanga 21:1-16.
(a) Ngande wakɛnya Nabɔtɛ dihonga ndo kɔlamelo le Jehowa? (1 Khum. 21:1-3; Lew. 25:23-28)
(b) Oma l’ɛnyɛlɔ kaki Ahaba, kakɔna kakokaso mbeka lo kɛnɛ kendana la ndɔshana la okiyanu? (1 Khum. 21:4; Romo 5:3-5)
3. Adia 2 Khumi ya Dikanga 9:30-37.
Wetshelo akɔna wakokaso kondja oma lo dihonga diaki la Jehu dia sala lolango la Jehowa? (2 Khum. 9:4-10; 2 Kor. 9:1, 2; 2 Tim. 4:2)
Ɔkɔndɔ 67
Jehoshafata ambɛkama le Jehowa
1. Jehoshafata akinde, ndo lo nshi yaki na yakandasɛnaka?
2. Lande na kaki ase Isariyɛlɛ la wɔma, ndo kakɔna kakasale efula l’atei awɔ?
3. Okadimwelo akɔna wakasha Jehowa lo dɔmbɛlɔ dia Jehoshafata?
4. Kakɔna kakasale Jehowa la ntondo ka ta tatɛ?
5. Wetshelo akɔna wakokaso kondja oma le Jehoshafata?
Wembola ekina:
1. Adia 2 Ekondo 20:1-30.
(a) Ngande wakɛnya Jehoshafata kɛnɛ kahomba ekambi wa Nzambi wa kɔlamelo sala etena kewɔ la ntondo k’akambo wawaotsha wɔma? (2 Ek. 20:12; Esam. 25:15; 62:1)
(b) Lam’ele Jehowa okokambaka la ehomɔ kɛmɔtshi dia mbewoya anto ande akambo, ehomɔ kakɔna kakamba lande ɛlɔ kɛnɛ? (2 Ek. 20:14, 15; Mat. 24:45-47; Joa. 15:15)
(c) Etena kayɔlɔsha Nzambi ‘ta dia lushi la woke la Nzambi Kanga-Wolo-Tshɛ,’ ngande wayɔfɔna eongelo kaso la kaki Jehoshafata? (2 Ek. 20:15, 17; 32:8; Eny. 16:14, 16)
(d) Lo mbokoya ase Lɛwi, lonya la ngande lasha ambatshi mboka la waa misiɔnɛrɛ l’olimu w’esambishelo wakambema l’andja w’otondo ɛlɔ kɛnɛ? (2 Ek. 20:19; Romo 10:13-15; 2 Tim. 4:2)
Ɔkɔndɔ 68
1. Anto asato wele lo osato ɔnɛ êwɔ, ndo kakɔna kambokomɛ dikɛnda dia pami ndo?
2. Kakɔna kakalɔmbɛ Elidja lo dikambo dia dikɛnda dia pami ndo, ndo kakɔna kakatombe l’ɔkɔngɔ?
3. Naa lokombo la okimanyedi w’Elidja?
4. Lande na kakawelɛ Elisha lo luudu la womoto ɔmɔtshi la Shunɛma?
5. Elisha akandasale, ndo kakɔna kakakomɛ ɔna lakavu?
6. Wolo akɔna wele la Jehowa, oko wakawɛnyama oma lo tshimbo y’Elidja ndo y’Elisha?
Wembola ekina:
1. Adia 1 Khumi ya Dikanga 17:8-24.
(a) Ngande wakahembama okitanyiya ndo mbetawɔ kaki Elidja? (1 Khum. 17:9; 19:1-4, 10)
(b) Lande na kele mbetawɔ ka wadi aki odo la l’osomba wa Zarefata kaki diambo? (1 Khum. 17:12-16; Luka 4:25, 26)
(c) Ngande wele kɛnɛ kakakomɛ wadi aki odo la l’osomba wa Zarefata mɛnyaka mɛtɛ k’ɛtɛkɛta waki Yeso wele lo Mateu 10:41, 42? (1 Khum. 17:10-12, 17, 23, 24)
2. Adia 2 Khumi ya Dikanga 4:8-37.
(a) Kakɔna katetsha womoto ose Shunɛma lo dikambo dia olongwanelo? (2 Khum. 4:8; Luka 6:38; Romo 12:13; 1 Joa. 3:17)
(b) Lo weho akɔna wakokaso mɛnya lɔsɛngɔ otsha le ekambi waki Nzambi ɛlɔ kɛnɛ? (Etsha 20:35; 28:1, 2; Ngal. 6:9, 10; Heb. 6:10)
kɔndɔ 69
ƆƆna omoto ambokimanyiya onto la woke
1. Lo osato ɔnɛ, kakɔna katɛ yana ya yimato nyɛ womoto ongo?
2. Womoto lele lo osato ɔnɛ ênde, ndo kakɔna kasala yana ya yimato nyɛ lo luudu lande?
3. Elisha akandatɛ okambi ande dia mbutɛ Namana, ndo lande na kakôke Namana kɛlɛ?
4. Kakɔna kakatombe etena kakakitanyiya Namana dui di’ekambi ande?
5. Lande na kakatone Elisha woshasha wa Namana, ko kakɔna kakasale Ngehazi?
6. Kakɔna kakakomɛ Ngehazi, ndo wetshelo akɔna wakokaso kondja oma lo dikambo sɔ?
Wembola ekina:
1. Adia 2 Khumi ya Dikanga 5:1-27.
(a) Ngande wakoka ɛnyɛlɔ kakatshike yana ya yimato y’ose Isariyɛlɛ keketsha ɛlɔngɔlɔngɔ la esekaseka ɛlɔ kɛnɛ? (2 Khum. 5:3; Esam. 8:2; 148:12, 13)
(b) Bonde kahombaso mbohɔka ɛnyɛlɔ ka Namana etena kalongolaso alako w’oma lo Afundelo? (2 Khum. 5:15; Heb. 12:5, 6; Jak. 4:6)
(c) Wetshelo akɔna wakokaso kondja lo tshikitanya ɛnyɛlɔ kaki Elisha la kaki Ngehazi? (2 Khum. 5:9, 10, 14-16, 20; Mat. 10:8; Etsha 5:1-5; 2 Kor. 2:17)
Ɔkɔndɔ 70
1. Jɔna akinde, ndo kakɔna kakawotɛ Jehowa dia sala?
2. Lam’ele nde akatone ntshɔ lɛnɛ akawotɛ Jehowa, kakɔna kakasale Jɔna?
3. Kakɔna kakatɛ Jɔna ase masuwa dia vɔ sala dia lɔpɛpɛ shila?
4. Oko wadiɛnayɛ lo osato ɔnɛ, kakɔna kakatombe etena kakawatambiya Jɔna lo ashi?
5. Nshi ngana yakasale Jɔna l’otema a lose la woke, ndo kakɔna kakandasalaka lɔkɔ?
6. Lende akatshu Jɔna l’ɔkɔngɔ wa nde tomba oma l’otema a lose la woke, ndo kɛsɔ atetshatɔ?
Wembola ekina:
1. Adia Jona 1:1-17.
Ngande wakɔsaka Jɔna ɔkɛndɛ wakawawosha wa tosambisha ase Niniva? (Jona 1:2, 3; Tuk. 3:7; Und. 8:12)
2. Adia Jona 2:1, 2, 10.
Ngande watosha kɛnɛ kakakomɛ Jɔna eshikikelo k’ɔnɛ Jehowa ayokadimola lo alɔmbɛlɔ aso? (Esam. 22:24; 34:6; 1 Joa. 5:14)
3. Adia Jona 3:1-10.
(a) Ekeketshelo kakɔna kakondjaso lo woho wakatetemala Jehowa kamba la Jɔna kânga mbakandatone ntondo kotsha ɔkɛndɛ ande? (Osam. 103:14; 1 Pet. 5:10)
(b) Kakɔna katetsha kɛnɛ kakakomɛ Jɔna la Niniva lo dikambo dia kanɛ anto wa l’ɛtshi kaso ka nkɛtɛ kɔlɔ? (Jona 3:6-9; Und. 11:6; Etsha 13:48)
Ɔkɔndɔ 71
1. Isaya akinde, lo etena kakɔna kakandasɛnaka ndo akawɛnya Jehowa?
2. Tshɛkɛta “paradiso” alembetshiyayɔ, ndo akoholayɔ?
3. Jehowa akandatɛ Isaya dia nde funda lo dikambo dia Paradiso k’oyoyo?
4. Lande na kakashisha Adama la Eva edjaselo kawɔ ka dimɛna?
5. Kakɔna kambolaka Jehowa wanɛ wôlanga?
Wembola ekina:
1. Adia Isaya 11:6-9.
(a) Ngande wakɔndɔla Ɔtɛkɛta waki Nzambi ki kayoyala lam’asa nyama la anto lo andja w’oyoyo? (Osam. 148:10, 13; Is. 65:25; Ezek. 34:25)
(b) Ekotshamelo kakɔna ka lo nyuma k’ɛtɛkɛta waki Isaya kasalema ɛlɔ kɛnɛ l’atei w’ekambi waki Jehowa? (Romo 12:2; Ef. 4:23, 24)
(c) Akoka nongola lotombo lo woho watshikitanya anto kɛwɔ yawɔ oyadi kakianɛ ndo lo andja w’oyoyo? (Is. 48:17, 18; Ngal. 5:22, 23; Fil. 4:7)
2. Adia Enyelo 21:3, 4.
(a) Ngande wɛnya Afundelo dia woho wayodjasɛ Nzambi l’anto nembetshiyaka dia nde ayonga kâmɛ la wɔ lo yoho ya didjidji, koko nde honga la wɔ lo yoho ya lo demba la nkɛtɛ? (Lew. 26:11, 12; 2 Ek. 6:18; Is. 66:1; Eny. 21:2, 3, 22-24)
(b) Asɔi ndo pâ ya woho akɔna yayonyɛma? (Luka 8:49-52; Romo 8:21, 22; Eny. 21:4)
Ɔkɔndɔ 72
Nzambi ambokimanyiya nkumekanga Hezekiya
1. Onto lele lo osato ɔnɛ ende, ndo lande na kende l’otshutshumalo efula?
2. Mikanda akɔna wokitshisha Hezekiya la ntondo ka Nzambi, ndo kakɔna kalɔmba Hezekiya?
3. Hezekiya aki nkumekanga ka ngande, ndo losango lakɔna lakôtomɛ Jehowa lo tshimbo y’omvutshi Isaya?
4. Ondjelo wa Jehowa akandasalɛ ase Asuriya oko wɛnyamidiɔ l’osato ɔnɛ?
5. Kânga mbele diolelo dia waoho ahende diaki la wɔladi lo tshanda mɔtshi, kakɔna kakayotombaka l’ɔkɔngɔ wa nyɔi ka Hezekiya?
Wembola ekina:
1. Adia 2 Khumi ya Dikanga 18:1-36.
(a) Ngande wakayange yɛmba awui y’ose Asuriya Rabishake dia nɛndja mbetawɔ k’ase Isariyɛlɛ? (2 Khum. 18:19, 21; Etum. 5:2; Osam. 64:3)
(b) Etena kalɔshanaso la atunyi, ngande wayela Ɛmɛnyi wa Jehowa ɛnyɛlɔ ka Hezekiya? (2 Khum. 18:36; Osam. 39:1; Tuk. 26:4; 2 Tim. 2:24)
2. Adia 2 Khumi ya Dikanga 19:1-37.
(a) Ngande wokoya ekambi wa Jehowa Hezekiya ɛlɔ kɛnɛ lo tena dia pâ? (2 Khum. 19:1, 2; Tuk. 3:5, 6; Heb. 10:24, 25; Jas. 5:14, 15)
(b) Naa mbala shato yakalɛndjama Senakɛribɛ ndo lo yoho ya prɔfɛsiya nde aki didjidji diaki onto akɔna? (2 Khum. 19:32, 35, 37; Eny. 20:2, 3)
3. Adia 2 Khumi ya Dikanga 21:1-6, 16.
Lande na kakoka mbutama dia Manase aki nkumekanga kakaleke kɔlɔ kakolɛ la Jerusalɛma? (2 Ek. 33:4-6, 9)
Ɔkɔndɔ 73
Nkumekanga k’ɔlɔlɔ ka komelo l’Isariyɛlɛ
1. Josiya aki l’ɛnɔnyi engana lam’akandayala nkumekanga, ndo akandamɛ sala etena kakandakotsha ɛnɔnyi esambele l’olimu wa nkumekanga?
2. Kakɔna kɛnayɛ Josiya asala lo osato wa ntondo?
3. Ɛngɔ kakɔna kakɛnyi ɔlɔmbɛdi wa lâdiko etena kakalɔngɔsɔlaka anto tɛmpɛlɔ?
4. Lande na kakâte Josiya ahɔndɔ ande palala?
5. Losango lakɔna l’oma le Jehowa lakatɛ omvutshi wa womoto Huluda Josiya?
Wembola ekina:
1. Adia 2 Ekondo 34:1-28.
(a) Ɛnyɛlɔ kakɔna kakatshikɛ Josiya wanɛ waki ondo la pâ dia mbikikɛ nshi yawɔ ya akɛnda ya wolo? (2 Ek. 33:21-25; 34:1, 2; Osam. 27:10)
(b) Tɛdikɔ takɔna t’ohomba takɔshi Josiya dia tɔla ɔtɛmwɛlɔ wa mɛtɛ otsha la ntondo lo ɛnɔnyi 8, 12, 18 wa diolelo diande? (2 Ek. 34:3, 8)
(c) Wetshelo akɔna wendana la nama ahole aso w’ɔtɛmwɛlɔ wakokaso kondja oma l’ɛnyɛlɔ kakatshike Nkumekanga Josiya la Helikiya, Ɔlɔmbɛdi wa Lâdiko? (2 Ek. 34:9-13; Tuk. 11:14; 1 Kor. 10:31)
Ɔkɔndɔ 74
1. Ɔlɔngɔ a pami wele lo osato ɔnɛ ênde?
2. Kakɔna kakakanyiya Jeremiya lo kɛnɛ kendana la woho wakandahombe koma omvutshi, ko Jehowa akandawotɛ?
3. Losango lakɔna lakatetemala Jeremiya mbewoya anto?
4. Ngande wakahembe ɛlɔmbɛdi dia munda Jeremiya, ko ngande wakandɛnya dia nde kombokaka wɔma?
5. Kakɔna kakatombe lam’ele ase Isariyɛlɛ kotshikitanya nkɛwɔ yawɔ ya kɔlɔ?
Wembola ekina:
1. Adia Jeremiya 1:1-8.
(a) Oko wadiɛnya ɛnyɛlɔ kaki Jeremiya, kakɔna kasha onto akoka wa kamba olimu wa Jehowa? (2 Kor. 3:5, 6)
(b) Ekeketshelo kakɔna kasha ɛnyɛlɔ ka Jeremiya Akristo w’ɛlɔngɔlɔngɔ la esekaseka ɛlɔ kɛnɛ? (Und. 12:1; 1 Tim. 4:12)
2. Adia Jeremiya 10:1-5.
Wɛɛla akɔna wa dimɛna wakakambe la Jeremiya dia mɛnya woho wele ndjaɛkɛ le dikishi ekɔ anyanya? (Jer. 10:5; Is. 46:7; Hab. 2:19)
3. Adia Jeremiya 26:1-16.
(a) Etena kewoyawɔ losango la mbewola anto ɛlɔ kɛnɛ, ngande wayela atshikadi w’akitami w’esɔ didjango diakasha Jehowa Jeremiya ‘di’aha tshika ndoko dikambo ɔtɔi’? (Jer. 26:2; Euh. 4:2; Etsha 20:27)
(b) Ɛnyɛlɔ kakɔna k’ɔlɔlɔ kakatshikɛ Jeremiya Ɛmɛnyi wa Jehowa wa nshi nyɛ lo dikambo dia mbewoya wedja ɔhɛmwɛlɔ wa Jehowa? (Jer. 26:8, 12, 14, 15; 2 Tim. 4:1-5)
4. Adia 2 Khumi ya Dikanga 24:1-17.
Etombelo akɔna wa kɔlɔ wakonge la ɔtɔmbɔkwɛlɔ w’ase Juda otsha le Jehowa? (2 Khum. 24:2-4, 14)
Ɔkɔndɔ 75
Akɛnda w’apami anɛi la Babilɔna
1. Akɛnda w’apami anɛi wele lo osato ɔnɛ êwɔ, ndo lande na kewɔ la Babilɔna?
2. Nebukadineza asangoyande lo dikambo di’akɛnda w’apami anɛi anɛ, ndo akandadjangɛ ekambi ande?
3. Danyɛlɛ akandalɔmbɛ lo kɛnɛ kendana la diangɔ dia ndɛ ndo l’ashi wa nnɔ lo dikambo diande ndo dia asekande asato?
4. L’ɔkɔngɔ wa vɔ ndɛ akatshikatshi nshi dikumi, ngande wakɛnama Danyɛlɛ nde la asekande asato lo mbaɛdika la ɛlɔngɔlɔngɔ ekina?
5. Ngande wakakome Danyɛlɛ la asekande asato lo luudu la nkumekanga, ndo lo woho akɔna wakiwɔ la tomba oleki ɛlɔmbɛdi ndo akanga a tomba?
Wembola ekina:
1. Adia Danyele 1:1-21.
(a) Welo akɔna wahombaso mbidja naka sho kombolaka shika tanga la ntondo k’ehemba ndo tondoya wɛɔdu aso? (Dan. 1:8; Etat. 39:7, 10; Ngal. 6:9)
(b) Lo weho akɔna wakoka ɛlɔngɔlɔngɔ kana esekaseka wa nshi nyɛ pembama kana tshutshuyama dia ndjakimɔ lo kɛnɛ kɔsa anto amɔtshi oko ‘mbo y’ɛlɔlɔ’? (Dan. 1:8; Tuk. 20:1; 2 Kor. 6:17–7:1)
(c) Kakɔna katokimanyiya ɔkɔndɔ wa lo Bible wendana la ɛlɔngɔlɔngɔ ɛnɛi w’ase Hɛbɛru dia shihodia lo kɛnɛ kendana la bewo dia l’andja ɔnɛ? (Dan. 1:20; Is. 54:13; 1 Kor. 3:18-20)
Ɔkɔndɔ 76
1. Kakɔna kakakomɛ Jerusalɛma ndo ase Isariyɛlɛ wɛnayɛ lo osato ɔnɛ?
2. Ezekiyɛlɛ akinde, ndo akambo akɔna wa kɔlɔ efula wakawɛnya Jehowa?
3. Lam’ele ase Isariyɛlɛ kɔnɛmiyaka Jehowa, kakɔna kakandalake?
4. Kakɔna kakasale Nkumekanga Nebukadineza l’ɔkɔngɔ w’ase Isariyɛlɛ mbɔtɔmbɔkwɛ?
5. Lande na kaketawɔ Jehowa dia elanyelo ka woke kɛsɔ komɛ ase Isariyɛlɛ?
6. Ngande wakatshikala wodja wa Isariyɛlɛ aha ndoko l’onto, ndo l’edja k’ɛnɔnyi engana?
Wembola ekina:
1. Adia 2 Khumi ya Dikanga 25:1-26.
(a) Zedekiya akinde, kakɔna kakôkomɛ, ndo ngande wakakotsha dikambo sɔ prɔfɛsiya ka lo Bible? (2 Khum. 25:5-7; Ezek. 12:13-15)
(b) Jehowa akakambe l’onto akɔna dia mbikoya l’ase Isariyɛlɛ wakɔ̂tɔmbɔkwɛka? (2 Khum. 25:9, 11, 12, 18, 19; 2 Ek. 36:14, 17)
2. Adia Ezekiyele 8:1-18.
Ngande wokoya Lokristokristo waa apɔsta w’ase Isariyɛlɛ waki atɛmɔdi wa yanyi? (Ezek. 8:16; Is. 5:20, 21; Joa. 3:19-21; 2 Tim. 4:3)
Ɔkɔndɔ 77
1. Didjango diakɔna diakadjangɛ Nebukadineza, nkumekanga ka la Babilɔna anto?
2. Lande na kele angɛnyi asato waki Danyɛlɛ kombika adwe la ntondo ka lohingo la paunyi?
3. Etena kakasha Nebukadineza ase Hɛbɛru asato diaaso dikina dia vɔ mbika adwe, ngande wakawɛnya wɛkamu awɔ le Jehowa?
4. Kakɔna kakatɛ Nebukadineza anto ande dia vɔ salɛ Shadarakɛ, Meshakɛ la Abɛdɛ-Nengo?
5. Kakɔna kakɛnyi Nebukadineza lam’akandalengɛ lo khuka ka dja?
6. Lande na kakatombola nkumekanga Nzambi ka Shadarakɛ, Meshakɛ la Abɛdɛ-Nengo, ndo ɛnyɛlɔ kakɔna kakawatotshikɛ?
Wembola ekina:
1. Adia Danyele 3:1-30.
(a) Dionga diakɔna diakakɛnɛmɔla ɛlɔngɔlɔngɔ esato w’ase Hɛbɛru diahomba ekambi wa Nzambi tshɛ mbokoya lam’ahomanawɔ l’ehemba wendana la olowanyi awɔ? (Dan. 3:17, 18; Mat. 10:28; Romo 14:7, 8)
(b) Wetshelo akɔna w’ohomba waketsha Jehowa Nzambi Nebukadineza? (Dan. 3:28, 29; 4:34, 35)
Ɔkɔndɔ 78
1. Kakɔna kakatombe etena kaki nkumekanga ka Babilɔna la difɛstɔ dia woke ndo kakandakambe la akɔhɔ ndo l’alɔnga wakɔsama oma lo tɛmpɛlɔ ka Jehowa la Jerusalɛma?
2. Kakɔna kakatɛ Bɛlɛshaza anto ande wa tomba, ndo kakɔna kakiwɔ kokoka sala?
3. Nyango nkumekanga akandatɛ nkumekanga dia nde sala?
4. Lo ndjela kɛnɛ kakatɛ Danyɛlɛ nkumekanga, lande na kakatome Nzambi lonya dia ndjofunda l’ehele?
5. Ngande wakalembetshiya Danyɛlɛ kitshimudi ya ɛtɛkɛta wakafundama l’ehele?
6. Kakɔna kakatombe etena kakatɛkɛtaka Danyɛlɛ?
Wembola ekina:
1. Adia Danyele 5:1-31.
(a) Sha otshikitanu wele lam’asa wɔma wa Nzambi la wɔma wakoke Bɛlɛshaza lam’akandɛnyi efundelo wa l’ehele. (Dan. 5:6, 7; Osam. 19:9; Romo 8:35-39)
(b) Ngande wakɛnya Danyɛlɛ dihonga di’efula etena kakandatɛkɛtaka la Bɛlɛshaza nde la anto ande wa weke? (Dan. 5:17, 18, 22, 26-28; Etsha 4:29)
(c) Ngande watɔtɔmiya Danyele tshapita 5 lowandji la Jehowa la l’andja w’otondo? (Dan. 4:17, 25; 5:21)
Ɔkɔndɔ 79
1. Dariyo akinde, ndo ngande wakandɔsaka Danyɛlɛ?
2. Apami amɔtshi wa kandjema akawatshutshuya Dariyo dia nde sala?
3. Danyɛlɛ akandasale etena kakandeye ɔlɛmbɛ w’oyoyo?
4. Lande na kakanyange Dariyo efula woho wakinde kokoka ndala djɔ otsho w’otondo, ndo kakɔna kakandasale la kɛsɛkɛsɛ?
5. Ngande wakakadimola Danyɛlɛ Dariyo?
6. Kakɔna kakakomɛ anto wa kɔlɔ wakalange ndjaka Danyɛlɛ, ndo kakɔna kakafundɛ Dariyo anto wa lo diolelo diande tshɛ?
Wembola ekina:
1. Adia Danyele 6:1-28.
(a) Ngande watohola sheke yakawɔtwɛ Danyɛlɛ kɛnɛ kakahembe atunyi sala dia komiya olimu w’Ɛmɛnyi wa Jehowa wa nshi nyɛ? (Dan. 6:7; Osam. 94:20; Is. 10:1; Romo 8:31)
(b) Ngande wakoka ekambi wa Nzambi wa nshi nyɛ tetemala kitanyiya ‘emboledi wa lâdiko’? (Dan. 6:5, 10; Romo 13:1; Etsha 5:29)
(c) Ngande wakokaso mbokoya ɛnyɛlɔ kaki Danyɛlɛ ka kambɛka Jehowa “tena tshe”? (Dan. 6:16, 20; Fil. 3:16; Eny. 7:15)
Ɔkɔndɔ 80
Anto wa Nzambi wambotomba oma lo Babilɔna
1. Oko wɛnyamidiɔ lo osato ɔnɛ, ase Isariyɛlɛ asalawɔ?
2. Ngande wakakotsha Kuro prɔfɛsiya ka Jehowa oma lo tshimbo ya Isaya?
3. Kuro akandatɛ ase Isariyɛlɛ waki kokoka kalola la Jerusalɛma?
4. Kuro akandasha anto wakatatshɔka otsha la Jerusalɛma?
5. Ngɔndɔ ngana ya lɔkɛndɔ yakasale ase Isariyɛlɛ wakatakawolaka otsha la Jerusalɛma?
6. Ɛnɔnyi engana wakete tatɛ lam’akatshikala wodja tɔngɔ to?
Wembola ekina:
1. Adia Isaya 44:28 ndo 45:1-4.
(a) Ngande wakatɔtɔmiya Jehowa mɛtɛ k’okotshamelo wa prɔfɛsiya kendana la Kuro? (Is. 55:10, 11; Romo 4:17)
(b) Kakɔna kɛnya prɔfɛsiya ka Isaya kendana la Kuro lo dikoka diele la Jehowa dia mbuta akambo wa lo nshi yayaye? (Is. 42:9; 45:21; 46:10, 11; 2 Pet. 1:20)
2. Adia Ezera 1:1-11.
Lo ndjela ɛnyɛlɔ ka wanɛ waki kokoka kalola la Jerusalɛma, ngande wakokaso ‘keketsha anya’ a wanɛ wakoka kamba olimu wa lo tena tshɛ ɛlɔ kɛnɛ? (Ez. 1:4, 6; Romo 12:13; Kol. 4:12)
Ɔkɔndɔ 81
Wambɛkama lo ekimanyielo ka Nzambi
1. Anto angana wakande lɔkɛndɔ l’otale oma la Babilɔna otsha la Jerusalɛma, ko akawatane etena kakawakome?
2. Kakɔna kakatatɛ ase Isariyɛlɛ mbika l’ɔkɔngɔ wa vɔ koma, ndo kakɔna kakasale atunyi awɔ?
3. Hangai la Zekariya akiwɔ, ndo kakɔna kakawatɛ anto?
4. Lande na kakatome Tatenai okanda la Babilɔna, ndo okadimwelo akɔna wakandalongola?
5. Kakɔna kakasale Ɛzɛra lam’akandoke dia tɛmpɛlɔ ka Nzambi kakahombe nɔngɔsɔma?
6. Ɛzɛra ekɔ lo nɔmba lo dikambo diakɔna lo osato ɔnɛ, ngande wambokadimwama dɔmbɛlɔ diande, ndo kɛsɔ atetshatɔ?
Wembola ekina:
1. Adia Ezera 3:1-13.
Naka tambotanema lo dihole dimɔtshi diele ndoko etshumanelo k’ekambi wa Nzambi, ahombaso tetemala la sala? (Ez. 3:3, 6; Etsha 17:16, 17; Heb. 13:15)
2. Adia Ezera 4:1-7.
Ɛnyɛlɔ kakɔna kakatshikɛ Zɛrubabɛlɛ ekambi wa Jehowa lo kɛnɛ kendana l’osanga w’ɔtɛmwɛlɔ? (Etum. 34:12; 1 Kor. 15:33; 2 Kor. 6:14-17)
3. Adia Ezera 5:1-5, 17 ndo 6:1-22.
(a) Lande na kaki atunyi kokoka memɛ olimu w’ohikelo wa tɛmpɛlɔ? (Ez. 5:5; Is. 54:17)
(b) Ngande wakimanyiya etsha wa epalanga w’apami w’ase Juda dikumanyi di’Akristo ɛlɔ kɛnɛ dia nyanga ɛlɔmbwɛlɔ ka Jehowa lam’alɔshanawɔ l’atunyi? (Ez. 6:14; Osam. 32:8; Romo 8:31; Jas. 1:5)
4. Adia Ezera 8:21-23, 28-36.
La ntondo ka sho sala dikambo dimɔtshi, ayonga ohomba sho ndjela ɛnyɛlɔ kakɔna kaki Ɛzɛra? (Ez. 8:23; Osam. 127:1; Tuk. 10:22; Jak. 4:13-15)
Ɔkɔndɔ 82
1. Mɔrɔdekai la Ɛsta akiwɔ?
2. Lande na kakayange Nkumekanga Ahasuero wadi l’oyoyo, ndo akɔna akandasɔnɛ?
3. Hamana akinde, ndo kakɔna kambowomadia efula?
4. Didjango diakɔna diambodjama, ndo kakɔna kakasale Ɛsta l’ɔkɔngɔ wa nde nongola losango lɔmɔtshi oma le Mɔrɔdekai?
5. Kakɔna kakakomɛ Hamana, ndo kakɔna kakakomɛ Mɔrɔdekai?
6. Ngande wakashimbamɛ ase Isariyɛlɛ oma le atunyi awɔ?
Wembola ekina:
1. Adia Esta 2:12-18.
Ngande wakɛnya Ɛsta ohomba wa monga la “memakana la ki”? (Esta 2:15; 1 Pet. 3:1-5)
2. Adia Esta 4:1-17.
Oko wakalongola Ɛsta diaaso dia kokɛ ɔtɛmwɛlɔ wa mɛtɛ, diaaso diakɔna diele laso ɛlɔ kɛnɛ dia mɛnya ndjakimɔ ndo kɔlamelo yaso le Jehowa? (Esta 4:13, 14; Mat. 5:14-16; 24:14)
3. Adia Esta 7:1-6.
Ngande wambohanda ekambi efula waki Nzambi ɛlɔ kɛnɛ ɔhɛnyɔhɛnyɔ, oko wakahande Ɛsta? (Esta 7:4; Mat. 10:16-22; 1 Pet. 2:12)
Ɔkɔndɔ 83
1. Ngande wakayaokaka ase Isariyɛlɛ lam’ele osomba awɔ wa Jerusalɛma koningama la dihele?
2. Nɛhɛmiya akinde?
3. Olimu akɔna wakakambaka Nɛhɛmiya, ndo lande na kakiwɔ ohomba?
4. Nsango yakɔna yakanyangiya Nɛhɛmiya, ndo kakɔna kakandasale?
5. Ngande wakɛnya Nkumekanga Aratashasha lɔsɛngɔ otsha le Nɛhɛmiya?
6. Ngande wakalɔngɔsɔla Nɛhɛmiya olimu wa wokelo di’aha atunyi w’ase Isariyɛlɛ memadja olimu akɔ?
Wembola ekina:
1. Adia Nehemiya 1:4-6 ndo 2:1-20.
Ngande wakayange Nɛhɛmiya ɛlɔmbwɛlɔ ka Jehowa? (Neh. 2:4, 5; Romo 12:12; 1 Pet. 4:7)
2. Adia Nehemiya 3:3-5.
Kakɔna kakoka dikumanyi ndo ekambi w’olimu mbeka oma lo otshikitanu waki lam’asa ase Tekoa la “antu awo a waki”? (Neh. 3:5, 27; 2 Tes. 3:7-10; 1 Pet. 5:5)
3. Adia Nehemiya 4:1-23.
(a) Kakɔna kakatshutshuya ase Isariyɛlɛ dia vɔ tetemala la ohikelo kânga la ntondo k’ɔlɔshamelo a wolo? (Neh. 4:6, 8, 9; Esam. 50:15; Is. 65:13, 14)
(b) Lo woho akɔna watokeketsha ɛnyɛlɔ k’ase Isariyɛlɛ ɛlɔ kɛnɛ?
4. Adia Nehemiya 6:15.
Kakɔna kɛnya woho wele dihele dia Jerusalɛma diakashile mbikama lo ngɔndɔ hiende tsho lo dikambo dia wolo wele la mbetawɔ? (Osam. 56:3, 4; Mat. 17:20; 19:26)
Ɔkɔndɔ 84
Ondjelo ɔmɔtshi amboya le Mariya
1. Womoto lele lo osato ɔnɛ ênde?
2. Ngabiriyɛlɛ akandatɛ Mariya?
3. Ngande wakalembetshiya Ngabiriyɛlɛ Mariya dia nde ayota ɔna kânga mbakinde ateyana la pami?
4. Kakɔna kakatombe etena kakatshu Mariya dia tênda Elizabɛtɛ?
5. Yɔsɛfu akandafɔnya etena kakandoke dia Mariya ayanga mbota ɔna, ko lande na kakandayotshikitanya kanyi yande?
Wembola ekina:
1. Adia Luka 1:26-56.
(a) Ngande wɛnya Luka 1:35 dia ndoko ekokele kaki Adama kaki lo dioto dia Mariya lam’akasangɔma lɔsɛnɔ la Ɔna Nzambi oma lo edjaselo ka lo nyuma? (Hang. 2:11-13; Joa. 6:69; Heb. 7:26; 10:5)
(b) Ngande wakalongola Yeso lotombo koyanga la ntondo ka eotwelo kande? (Luka 1:41-43)
(c) Ɛnyɛlɔ kakɔna kakatshikɛ Mariya Akristo wa wamato walongola waɛsɛ wa lânde w’olimu ɛlɔ kɛnɛ? (Luka 1:38, 46-49; 17:10; Tuk. 11:2)
2. Adia Mateu 1:18-25.
Kânga mbele Yeso konongola lokombo l’oshika la Emanuwɛlɛ, ngande wakakotshama kitshimudi ya lokombo lɔsɔ lam’akinde oko onto? (Mat. 1:22, 23; Joa. 14:8-10; Heb. 1:1-3)
Ɔkɔndɔ 85
1. Ɔna ashashi lele lo osato ɔnɛ ênde, ndo lende ambowetanya Mariya?
2. Lande na kakôtɔ Yeso lo lokoto kâmɛ la waa nyama?
3. Lo osato ɔnɛ, anto akɔna watɔtɔ lo lokoto, ndo ondjelo ɔmɔtshi akandawatɛ?
4. Lande na kele Yeso ekɔ onto la lânde?
5. Lande na kakoka Yeso mbelamɛ ɔnɛ Ɔna Nzambi?
Wembola ekina:
1. Adia Luka 2:1-20.
(a) Ngande wakasha Kayisa Angusta lonya lo ekotshamelo ka prɔfɛsiya kendana la eotwelo ka Yeso? (Luka 2:1-4; Mika 5:2)
(b) Ngande wakoka onto ndjonga l’atei w’anto watɛkɛtawɔ dikambo diawɔ oko “antu watôngenyangenyaka”? (Luka 2:14; Mat. 16:24; Joa. 17:3; Etsha 3:19; Heb. 11:6)
(c) Naka alami w’ɛkɔkɔ w’ase Judeya waki l’ɔkɔkɔ wa ngɛnangɛna eotwelo ka Oshimbedi, naa ɔkɔkɔ wa woke w’ɔngɛnɔngɛnɔ wele l’ekambi waki Nzambi ɛlɔ kɛnɛ? (Luka 2:10, 11; Ef. 3:8, 9; Eny. 11:15; 14:6)
Ɔkɔndɔ 86
Apami wakalɔmbwama oma le yɔ̂tɔ
1. Apami wele l’osato ango êwɔ, ndo lande na katshuma ɔmɔtshi yɔtɔ ya ngaingai lohita?
2. Lande na kakâyaya Nkumekanga Hɛrɔdɛ efula, ndo kakɔna kakandasale?
3. Otsha lende akatalɔmbɔlaka yɔtɔ ya ngaingai apami ango, ko lande na kakawakalola otsha lo wodja awɔ lo mboka kekina?
4. Didjango diakɔna diakadje Hɛrɔdɛ, ndo lande na?
5. Jehowa akandatɛ Yɔsɛfu dia nde sala?
6. Onto akɔna akahɛtsha yɔtɔ y’oyoyo, ndo lande na?
Wombola okina:
1. Adia Mateu 2:1-23.
Ɛnɔnyi engana waki la Yeso ndo lende akandasɛnaka etena kakaye waa astrɔlɔgɛ dia ndjowenda? (Mat. 2:1, 11, 16)
Ɔkɔndɔ 87
1. Ɛnɔnyi engana wele la Yeso l’osato ɔnɛ, ndo lende ênde?
2. Yɔsɛfu akandasalaka nde la nkumbo kande ɔnɔnyi tshɛ?
3. L’ɔkɔngɔ wa vɔ sala lushi l’otondo la lɔkɛndɔ, lande na kambokalola Yɔsɛfu nde la Mariya nto otsha la Jerusalɛma?
4. Lende ambototana Yɔsɛfu nde la Mariya Yeso, ndo bonde kâmba anto?
5. Kakɔna kambotɛ Yeso Mariya, wa nyango?
6. Ngande wakokaso monga oko Yeso lam’ekaso akambo wendana la Nzambi?
Wembola ekina:
1. Adia Luka 2:41-52.
(a) Kânga mbele ɛlɛmbɛ wakalɔmbaka paka apami dia mbɔtɔ lo fɛtɛ yakasalemaka ɔnɔnyi la ɔnɔnyi, ɛnyɛlɔ kakɔna ka dimɛna kakatshikɛ Yɔsɛfu nde la Mariya ambutshi wa nshi nyɛ? (Luka 2:41; Euh. 16:16; 31:12; Tuk. 22:6)
(b) Ngande wakatshikɛ Yeso akɛnda wa nshi nyɛ ɛnyɛlɔ k’ɔlɔlɔ lo kɛnɛ kendana la monga l’okitanyiya otsha le ambutshi awɔ? (Luka 2:51; Euh. 5:16; Tuk. 23:22; Kol. 3:20)
2. Adia Mateu 13:53-56.
Naa anango waki Yeso anɛi w’otema ɔtɔi woshidiwɔ nkombo lo Bible, ndo l’ɔkɔngɔ diko ngande wakawayokambaka la ahende l’atei awɔ l’etshumanelo k’Akristo? (Mat. 13:55; Etsha 12:17; 15:6, 13; 21:18; Ngal. 1:19; Jak. 1:1; Juda 1)
Ɔkɔndɔ 88
1. Apami akɔna ahende wele l’osato ɔnɛ?
2. Ngande wabatizama onto?
3. Waa na mɛtɛ wakabatizamaka oma le Joani?
4. Lo ɔkɔkɔ akɔna wa lânde wambɔlɔmba Yeso Joani dia nde mbobatiza?
5. Ngande wakɛnya Nzambi ɔnɛ Nde ambɔngɛnangɛna woho wabatizama Yeso?
6. Kakɔna kakatombe lam’akatshu Yeso lo dihole dimɔtshi dia diɛta nshi 40?
7. Waa na waki ambeki amɔtshi waki Yeso wa ntondo, ndo naa dihindo diande dia ntondo?
Wembola ekina:
1. Adia Mateu 3:13-17.
Ɛnyɛlɔ kakɔna kakatshike Yeso lo kɛnɛ kendana la batismu k’ambeki ande? (Osam. 40:7, 8; Mat. 28:19, 20; Luka 3:21, 22)
2. Adia Mateu 4:1-11.
Ngande watokeketsha woho wakakambe Yeso dimɛna l’Afundelo dia mbekaka Bible mbala la mbala? (Mat. 4:5-7; 2 Pet. 3:17, 18; Joa. 4:1)
3. Adia Joani 1:29-51.
Le onto akɔna akatome Joani Obatizanyi ambeki ande, ndo ngande wakokaso mbôkoya ɛlɔ kɛnɛ? (Joa. 1:29, 35, 36; 3:30; Mat. 23:10)
4. Adia Joani 2:1-12.
Ngande wɛnya dihindo dia ntondo dia Yeso dia Jehowa hadime ekambi Ande ndoko ɛngɔ ɔtɔi k’ɔlɔlɔ? (Joa. 2:9, 10; Osam. 84:11; Jak. 1:17)
Ɔkɔndɔ 89
1. Lande na kasondja anto waa nyama lo tɛmpɛlɔ?
2. Kakɔna kakomadia Yeso?
3. Oko wakokayɛ mɛna l’osato ɔnɛ, kakɔna kambosala Yeso, ndo akandatɛ wanɛ wakasondjaka tokudumba?
4. Lam’ɛnyi ambeki waki Yeso kɛnɛ kambondosala, dui diakɔna diambowohɔ?
5. Lɛtshi la nkɛtɛ lakɔna lakatenyanya Yeso oma lo mboka katɔla otsha la Ngalileya?
Wombola okina:
1. Adia Joani 2:13-25.
Lo menda kɛlɛ kaki la Yeso otsha le amengudi wa falanga lo tɛmpɛlɔ, naa kanyi y’ɔlɔlɔ yahomba monga laso lo kɛnɛ kendana l’akambo w’okanda lo Mbalasa ka Diolelo? (Joa. 2:15, 16; 1 Kor. 10:24, 31-33)
Ɔkɔndɔ 90
Yeso nde la omoto l’ose Samariya
1. Lande na kakomuyaka Yeso l’ɛtɛkɔ k’ashi ka la Samariya, ndo ambondotɛ womoto ongo?
2. Lande na kamâmba womoto efula, Yeso amondowotɛ, ndo lande na?
3. Woho akɔna w’ashi wakakanyiyaka womoto ɔnɛ dia vɔ mbatɛkɛta Yeso, ko dikambo di’ashi akɔna mɛtɛ wakandatɛkɛtaka?
4. Lande na kakâmbe womoto ɔsɔ lo woho wakeyaka Yeso akambo wendana la nde, ndo ngande wakandeye awui akɔ?
5. Wetshelo akɔna wakondjaso oma l’ɔkɔndɔ wa womoto lakaye l’ɛtɛkɔ dia ndjotahola ashi?
Wembola ekina:
1. Adia Joani 4:5-43.
(a) Lo ndjela ɛnyɛlɔ ka Yeso, dionga diakɔna diahombaso kɛnɛmɔla otsha le anto wotshikitanyi laso lokoho la demba kana lɔsɛnɔ? (Joa. 4:9; 1 Kor. 9:22; 1 Tim. 2:3, 4; Tito 2:11)
(b) Wahɔ akɔna wa lo nyuma wakakondja wanɛ wakakome ambeki wa Yeso? (Joa. 4:14; Is. 58:11; 2 Kor. 4:16)
(c) Ngande wakokaso mɛnya lowando laso oko womoto l’ose Samariya, laki la nsaki k’efula ka mbutɛ anto akina awui wakandeke? (Joa. 4:7, 28; Mat. 6:33; Luka 10:40-42)
Ɔkɔndɔ 91
1. L’osato ɔnɛ, lende etsha Yeso, ndo waa na wodjashi suke suke la nde?
2. Naa nkombo y’apɔstɔlɔ 12?
3. Diolelo diakɔna diaketshaka Yeso?
4. Kakɔna kambetsha Yeso anto dia vɔ nɔmbaka?
5. Yeso amondota lo kɛnɛ kendana la woho wahomba anto salanɛ akambo?
Wembola ekina:
1. Adia Mateu 5:1-12.
Lo toho takɔna takokaso mɛnya ɔnɛ sho mbeyaka ehomba aso wa lo nyuma? (Mat. 5:3; Romo 10:13-15; 1 Tim. 4:13, 15, 16)
2. Adia Mateu 5:21-26.
Ngande wɛnya Mateu 5:23, 24 dia diɔtɔnganelo diasaso l’anangɛso diekɔ la shɛngiya lo diɔtɔnganelo diasaso la Jehowa? (Mat. 6:14, 15; Osam. 133:1; Kol. 3:13; 1 Joa. 4:20)
3. Adia Mateu 6:1-8.
Naa totshelo tɔmɔtshi ta ndjaɛnya oko anto w’ɔlɔlɔ tahomba Akristo mbewɔ? (Luka 18:11, 12; 1 Kor. 4:6, 7; 2 Kor. 9:7)
4. Adia Mateu 6:25-34.
Yeso akandetsha lo kɛnɛ kendana l’ohomba wa ndjaɛkɛ le Jehowa dikambo dia diangɔ diaso dia l’emunyi? (Etum. 16:4; Ps. 37:25; Fil. 4:6)
5. Adia Mateu 7:1-11.
Kakɔna katetsha ɛnyɛlɔ ka dimɛna efula kele lo Mateu 7:5? (Tuk. 26:12; Romo 2:1; 14:10; Jak. 4:11, 12)
Ɔkɔndɔ 92
1. Ele she yana ya yimato yele l’osato ɔnɛ, ndo lande na kele nde la wadɛnde wekɔ la lonyangu efula?
2. Jayiro akandasale lam’akandatane Yeso?
3. Dui diakɔna diakatombe lam’akatatshɔka Yeso laka Jayiro, ndo losango lakɔna lakalongola Jayiro lo mboka?
4. Lande na kakɔlaka anto waki lo luudu laki Jayiro Yeso?
5. L’ɔkɔngɔ wa nde mbɔtɔ la apɔstɔlɔ asato ndo la she la nyango ɔna womoto akɔ lo luudu lakawetamia ɔna akɔ, kakɔna kakasale Yeso?
6. Yeso akandolola nto oma lo nyɔi, ndo dui sɔ ɛnyadiɔ?
Wembola ekina:
1. Adia Luka 8:40-56.
Ngande wakɛnya Yeso kɛtshi ndo ekanelo k’ɔlɔlɔ otsha le womoto laki la ɛkɛlɛlɔ ka dikila, ndo kakɔna kakoka dikumanyi di’Akristo mbeka oma lo dikambo sɔ ɛlɔ kɛnɛ? (Luka 8:43, 44, 47, 48; Lew. 15:25-27; Mat. 9:12, 13; Kol. 3:12-14)
2. Adia Luka 7:11-17.
Lande na kakoka anto wambovusha wakiwɔ wa ngandji kondja esambelo k’efula oma lo kɛnɛ kakasalɛ Yeso wadi aki odo l’oma la Nayina? (Luka 7:13; 2 Kor. 1:3, 4; Heb. 4:15)
3. Adia Joani 11:17-44.
Ngande wakɛnya Yeso dia kema kɔlɔ ndela onto ɔmɔtshi lalangaso lambovɔ? (Joa. 11:33-36, 38; 2 Sam. 18:33; 19:1-4)
Ɔkɔndɔ 93
1. Dui diakɔna dia kɔlɔ efula diakakomɛ Joani Obatizanyi, ndo ngande wakayaoke Yeso?
2. Ngande wakalesha Yeso elui w’anto wakôyele, ndo kɛnɛ kakatshikala kakalole asaka angana?
3. Lande na kakoke ambeki wɔma l’otsho ndo kakɔna kakakomɛ Petero?
4. Ngande wakalesha Yeso nunu di’anto mbala ka hende?
5. Lande na kele ayonga dimɛna efula lam’ayolɛ Yeso la nkɛtɛ oko Nkumekanga ka Nzambi?
Wembola ekina:
1. Adia Mateu 14:1-32.
(a) Ɔkɔndɔ wele lo Mateu 14:23-32 toshaka elembetshiyelo akɔna wendana la lonto laki Petero?
(b) Ngande wɛnya ɔkɔndɔ wa l’Afundelo dia Petero akayokomaka onto lambotshunda ndo akalɛndja dionga diande dia esasesase? (Mat. 14:27-30; Joa. 18:10; 21:7; Etsha 2:14, 37-40; 1 Pet. 5:6, 10)
2. Adia Mateu 15:29-38.
Ngande wakɛnya Yeso dia nde nɛmiyaka diangɔ dia l’emunyi di’oma le She? (Mat. 15:37; Joa. 6:12; Kol. 3:15)
3. Adia Joani 6:1-21.
Ngande wakoka Akristo wa nshi nyɛ ndjela ɛnyɛlɔ kaki Yeso lo monga la dilɛmiɛlɔ le lowandji lalɔmbɔla? (Joa. 6:15; Mat. 22:21; Romo 12:2; 13:1-4)
Ɔkɔndɔ 94
Nde mbokaka ana w’akɛnda ngandji
1. Lo dikambo diakɔna diakayadjanaka apɔstɔlɔ tâmu lo mboka lam’akawayakalolaka oma lo lɔkɛndɔ lawɔ l’otale?
2. Lande na kakelɛ Yeso yana ya dikɛnda ko nde mbemadja l’atei w’apɔstɔlɔ ande?
3. Lo yoho yakɔna yakahombe apɔstɔlɔ mbeka dia monga oko ana?
4. Ngɔndɔ ngana tsho l’ɔkɔngɔ diko, ngande wakɛnya Yeso dia nde nangaka ana?
Wembola ekina:
1. Adia Mateu 18:1-4.
Lande na kakakambaka Yeso la wɛɛla dia mbetsha anto? (Mat. 13:34, 36; Mako 4:33, 34)
2. Adia Mateu 19:13-15.
Waonga akɔna wele la ana w’akɛnda wahombaso mbokoya naka talanga kondja ɛtshɔkɔ wayela Diolelo? (Osam. 25:9; 138:6; 1 Kor. 14:20)
3. Adia Mako 9:33-37.
Yeso akandetsha ambeki ande lo kɛnɛ kendana la nanga monga la ahole wa lokumu? (Mako 9:35; Mat. 20:25, 26; Ngal. 6:3; Fil. 2:5-8)
4. Adia Mako 10:13-16.
Ngande wakadjaka Yeso anto lo demba, ndo akoka dikumanyi di’Akristo mbeka oma l’ɛnyɛlɔ kande? (Mako 6:30-34; Fil. 2:1-4; 1 Tim. 4:12)
Ɔkɔndɔ 95
1. Pami kɛmɔtshi akandambola Yeso, ndo lande na?
2. Kakɔna kakakambaka la Yeso mbala mɔtshi dia mbetsha anto, ndo kakɔna kamboteka lo kɛnɛ kendana l’ase Juda ndo l’ase Samariya?
3. Lo ɔkɔndɔ wakakɔndɔla Yeso, kakɔna kakakomɛ ose Juda ɔmɔtshi lakatatshɔka otsha la Jeriko?
4. Kakɔna kakatombe lam’akete ɔlɔmbɛdi ɔmɔtshi w’ose Juda ndo ose Lɛwi ɔmɔtshi lo mboka kakɔ?
5. L’osato ɔnɛ, onto akɔna akimanyiya ose Juda lambohomɔ ongo?
6. L’ɔkɔngɔ wa Yeso shidiya ɔkɔndɔ ande, wombola akɔna wakandambola, ndo ngande wakokadimola pami kakɔ?
Wembola ekina:
1. Adia Luka 10:25-37.
(a) Lo dihole dia nde kadimola mbala kakɔ kâmɛ, ngande wakakimanyiya Yeso pami kɛmɔtshi kakeyaka Ɛlɛmbɛ dia nde kana yimba lo dikambo sɔ? (Luka 10:26; Mat. 16:13-16)
(b) Ngande wakakambe Yeso la wɛɛla dia minya tokanyi ta kɔlɔ taki la wanɛ wakohokamɛka? (Luka 10:36, 37; 18:9-14; Tito 1:9)
Ɔkɔndɔ 96
1. Yeso akandasale lam’akandatakindolaka lo wodja?
2. Yeso akandatɛ apɔstɔlɔ ande ɛnɔnyi esato l’ɔkɔngɔ wa nde batizama?
3. Anto akɔna wele l’osato ɔnɛ, ndo Yeso asalɛnde womoto ongo?
4. Lande na kele kɛnɛ kakatɛ Yeso ewandji w’ɛtɛmwɛlɔ wakatonaka kɛnɛ kakandasalaka akawaotsha sɔnyi?
5. Lam’aki Yeso nde l’apɔstɔlɔ ande suke la Jeriko, Yeso akandasalɛ akanga a totshungu ahende wakalɔmbanaka diangɔ?
6. Lande na kakasale Yeso ahindo?
Wembola ekina:
1. Adia Mateu 15:30, 31.
Ngande wakakɛnɛmɔla Yeso wolo waki Jehowa lo yoho ya diambo ndo ngande wahomba dikambo sɔ monga la shɛngiya lo eokelo kaso kendana la andja w’oyoyo wakalake Jehowa? (Osam. 37:29; Is. 33:24)
2. Adia Luka 13:10-17.
Ngande wɛnya woho wakasale Yeso ahindo ande amɔtshi wa diambo lushi la Sabato woho w’esambelo kayondela anto lo Ɛlɔmbwɛlɔ kande k’Ɛnɔnyi Kinunu? (Luka 13:10-13; Osam. 46:9; Mat. 12:8; Kol. 2:16, 17; Eny. 21:1-4)
3. Adia Mateu 20:29-34.
Ngande wɛnya ɔkɔndɔ ɔnɛ dia Yeso kotona pondjo kimanyiya anto l’ɔtɛ w’ɔnɛ nde ekɔ l’olimu efula wa sala, ndo akokaso mbeka oma lo dui sɔ? (Euh. 15:7; Jak. 2:15, 16; 1 Joa. 3:17)
Ɔkɔndɔ 97
1. Etena kakakome Yeso lo ngielongelo mɔtshi suke la Jerusalɛma, akandatɛ ambeki ande dia vɔ sala?
2. L’osato ɔnɛ, kakɔna kakatombe lam’akasukana Yeso suke l’osomba wa Jerusalɛma?
3. Kakɔna kakasale t’ana t’akɛnda etena kakawɛnyi Yeso akɔnɔla akanga a totshungu ndo akanga a dikɔmɔ?
4. Yeso akandatɛ ɛlɔmbɛdi waki la kɛlɛ?
5. Ngande wakokaso monga oko ana w’akɛnda anɛ watombola Yeso?
6. Kakɔna kakalange ambeki mbeya?
Wembola ekina:
1. Adia Mateu 21:1-17.
(a) Ngande wakatshikitana woho wakɔtɔ Yeso la Jerusalɛma oko Nkumekanga la woho wakɔtɔka ewandji w’alembe w’ase Rɔma endaka ambodja otshumba lo nshi shɔ? (Mat. 21:4, 5; Zek. 9:9; Fil. 2:5-8; Kol. 2:15)
(b) Wetshelo akɔna wakoka ana w’akɛnda kondja oma le t’ana t’ase Isariyɛlɛ toshilami lo Osambu 118 etena kakɔtɔ Yeso lo tɛmpɛlɔ? (Mat. 21:9, 15; Osam. 118:25, 26; 2 Tim. 3:15; 2 Pet. 3:18)
2. Adia Joani 12:12-16.
Woho wakakambe wanɛ wakatombolaka Yeso la wanga w’atoko aki la kitshimudi yakɔna? (Joa. 12:13; Fil. 2:10; Eny. 7:9, 10)
Ɔkɔndɔ 98
1. L’osato ɔnɛ, ele Yeso, ndo waa na wele la nde?
2. Ɛlɔmbɛdi akawalange salɛ Yeso lo tɛmpɛlɔ, ndo akandawatɛ?
3. Apɔstɔlɔ akawambola Yeso?
4. Lande na kakatɛ Yeso apɔstɔlɔ ande akambo amɔtshi wayotomba la nkɛtɛ lam’ayondolɛ l’olongo oko Nkumekanga?
5. Kakɔna kakate Yeso kakahombe tomba la ntondo ka nde minya akambo wa kɔlɔ tshɛ la nkɛtɛ?
Wembola ekina:
1. Adia Mateu 23:1-39.
(a) Kânga mbele Afundelo mɛnyaka dia kokaka kamba la titrɛ ya lokumu, kakɔna kɛnya ɛtɛkɛta waki Yeso wele lo Mateu 23:8-11 lo kɛnɛ kendana la okambelo wa la titrɛ ya tɛtɛmɔla onto lo etshumanelo k’Akristo? (Etsha 26:25; Romo 13:7; 1 Pet. 2:13, 14)
(b) Afarisɛ akawayange sala dia shimba anto di’aha vɔ koma Akristo, ndo ngande wakamba ewandji w’ɛtɛmwɛlɔ la toho tâmɛ nshi nyɛ? (Mat. 23:13; Luka 11:52; Joa. 9:22; 12:42; 1 Tes. 2:16)
2. Adia Mateu 24:1-14.
(a) Ngande watɔtɔmiya Mateu 24:13 ohomba wa ekikelo?
(b) Kakɔna kalembetshiya etelo k’ɔnɛ “l’ekumelu” kele lo Mateu 24:13? (Mat. 16:27; Romo 14:10-12; 2 Kor. 5:10)
3. Adia Mako 13:3-10.
Etelo kakɔna kele lo Mako 13:10 kɛnya di’olimu w’esambishelo ka lokumu l’ɔlɔlɔ pombaka kambema la shamanya, ndo ngande wahomba ɛtɛkɛta waki Yeso monga la shɛngiya le so? (Romo 13:11, 12; 1 Kor. 7:29-31; 2 Tim. 4:2)
Ɔkɔndɔ 99
1. Oko wɛnyamidiɔ l’osato ɔnɛ, lande na kele Yeso nde l’apɔstɔlɔ ande 12 wekɔ lo luudu la woke la la diko longo?
2. Onto akɔna ɛnayɛ atatshu lango, ndo atandatshu tosala?
3. Dambo diakɔna dia lânde diakatatɛ Yeso l’ɔkɔngɔ wa dambo dia Pasaka shila?
4. Pasaka akoholaka ase Isariyɛlɛ dikambo diakɔna, ndo dambo dia lânde sɔ mboholaka ambeki waki Yeso dikambo diakɔna?
5. L’ɔkɔngɔ wa Dambo dia Dikɔlɔ dia Nkumadiɔndjɔ, Yeso akandatɛ ambeki ande, ndo akawasale?
Wembola ekina:
1. Adia Mateu 26:14-30.
(a) Ngande wɛnya Mateu 26:15 dia Judasɛ akafunde Yeso l’okonda?
(b) Naa asangwelo ahende wakotshama oma lo dikila diakatshola Yeso? (Mat. 26:27, 28; Jer. 31:31-33; Ef. 1:7; Heb. 9:19, 20)
2. Adia Luka 22:1-39.
Lo yoho yakɔna yakɔtɔ Satana l’otema wa Judasɛ? (Luka 22:3; Joa. 13:2; Etsha 1:24, 25)
3. Adia Joani 13:1-20.
(a) Lo ɔkɔndɔ wele lo Joani 13:2, onde Judasɛ akakoke manyema l’ɔtɛ wa kɛnɛ kakandasale oka? Ko ekambi waki Nzambi akokawɔ mbeka oma lo dikambo sɔ? (Etat. 4:7; 2 Kor. 2:11; Ngal. 6:1; Jak. 1:13, 14)
(b) Wetshelo akɔna wa wolo wakasha Yeso? (Joa. 13:15; Mat. 23:11; 1 Pet. 2:21)
4. Adia Joani 17:1-26.
Lo yoho yakɔna yakalɔmbɛ Yeso di’ambeki ande “ndjala otoi”? (Joa. 17:11, 21-23; Romo 13:8; 14:19; Kol. 3:14)
Ɔkɔndɔ 100
1. Lende akatshu Yeso nde l’apɔstɔlɔ ande l’ɔkɔngɔ wa vɔ tomba oma lo luudu la la diko, ndo akandawatɛ?
2. Yeso akandɛnyi etena kakandakalola oya lɛnɛ aki apɔstɔlɔ, ndo mbala ngana yakasalema dui sɔ?
3. Waa na ango wamboya l’ekambɔ, ndo oko wɛnyamidiɔ l’osato ɔnɛ, Judasɛ asalande?
4. Lande na kakanɔnɛ Judasɛ Yeso, ndo Petero akandasale?
5. Yeso akandatɛ Petero, ko lande na kele Yeso kɔnɔmba Nzambi dia nde mbotomɛ andjelo amɔtshi?
Wembola ekina:
1. Adia Mateu 26:36-56.
(a) Ngande wele woho wakalake Yeso ambeki ande ekɔ ɛnyɛlɔ k’oshika le dikumanyi di’Akristo ɛlɔ kɛnɛ? (Mat. 20:25-28; 26:40, 41; Ngal. 5:17; Ef. 4:29, 31, 32)
(b) Ngande wakɔshi Yeso okambelo wa la dihomɔ dia ta dia ndɔsha osekaso onto? (Mat. 26:52; Luka 6:27, 28; Joa. 18:36)
2. Adia Luka 22:39-53.
Etena kakɛnɛ ondjelo ɔmɔ le Yeso l’ekambɔ ka Ngɛtɛsɛmanɛ dia mbokeketsha, onde dui sɔ mɛnyaka dia Yeso akayɛkayɛka lo mbetawɔ kande? Lembetshiya. (Luka 22:41-43; Is. 49:8; Mat. 4:10, 11; Heb. 5:7)
3. Adia Joani 18:1-12.
Ngande wakakokɛ Yeso ambeki ande oma le atunyi ande, ndo akokaso mbeka oma l’ɛnyɛlɔ kɛsɔ? (Joa. 10:11, 12; 18:1, 6-9; Heb. 13:6; Jak. 2:25)
Ɔkɔndɔ 101
1. Ele ntondotondo l’onongo wa nyɔi kaki Yeso?
2. Kakɔna kakasale apɔstɔlɔ lam’akandama Yeso oma le ewandji w’ɛtɛmwɛlɔ?
3. Kakɔna kakatombe lo luudu laki Kayifasi, ɔlɔmbɛdi a woke?
4. Lande na kakatombe Petero l’andja atalele?
5. L’ɔkɔngɔ wa vɔ kaloya Yeso le Pilato, kakɔna kakahangɔhangɔka ɛlɔmbɛdi a lâdiko?
6. Kakɔna kakakomɛ Yeso Lushi la Tanu yema tshitshɛ l’ɔkɔngɔ a midi, ndo daka diakɔna diakandasha otshi a kɔlɔ lakahanema l’otamba suke la nde?
7. Lende ayonga Paradiso kakatɛkɛta Yeso?
Wembola ekina:
1. Adia Mateu 26:57-75.
Lo woho akɔna wakɛnya ase tuminadi ta lâdiko t’ase Juda dia etema awɔ waki kɔlɔ? (Mat. 26:59, 67, 68)
2. Adia Mateu 27:1-50.
Lande na kakokaso mbuta dia lonyangu lakayongaka la Judasɛ komonga la mɛtɛ? (Mat. 27:3, 4; Mako 3:29; 14:21; 2 Kor. 7:10, 11)
3. Adia Luka 22:54-71.
Wetshelo akɔna wakokaso kondja oma lo woho wakanguna Petero Yeso l’otsho wakawofunge ndo wakawawonde? (Luka 22:60-62; Mat. 26:31-35; 1 Kor. 10:12)
4. Adia Luka 23:1-49.
Yeso akandasale la ntondo k’awui waha la losembwe wakawosalɛ, ndo wetshelo akɔna wakokaso kondja oma lo dui sɔ? (Luka 23:33, 34; Romo 12:17-19; 1 Pet. 2:23)
5. Adia Joani 18:12-40.
Kânga mbele lo tshanda mɔtshi Petero akakɔmɔ demba l’ɔtɛ wa wɔma w’onto, kakɔna kɛnya dia nde akayokoma ɔpɔstɔlɔ ɔmɔtshi wa diambo efula? (Joa. 18:25-27; 1 Kor. 4:2; 1 Pet. 3:14, 15; 5:8, 9)
6. Adia Joani 19:1-30.
(a) Wɛdimo akɔna waki la Yeso lo kɛnɛ kendana la mbo ya l’emunyi? (Joa. 2:1, 2, 9, 10; 19:23, 24; Mat. 6:31, 32; 8:20)
(b) Ngande wele ɛtɛkɛta wakate Yeso etena kakandakitshiyaka lomu aki ɛtɛkɛta wa edjelo k’otshumba wakɛnya dia nde akasukɛ lowandji laki Jehowa? (Joa. 16:33; 19:30; 2 Pet. 3:14; 1 Joa. 5:4)
Ɔkɔndɔ 102
1. Womoto lele l’osato ɔnɛ ênde, apami ahende ango êwɔ, ndo lende ewɔ?
2. Lande na kakatɛ Pilato ɛlɔmbɛdi dia vɔ toma asɔlayi dia vɔ tolama diombo diaki Yeso?
3. Ondjelo ɔmɔ akandasale la pindju ka lushi la sato l’ɔkɔngɔ wa nyɔi kaki Yeso, ko akasale ɛlɔmbɛdi?
4. Lande na kakambe wamato amɔtshi lam’akawaye ndjenda diombo diaki Yeso?
5. Lande na kakalawɔ Petero nde la Joani otsha lo diombo diaki Yeso, ndo akawatane?
6. Kakɔna kakakomɛ demba diaki Yeso, koko akandasale dia mɛnya ambeki ande dia nde ambolɔ?
Wembola ekina:
1. Adia Mateu 27:62-66 ndo 28:1-15.
Lo etena ka eolwelo kaki Yeso, ngande wakasale ɛlɔmbɛdi a lâdiko, Afarisɛ ndo dikumanyi di’apami pɛkato otsha le nyuma k’ekila? (Mat. 12:24, 31, 32; 28:11-15)
2. Adia Luka 24:1-12.
Ngande wɛnya ɔkɔndɔ wa eolwelo ka Yeso dia Jehowa mbɔsaka wamato oko ɛmɛnyi w’eshika? (Luka 24:4, 9, 10; Mat. 28:1-7)
3. Adia Joani 20:1-12.
Ngande watokimanyiya Joani 20:8, 9 dia mɛna ohomba wa monga la lotutsha naka hatoshihodia dimɛna okotshamelo wa prɔfɛsiya mɔtshi ya lo Bible? (Tuk. 4:18; Mat. 17:22, 23; Luka 24:5-8; Joa. 16:12)
Ɔkɔndɔ 103
1. Mariya akandatɛ pami kakandafɔnyaka ɔnɛ kanga ekambɔ mbende, ko kakɔna kakawetawoya dia nde aki mɛtɛ Yeso?
2. Kakɔna kakakomɛ ambeki ahende wakatatshɔka otsha lo ngelo kakawelɛka Emayo?
3. Dui diakɔna dia diambo diakatombe lam’akatɛ ambeki ahende apɔstɔlɔ dia vɔ wakɛnyi Yeso?
4. Mbala ngana yakɛnɛ Yeso le ambeki ande?
5. Kakɔna kakate Tɔmasɛ lam’akandoke dia ambeki wakɛnyi Nkumadiɔndjɔ, ko akatombe nshi enanɛi l’ɔkɔngɔ diko?
Wembola ekina:
1. Adia Joani 20:11-29.
Onde Yeso akate lo Joani 20:23 dia anto wekɔ la lotshungɔ la dimanyiya munga? Lembetshiya. (Osam. 49:2, 7; Is. 55:7; 1 Tim. 2:5, 6; 1 Joa. 2:1, 2)
2. Adia Luka 24:13-43.
Ngande wakokaso nɔngɔsɔla etema aso dia mbetawɔ akambo wa mɛtɛ wa lo Bible? (Luka 24:32, 33; Ezera 7:10; Mat. 5:3; Etsha 16:14; Heb. 5:11-14)
Ɔkɔndɔ 104
1. Ambeki angana wakɛnyi Yeso etena kâmɛ, ndo akandawatɛ?
2. Ele Diolelo diaki Nzambi, ndo ngande wayonga lɔsɛnɔ la nkɛtɛ etena kayɔlɔmbɔla Yeso oko Nkumekanga lo edja k’ɛnɔnyi kinunu?
3. L’edja ka nshi ngana yakayaɛnya Yeso le ambeki ande, ko kakianɛ etena kambokoka ka nde sala dikambo diakɔna?
4. La ntondo ka nde tshika ambeki ande, Yeso akandawatɛ?
5. Kakɔna kasalema l’osato ɔnɛ, ndo ngande wakashishɔ Yeso oma lo washo w’ambeki ande?
Wembola ekina:
1. Adia 1 Koreto 15:3-8.
Lande na kakakoke ɔpɔstɔlɔ Paulo tɛkɛta la dietawɔ tshɛ dikambo dia eolwelo kaki Yeso, ndo l’ɔtɛ w’akambo akɔna wakoka Akristo ɛlɔ kɛnɛ tɛkɛta la dietawɔ tshɛ? (1 Kor. 15:4, 7, 8; Is. 2:2, 3; Mat. 24:14; 2 Tim. 3:1-5)
2. Adia Etsha 1:1-11.
Oko wakadiatama lo Etsha 1:8, olimu w’esambishelo wakakambema polo lende? (Etsha 6:7; 9:31; 11:19-21; Kol. 1:23)
Ɔkɔndɔ 105
1. Oko wɛnyamidiɔ l’osato ɔnɛ, akakomɛ ambeki waki Yeso wakakongɛka la Jerusalɛma?
2. Dui diakɔna dia mamba diakɛnyi angɛndangɛnda wakaye la Jerusalɛma?
3. Petero akandalembetshiya anto?
4. Ngande wakayaoke anto l’ɔkɔngɔ wa vɔ mpokamɛ Petero, ndo akandawatɛ dia vɔ sala?
5. Anto angana wakalongola batismu lo lushi la Pɛntɛkɔsta lo 33 T.D.?
Wembola ekina:
1. Adia Etsha 2:1-47.
(a) Ngande wɛnya ɛtɛkɛta waki Petero wele lo Etsha 2:23, 36 dia wodja w’otondo wa Juda waki l’onongo wa nyɔi kaki Yeso? (1 Tes. 2:14, 15)
(b) Ngande wakatotshikɛ Petero ɛnyɛlɔ k’ɔlɔlɔ ka woho wa kana l’anto yimba oma l’Afundelo? (Etsha 2:16, 17, 29, 31, 36, 39; Kol. 4:6)
(c) Ngande wakakambe Petero la sapi ka ntondo l’atei wa “sapi ya diulelu dia l’ulungu,” yakolake Yeso dia mbosha? (Etsha 2:14, 22-24, 37, 38; Mat. 16:19)
Ɔkɔndɔ 106
1. Kakɔna kakakomɛ Petero la Joani dikɔlɔ dimɔtshi lam’akawatatshɔka otsha lo tɛmpɛlɔ?
2. Kakɔna kakatɛ Petero pami k’ekuse, ndo akawosha Petero kakaleke falanga nɛmɔ?
3. Lande na kakomala ewandji w’ɛtɛmwɛlɔ, ndo akawasalɛ Petero la Joani?
4. Petero akandatɛ ewandji w’ɛtɛmwɛlɔ, ndo ɔhɛmwɛlɔ akɔna wakalongola apɔstɔlɔ?
5. Lande na kaki ewandji w’ɛtɛmwɛlɔ la kandjema, ko akakomɛ apɔstɔlɔ lam’akawadjama lo lokanu mbala ka hende?
6. Ngande wakakadimola apɔstɔlɔ etena kakawatɔlama la ntondo ka mbalasa k’ase Sheke?
Wembola ekina:
1. Adia Etsha 3:1-10.
Kânga mbeso bu la wolo wa sala ahindo ɛlɔ kɛnɛ, ngande watokimanyiya ɛtɛkɛta waki Petero wele lo Etsha 3:6 dia ngɛnangɛna nɛmɔ diele la losango la Diolelo? (Joa. 17:3; 2 Kor. 5:18-20; Fil. 3:8)
2. Adia Etsha 4:1-31.
Etena kahomanaso la ɔlɔshamelo l’esambishelo, ngande wahombaso mbokoya anangɛso w’Akristo wa lo ntambe ka ntondo? (Etsha 4:29, 31; Ef. 6:18-20; 1 Tes. 2:2)
3. Adia Etsha 5:17-42.
Ngande wɛnya wanɛ wele bu Ɛmɛnyi wa Jehowa, oyadi wa lo nshi yakete kana wa nshi nyɛ dionga di’ɔlɔlɔ lo kɛnɛ kendana l’olimu w’esambishelo? (Etsha 5:34-39)
Ɔkɔndɔ 107
1. Stefano akinde, ndo Nzambi akokimanyiya dia nde sala na?
2. Kakɔna kakate Stefano kakomadja ewandji w’ɛtɛmwɛlɔ efula?
3. Lam’akakotola apami Stefano otsha l’andja w’osomba, kakɔna kakawotshelɛ?
4. L’osato ɔnɛ, naa ɔlɔngɔ a pami wemadi suke l’ahɔndɔ?
5. La ntondo ka nde mvɔ, Stefano akandalɔmbɛ Jehowa?
6. Lo mbokoya Stefano, ahombaso sala etena katosalɛ onto ɔmɔtshi dikambo dia kɔlɔ?
Wembola ekina:
1. Adia Etsha 6:8-15.
Naa ditshelo dia kɔlɔ diakakambe la ewandji w’ɛtɛmwɛlɔ dia shimba olimu w’esambishelo k’Ɛmɛnyi wa Jehowa? (Etsha 6:9, 11, 13)
2. Adia Etsha 7:1-60.
(a) Kakɔna kakakimanyiya Stefano dia nde mamɛ lokumu l’ɔlɔlɔ dimɛna la ntondo k’ase Sheke, ndo kakɔna kakokaso mbeka oma lo ɛnyɛlɔ kande? (Etsha 7:51-53; Romo 15:4; 2 Tim. 3:14-17; 1 Pet. 3:15)
(b) Dionga diakɔna diahombaso monga ladiɔ otsha le atunyi w’olimu aso? (Etsha 7:58-60; Mat. 5:44; Luka 23:33, 34)
Ɔkɔndɔ 108
1. Saulo akandasale l’ɔkɔngɔ wa Stefano ndjakema?
2. Etena kaki Saulo lo mboka k’otsha la Damasɛkɛ, dikambo diakɔna dia diambo diakatombe?
3. Yeso akandatɛ Saulo dia nde sala?
4. Yeso akandatɛ Ananiya, ndo ngande wakayokokaka Saulo mɛna nto?
5. Saulo akayeyamaka lo lokombo lakɔna, ndo ngande wakawayokambaka la nde?
Wembola ekina:
1. Adia Etsha 8:1-4.
Ngande wele ɛhɛnyɔhɛnyɔ w’efula wakakomɛ etshumanelo k’Akristo kaki mala mbatema akakimanyiya dia dianganya mbetawɔ k’Okristo, ndo dikambo diakɔna dia woho wâmɛ diakasalema lo nshi yaso nyɛ? (Etsha 8:4; Is. 54:17)
2. Adia Etsha 9:1-20.
Naa ɛkɛndɛ esato wakashola Yeso dia nde ayosha Saulo? (Etsha 9:15; 13:5; 26:1; 27:24; Romo 11:13)
3. Adia Etsha 22:6-16.
Ngande wakokaso monga oko Ananiya, ndo lande na kele dikambo sɔ ohomba? (Etsha 22:12; 1 Tim. 3:7; 1 Pet. 1:14-16; 2:12)
4. Adia Etsha 26:8-20.
Ngande wele okadimwelo w’otema wa Saulo otsha lo Lokristo keketshaka wanɛ wele l’ewotɔ wele bu ambetawudi ɛlɔ kɛnɛ? (Etsha 26:11; 1 Tim. 1:14-16; 2 Tim. 4:2; 1 Pet. 3:1-3)
Ɔkɔndɔ 109
1. Pami kakɔna koki adwe l’osato ɔnɛ?
2. Kakɔna kakatɛ ondjelo ɔmɔtshi Kɔnɛliyo?
3. Nzambi akandɛnya Petero lam’akinde lo mbalasa ka la diko ka lo luudu laki Simɔna la Jɔpa?
4. Lande na kakatɛ Petero Kɔnɛliyo di’aha nde mbokusamɛ ndo mbɔtɛmɔla?
5. Lande na kakambe ambeki w’ase Juda waki kâmɛ la Petero?
6. Wetshelo akɔna w’ohomba wahombaso kondja oma lo otshwelo waki Petero laka Kɔnɛliyo?
Wembola ekina:
1. Adia Etsha 10:1-48.
Kakɔna kɛnya ɛtɛkɛta waki Petero watanema lo Etsha 10:42 lo kɛnɛ kendana l’olimu w’esambishelo ka lokumu l’ɔlɔlɔ la Diolelo? (Mat. 28:19; Mako 13:10; Etsha 1:8)
2. Adia Etsha 11:1-18.
Dionga diakɔna diakakɛnɛmɔla Petero lam’akaleke mbokɛma hwe ɛlɔmbwɛlɔ kaki Jehowa otsha le ase Wedja, ndo ngande wakokaso mbokoya ɛnyɛlɔ kande? (Etsha 11:17, 18; 2 Kor. 10:5; Ef. 5:17)
Ɔkɔndɔ 110
Timɔtɛ—Okimanyedi w’oyoyo waki Paulo
1. Ɔlɔngɔlɔngɔ wele l’osato ɔnɛ ênde, lende akandadjasɛka, ndo naa lokombo laki nyango la tshɛnde ka womoto?
2. Kakɔna kakakadimola Timɔtɛ lam’akawombola Paulo dia kana nde ayolanga mbotshindɛ nde la Silasi l’olimu w’esambishelo l’ahole wa tale?
3. Lende aketama ambeki waki Yeso mbala ka ntondo ɔnɛ Akristo?
4. Naa esomba ɛmɔtshi wakembola Paulo, Silasi ndo Timɔtɛ etena kakawamɔ oma la Lustɛra?
5. Ngande wakakimanyiya Timɔtɛ Paulo, ndo wembola akɔna wahomba ɛlɔngɔlɔngɔ l’esekaseka ndjambola vɔamɛ?
Wembola ekina:
1. Adia Etsha 9:19-30.
Ngande wakɛnya ɔpɔstɔlɔ Paulo shɛnɔdi lam’akandahomana la ɔlɔshamelo l’ɔtɛ wa lokumu l’ɔlɔlɔ? (Etsha 9:22-25, 29, 30; Mat. 10:16)
2. Adia Etsha 11:19-26.
Ngande wɛnya ɔkɔndɔ wele lo Etsha 11:19-21, 26 dia nyuma kaki Jehowa kekɔ lo nɔmbɔla olimu w’esambishelo?
3. Adia Etsha 13:13-16, 42-52.
Ngande wɛnya Etsha 13:51, 52 dia ambeki kotshika dia ɔlɔshamelo mbakɔmɔla? (Mat. 10:14; Etsha 18:6; 1 Pet. 4:14)
4. Adia Etsha 14:1-6, 19-28.
Ngande watokimanyiya etelo k’ɔnɛ ‘vɔ wakâtshike l’anya wa Jehowa’ dia kitshakitsha okiyanu tshɛ w’anyanya etena kakimanyiyaso eyoyo? (Etsha 14:21-23; 20:32; Joa. 6:44)
5. Adia Etsha 16:1-5.
Ngande wɛnya woho waketawɔ Timɔtɛ dia mbahema ohekele ohomba wa sala “akambu tshe dia lukumu l’ololo”? (Etsha 16:3; 1 Kor. 9:23; 1 Tes. 2:8)
6. Adia Etsha 18:1-11, 18-22.
Kakɔna kɛnya Etsha 18:9, 10 lo kɛnɛ kendana la woho walɔmbɔla Yeso ndamɛ olimu w’esambishelo, ndo eshikikelo kakɔna katosha dikambo sɔ ɛlɔ kɛnɛ? (Mat. 28:20)
Ɔkɔndɔ 111
Ɔlɔngɔlɔngɔ wakanyingɔnyingɔka djɔ
1. L’osato ɔnɛ, ɔlɔngɔlɔngɔ wetami lo nkɛtɛ ongo ênde, ndo kakɔna kakokomɛ?
2. Kakɔna kakasale Paulo etena kakandɛnyi ɔlɔngɔlɔngɔ akɔ ambovɔ?
3. Lende akatshu Paulo, Timɔtɛ, ndo anto akina wakɛngɔlaka la nde, ndo kakɔna kakatombe etena kakawemala la Milɛtɔ?
4. Omvutshi Angabo akasha Paulo ɔhɛmwɛlɔ akɔna, ndo ngande wakasalema akambo paka oko wakate omvutshi?
Wembola ekina:
1. Adia Etsha 20:7-38.
(a) Lo ndjela ɛtɛkɛta waki Paulo wofundami lo Etsha 20:26, 27, ngande wakokaso monga ‘aha la onongo wa dikila di’anto tshɛ’? (Ezek. 33:8; Etsha 18:6, 7)
(b) Lande na kahomba dikumanyi ‘mamɛ ɔtɛkɛta wa kɔlamelo’ lam’etshawɔ? (Etsha 20:17, 29, 30; Tito 1:7-9; 2 Tim. 1:13)
2. Adia Etsha 26:24-32.
Ngande wakakambe Paulo la woho wakinde ose Rɔma dia nde kotsha ɔkɛndɛ wakandalongola oma le Yeso wa sambisha? (Etsha 9:15; 16:37, 38; 25:11, 12; 26:32; Luka 21:12, 13)
Ɔkɔndɔ 112
1. Kakɔna kakakomɛ wâto waki Paulo lam’akawete l’omamu wa disɛnga dia Kɛrɛtɛ?
2. Paulo akandatɛ wanɛ waki lo wâto?
3. Ngande wakatɛ wâto bɛtshi bɛtshi?
4. Kakɔna kakate owandji w’alembe, ndo anto angana wakake?
5. Naa lokombo la disɛnga diakawadjasɛ, ndo Paulo akandasale lam’akashile lɔpɛpɛ?
Wembola ekina:
1. Adia Etsha 27:1-44.
Ngande wahomba keketshama wɛkamu aso lo kɛnɛ kendana la mɛtɛ ka Bible etena kadiaso ɔkɔndɔ wa lɔkɛndɔ laki Paulo otsha la Rɔma? (Etsha 27:16-19, 27-32; Luka 1:3; 2 Tim. 3:16, 17)
2. Adia Etsha 28:1-14.
Naka apanganu wa la Malata wakatshutshuyama dia mɛnya ɔpɔstɔlɔ Paulo la asekande wakambɔ la nde “ngandji [k’]efula,” kakɔna kahomba Akristo tshutshuyama dia mɛnya ndo lo yoho yakɔna ya lânde? (Etsha 28:1, 2; Heb. 13:1, 2; 1 Pet. 4:9)
Ɔkɔndɔ 113
1. Kânga mbakinde ose lokanu, anto akɔna wakasambishama oma le Paulo la Rɔma?
2. L’osato ɔnɛ, naa ɔngɛndangɛnda wele lo mɛsa, ndo kakɔna kasalɛnde Paulo?
3. Epafroditɛ akinde, ndo ɛngɔ kakɔna kakandɔsɛ lam’akandatakalolaka otsha la Filipi?
4. Lande na kafundɛ Paulo Filɛmɔna ɔngɛnyi ande w’oshika mukanda?
5. Kakɔna kakasale Paulo lam’akandatondjama oma lo lokanu, ndo kakɔna kakayokomɛ l’ɔkɔngɔ diko?
6. Jehowa akakambe l’onto akɔna dia funda dibuku di’ekomelo dia lo Bible, ndo kakɔna katewoya dibuku dia Enyelo?
Wembola ekina:
1. Adia Etsha 28:16-31 ndo Filipi 1:13.
Ngande wakakambaka Paulo la wenya ande etena kakinde lo lokanu la Rɔma, ndo shɛngiya yakɔna yele la mbetawɔ ka nge kɛsɔ le etshumanelo k’Akristo? (Etsha 28:23, 30; Fil. 1:14)
2. Adia Filipi 2:19-30.
Ditelo diakɔna dia lowando diakate Paulo lo kɛnɛ kendana la Timɔtɛ nde la Epafroditɛ, ndo ngande wakokaso mbokoya ɛnyɛlɔ kaki Paulo? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)
3. Adia Filemona 1-25.
(a) L’ɔtɛ wa dikambo diakɔna diakakeketsha Paulo Filɛmɔna dia nde sala kɛnɛ kaki ɔlɔlɔ ndo dui sɔ ngande walɔmbɔladiɔ dikumanyi ɛlɔ kɛnɛ? (File. 9; 2 Kor. 8:8; Ngal. 5:13)
(b) Ngande wɛnya ɛtɛkɛta waki Paulo watanema lo Filemona 13, 14 dia nde akalɛmiyaka nkum’etema yaki anto akina wa l’etshumanelo? (1 Kor. 8:7, 13; 10:31-33)
4. Adia 2 Timote 4:7-9.
L’ɛnyɛlɔ kaki ɔpɔstɔlɔ Paulo, ngande wakokaso ndjashikikɛ ɔnɛ Jehowa ayotofuta naka sho tshikala la kɔlamelo polo l’ekomelo? (Mat. 24:13; Heb. 6:10)
Ɔkɔndɔ 114
1. Lande na katɛkɛta Bible dia waa falasa ya l’olongo?
2. Naa lokombo la ta diaki Nzambi diayondɔlɔ la anto wa kɔlɔ wa la nkɛtɛ, ndo naa oyango wa ta diakɔ?
3. L’osato ɔnɛ, onto akɔna layɔlɔmbɔla ta diakɔ, lande na kɔlɔtshinde dɛmbɔ dia koso, ndo yɔɔmbɔ yande alembetshiyayɔ?
4. Naka sho kalola yema l’Ɔkɔndɔ 10, 15 ndo 33, lande na kahatahombe mamba dia Nzambi ayolanya anto wa kɔlɔ?
5. Ngande watɛnya Ɔkɔndɔ 36 ndo 76 dia Nzambi ayolanya anto wa kɔlɔ kânga mbatawɔ dia vɔ wekɔ lo mbɔtɛmɔla?
Wembola ekina:
1. Adia Enyelo 19:11-16.
(a) Ngande wɛnya Afundelo hwe ɔnɛ Yeso Kristo mbele ombahemi wa falasa ka wɛma? (Eny. 1:5; 3:14; 19:11; Is. 11:4)
(b) Ngande watoshikikɛ dikila diele lo dihɔndɔ dia lâdiko diaki Yeso dia ɔlɛmbiɛlɔ ande wayonga ohomba ndo ɔnɛ ɛngɔ tshɛ kayɔlɛndjama? (Eny. 14:18-20; 19:13; Is. 63:1-6)
(c) Ondo waa na wele l’ɔnɔngɔ w’alembe wayayele Yeso lahemi lo falasa kande ka wɛma? (Eny. 12:7; 19:14; Mat. 25:31, 32)
Ɔkɔndɔ 115
1. Lo ndjela kɛnɛ kɛnya Bible, lɔsɛnɔ la ngande layonga laso lo Paradiso ka la nkɛtɛ?
2. Bible alakatɔ wanɛ wayodjasɛ lo Paradiso?
3. Etena kakɔna kayɛna Yeso ɔlɔlɔ di’otshikitanu ɔsɔ wa diambo salema?
4. Etena kaki Yeso la nkɛtɛ, kakɔna kakandasale kɛnya kɛnɛ kayondosala oko Nkumekanga ka lo Diolelo diaki Nzambi?
5. Kakɔna kayoyashikikɛ Yeso la wanɛ wayolɛ la nde etena kayowolɔmbɔla nkɛtɛ oma l’olongo?
Wembola ekina:
1. Adia Enyelo 5:9, 10.
Lande na kakokaso ndjashikikɛ ɔnɛ wanɛ wayɔlɔmbɔla nkɛtɛ l’edja k’Ɛnɔnyi Kinunu wayonga nkumi ya dikanga ndo ɛlɔmbɛdi w’ɔlɔlɔ ndo wele la kɛtshi? (Ef. 4:20-24; 1 Pet. 1:7; 3:8; 5:6-10)
2. Adia Enyelo 14:1-3.
Etelo k’ɔnɛ lokombo la Papa ndo l’Ɔn’ɔkɔkɔ lambofundama lo fumu yaki 144 000 alembetshiyatɔ? (1 Kor. 3:23; 2 Tim. 2:19; Eny. 3:12)
Ɔkɔndɔ 116
Woho wakokaso kondja lɔsɛnɔ la pondjo
1. Naka talanga kondja lɔsɛnɔ la pondjo, ahombaso mbeya?
2. Ngande wakokaso mbeka dia mbeya Jehowa Nzambi nde la Yeso, oko wadiɛnya yana ya yimato nyɛ la angɛnyi ande l’osato ɔnɛ?
3. Dibuku diakɔna dikina diɛnayɛ l’osato ɔnɛ, ndo lande na kahombaso diadaka mbala la mbala?
4. Lâdiko dia mbeka awui wendana la Jehowa la Yeso, naa dikambo dikina diahombaso sala dia kondja lɔsɛnɔ la pondjo?
5. Wetshelo akɔna wakondjaso oma l’Ɔkɔndɔ 69?
6. Kakɔna kɛnya ɛnyɛlɔ k’ɔlɔlɔ kaki yana ya dikɛnda Samuɛlɛ l’Ɔkɔndɔ 55?
7. Ngande wakokaso ndjela ɛnyɛlɔ kaki Yeso Kristo, ndo naka sho sala dui sɔ, kakɔna kayotonga l’akoka wa sala lo nshi yayaye?
Wembola ekina:
1. Adia Joani 17:3.
Ngande wɛnya Afundelo dia mbeka dia mbeya Jehowa Nzambi ndo Yeso Kristo halembetshiya tsho kimɛ awui akɔ lo yimba? (Mat. 7:21; Jak. 2:18-20; 1 Joa. 2:17)
2. Adia Osambu 145:1-21.
(a) Naa ɛkɔkɔ ɛmɔtshi l’atei w’ɛkɔkɔ efula wele laso wa tombolaka Jehowa? (Osam. 145:8-11; Eny. 4:11)
(b) Ngande wele Jehowa “ololo le antu tshe,” ndo ngande wahomba dikambo sɔ ndeka tosukanya la nde? (Osam. 145:9; Mat. 5:43-45)
(c) Naka sho nangaka mɛtɛ Jehowa l’etema aso, kakɔna kayototshutshuyama dia sala? (Osam. 119:171, 172, 175; 145:11, 12, 21)