ETENYI 14

Ngande wakokayɛ mɛnya kɔlamelo yayɛ le Jehowa?

Eta lo wedi wa Nzambi. 1 Petero 5:6-9

Okristo ɔmɔtshi ekɔ lo ntona ndjatambiya l’ɔtɛmwɛlɔ wa kashi kana l’awui wa pɔlitikɛ

Ewɔ mbekelo yahetawɔma lo Bible. Dia wɛ nsala dui sɔ, paka monga la dihonga.

Tɔtɔke l’awui wa pɔlitikɛ wa lo wedja; vɔ hawosukɛ Jehowa ndo Diolelo diande.

Sala ɔsɔnwɛlɔ w’ɔlɔlɔ, mbuta ate hokamɛ Nzambi. Mateo 7:24, 25

Pami kɛmɔtshi amboya lo losanganya lo Mbalasa ka Diolelo, ndo ekɔ lo mbeka Bible l’Ɔmɛnyi wa Jehowa ɔmɔtshi

Ɔtɔ lɔngɛnyi l’Ɛmɛnyi wa Jehowa; vɔ mbayokokimanyiya dia wɛ ndjasukanya la Nzambi.

Tetemala la mbeka akambo wendana la Nzambi ndo sala la wolo dia nkitanyiya wadjango ande.

Pami kɛmɔtshi amboyakimɔ le Jehowa lo dɔmbɛlɔ ndo l’ɔkɔngɔ diko ambobatizama

Naka wɛ aya la mbetawɔ ka wolo, kete wɛ pombaka nkimɔ lɔsɛnɔ layɛ le Jehowa ndo batizama.—Mateo 28:19.

Hokamɛ Nzambi. Adiaka Bible ndo lɔmba Ɛmɛnyi wa Jehowa dia vɔ kokimanyiya dia wɛ kishihodia. Oma laasɔ, kamba la kɛnɛ kekayɛ. Naka wɛ nsala ngasɔ, kete wɛ ayɔsɛna pondjo pondjo.—Osambo 37:29.