Kakɔna kata Bible?

Onde ana w’anto mbakamɛ la ɔtɛmwɛlɔ?

ANTO AMƆTSHI MBETAWƆKA ɔnɛ ana w’anto mbakamɛ l’ɔtɛmwɛlɔ, akina fɔnyaka dia Nzambi kambaka l’ɔtɛmwɛlɔ dia nkimanyiya anto dia vɔ monga suke la nde. Kakɔna kafɔnyayɛ?

KƐNƐ KATA BIBLE

Ekɔ ‘ɔtɛmwɛlɔ wele pudipudi ndo waha la vadi lo washo wa Nzambi Shɛso.’ (Jakɔba 1:27, nɔtɛ) Ɔtɛmwɛlɔ wa pudipudi kana wa mɛtɛ, ndja oma le Nzambi.

NAA AWUI AKINA WAKOKASO MBEKA OMA LO BIBLE?

• Dia ngɛnyangɛnya Nzambi, ɔtɛmwɛlɔ pombaka mbika etshina lo akambo wa mɛtɛ wa lo Bible.—Joani 4:23, 24.

• Ɛtɛmwɛlɔ woki etshina oma lo tokanyi t’ana w’anto wekɔ anyanya.—Makɔ 7:7, 8.

Onde ekɔ ohomba monga lo ɔtɛmwɛlɔ ɔmɔtshi?

NGANDE WAYOYOKADIMOLA?

• Eelo

• Keema

• Dui sɔ nemanɛka l’onto

KƐNƐ KATA BIBLE

‘Nyɛsɔ todjanake yimba dia tshutshuyana lo ngandji ndo lo etsha w’ɛlɔlɔ, tatotshikake sanganaka kaamɛ.’ (Hɛbɛru 10:24, 25) Nzambi kombolaka dia atɛmɔdi ande monga kaamɛ oko olui wokongɛmi.

NAA AWUI AKINA WAKOKASO MBEKA OMA LO BIBLE?

• Anto watɛmɔla Nzambi pombaka monga kaamɛ lo mbetawɔ.—1 Kɔrɛtɔ 1:10, 11.

• Anto wele l’ɔtɛmwɛlɔ wetawɔma oma le Nzambi kengaka nkumbo k’onto l’ɔnango ka l’andja w’otondo.—1 Petero 2:17.