MAKASINE O O ITHUTIWANG

DITLHOGO TSA THUTO

▪ Diragatsa Seabe sa Gago sa go Nna Moefangele

Go kaya eng go nna moefangele? Setlhogo seno se araba potso eno mme se bontsha lebaka la go bo batho ba tlhoka go utlwa dikgang tse di molemo. Gape se tlhalosa kafa re ka kgonang ka teng go diragatsa seabe sa rona sa go nna baefangele.

▪ A o ‘Tlhoafaletse Ditiro Tse di Molemo’?

Setlhogo seno se sekaseka ditsela tse pedi tsa kafa go ‘tlhoafalela ditiro tse di molemo’ go ka ngokelang batho kwa Modimong ka gone. (Tito 2:14) Tsela e nngwe ke ka go dira tiro ya rona ya go rera. E nngwe ke ka boitshwaro jwa rona jo bo siameng.

▪ Nonotsha Lenyalo la Gago ka Puisano e e Molemo

▪ Batsadi le Bana—Buisanang ka Lorato

Go botlhokwa gore banyalani ba nne le puisano e e molemo gore ba nne le lenyalo le le itumetseng le gore ba itumelele botshelo mo lelapeng. Setlhogo sa ntlha se tlhalosa dinonofo tse di ka re thusang gore re buisane sentle. Setlhogo sa bobedi se bontsha gore batsadi le bana ba ka dira jang gore go se ka ga nna le dilo tse di ka ba kgoreletsang go buisana.

▪ Sireletsa Boswa Jwa Gago ka go Dira Ditshwetso Tse di Botlhale

Bakeresete ba na le boswa bofe jwa semoya? Re ka ithuta eng ka boswa jwa rona mo sekaong se se re tlhagisang sa ga Esau? Re ka tsaya dikgato dife tse di ka re thusang go dira ditshwetso tse di botlhale malebana le boswa jwa rona? Setlhogo seno se tla araba dipotso tseno.