O ka Dirisa Jang Karolo ya Se re Ka se Buang mo Bodireding?

Go simologa ka January 2018, karolo ya se re ka se buang mo bodireding e ntse e tlhagelela mo tsebeng ya ntlha ya Bukana ya Pokano ya Botshelo le Bodiredi Jwa Rona. Mme karolo eno e ka dirisiwa jang?

Fa o Neela Pontsho: O tshwanetse go dirisa potso, temana le potso e o ka tlotlang ka yone fa o boa e e tlhagelelang mo karolong ya se re ka se buang mo bodireding. Ga go tlhokege gore o bue sengwe le sengwe se motho yo mo bidiong ya se re ka se buang mo bodireding a se buang. O ka rera mo lefelong lengwe le lengwe, o ka simolola puisano ya gago ka sengwe le sengwe, o ka dirisa mafoko a gago fa o bua, jalo le jalo. O ka naya mong wa ntlo kgatiso e e tswang mo Lebokosong la go Ruta le fa go sena taelo e e reng o dira jalo.

Fa o Le Kwa Bodireding: Karolo ya se re ka se buang mo bodireding e diretswe go re thusa fa re rerela batho. Fa motho yo o buang le ene a bontsha kgatlhego o ka tsweledisa motlotlo ka go mmotsa potso e e tlhagelelang mo karolong ya loeto lwa go boela. O ka tokafatsa potso e e tlhagelelang mo se re ka se buang mo bodireding kgotsa wa dirisa sengwe se se farologaneng. A puisano ya mo kgweding e e fetileng kgotsa temana e e farologaneng e ka kgatlha batho ba ba mo tshimong ya lona? A batho ba mo tshimong ya lona ba rata go bua ka dilo tse di diragalang mo lefelong la lona? Re ka dirisa dipuisano tsa se re ka se buang mo bodireding ka ditsela tse di farologaneng mme sa botlhokwa ke gore re ‘dire dilo tsotlhe ka ntlha ya dikgang tse di molemo, gore re tle re di abalane le ba bangwe.’—1Bak 9:22, 23.